اربع سنوات ... مجابة
عنوان الموضوع : اربع سنوات ... مجابة
مقدم من طرف منتديات نساء الجزائر
اربع سنوات ...
بسم الله الرحمن الرحيـم
السـلام عليكم ورحمت الله وبركـاته
بصراحه اول مره ادخل هذا المنتدى واليوم وانا جالسه اتصفح مواضيع
تأخر الحمل شفت هذا المنتدى من قوقـل
وسجلت فيه
وبصرراحه انا اليوم في حــــــــــــــــــــــــاله ما يعلم فيهـا الا رب العـالميـن
انا حرمه وتزوجت زوجـي بعد ما خلصت الثانويه
وكان عمري هذاك الوقت 19 سنه
المهم تزوجت وانا اصغيره في العمـــــــــــرر
وبعديـن صـار النـاس يجـون ويبـاركـون لي ودايم يقولـون لي ان شاء الله نجي ونبارك لك وعندك هذاك الصغيرر ....
وداايم يقولوون كذاا...
وبعديـن قلت لهم
ما ابغي اعياال تونـي اصغيرره ...
المهم هم اسكتـو وبصراحه هم ضجروني داايم يقولوون لـي داايم
وانا زوجـي
المشكله ان زوجي هوو اكبر اخوانه الاولد والبنات
و العايله كلهـا يبغون يجيله ولد يرفع اسمه طبعاً واسم ابوه
المهم
العايله داايم تسأل عني هـا ما حملتي ؟؟
بشري جـاء شي با الطريق ؟؟
قوولـي جـاتك الدوره هذا الشهـر؟؟؟
وبالعربـي العيوون كلهـا علـي
يبغونـي بس احمل
وانا وبكل صراحه ما كنت ابغي احمل وانا عمرري 19 سنه
قلت على الاقل
21 او 22 اكون كبرت اشووي
المهم
مرت اول سنه من زوجـي وانا ما حملت
وهذا الشي زااد نظرت النـااس لـي
وحتى الجيراان يسألوون ها بشرو ما حملت
المهم كلاامهم ما همنـي في البدايه لنـي كنت اصغيره با السـن
واقوول بحمل اكيد بس ما بعد ربي يكتب
المهم زوووووووجي يبغااني احمـل بأي طريقه
وده يكون عنده ولد يشيل اسمه
ويموت با الاطفاال ويحبهم مره
وانا الموضووع عاادي عندي
وبعد السنه هذي
بدى يجينـي نزيــــــــــف شديد مرره ....
هذا النزيف اتعب حـالتي مرره
وبسبب المشاكل الي تكون لازم في بدايه الحيـاه الزوجيه
احسه ان النزيف زااد علي
المهم رحت المستشفـى وقلت لهم اني من تزوجـت لي سنه
ومعي نزيف شديد وكذاا
عطونـي حبوب علشان يوقف هذا النزيف
وينظم الدوره
لن دورتي مو منتظمه
المهم ظليت على هذا الحــــــــــاال قرابه سنه وزياده
وانا معي نزيف شديد واروح للمستشفى الخاص ويعطيني حبووب علشان يوفق هذاالنزيف
وبعدهـا تعبت من كثر الحبووب
وبعديـن النـااس وصفوو لي وحده تدهـن عندهـم قالو روحـي عندهـا
يمكن ان الله يشفيك على يدهـاا
وسمعت نصيحـت النـاس لـي ورحـت عند وحده ودهنتني ثلاث اياام
وقالت لي يمكن فيك لوته ؟؟
المهم دهنتني وعطتني علااج با الاعشاب ومدري كيف
المهم
اخذت اعلاجهـا والحمد الله خف النزيف
وفرحت مرره
وقلت الحمد الله جاب نتيجه ..
وبعد كم شهر رجع النزيف اكثر من قبل ..
وبعدهـا حسيت ان خلااص رااح امووت بسبب النزيف
قلت في نفسي اكيد اني راح امووت بعد ما يخلص دم جسمـي بسبب النزيف
المهم
ظليت با المستشفيات الخاصه من مستشفى لمستشفى
وكل من قالي روحـي يا فلانه لهذا المستشفى اقول لهم ان شاء الله
ابغي بس حل واحد يوقف هذا النزيف الي مو عارفه وشو سببه الين الحـين
المهم
تعبت وربي تعبت وانا اروح المستشفيات والعلاجات
احس بطني صار صيدليه من كثر العلااج الي اكله كل شهر
ومع هذاا ظليت مستمرره على العلااج
واخر واحد رحت له قالي انا مو عارف وشو سبب النزيف الي فيك
كل شي فيك سليــــــــم وما فيكي اي شـي لا انتي ولا زوجـك
ماني عارف وشو سببه
بس الحل الوحيد الي ان شاء الله راح يوقف هذا النزيف هو انك تحمليـن
قلت له ان شاء الله
شورك وهدايه الله
وبعديـن عطاني حبوب كولوميد وتنشيط المبايض لن المبايض عندي اضعيفه
وبعد ما رحت له عند الموعد قال مافي حمل راح اعطيك ابره منشطات المبايض
وراح احدد لك يووم تنامين فيه مع زوجك
المهم سمعت كلامه بكل حرف
ابغي بس يرووح النزيف عنـي
صار لـي سنتيـن من تزوجـت والنزيف ما وقف منـي
المهم ظل يعطيني اوبر ابره ورى ابره
وجسمي احسه صار امنقب من كثر هذا الابر الي يعطيني ايهـاا
المهم
حسيــــــــــــــــت با الاخيرر ان مافي امل من المستشفيات الخااصه
وبعدهـا قالو لي النـاااس روحـي مستشفى الحكومه احسـن لك
وقلت لهم ان شااء الله
المهم والله وروح هذاك اليووم لمستشفى الحكوومه واقولهم عن حالتي
وبعدهـااا ...بديت في المواعيد ...موعد ..وراا موعد...موعد..وراه موعد
ووتحاليل وفحوصات واشعاات
واشيااااء تعوور القلب والله وتحملـــــــــت وقلت يـــــــــــــــاااااااااااااااااارب
وفي هذاك الوقت صار عمرري 21 سنــــــــــه
وحصلت الوويل والعذاااب ومحد يدري عنـي وما احب اشكي لحد ..
وحتى امـي ما كنت اقولهـا شي ما احب اضيق خلقهـاا
ولا ابوي ولا حتى اخوانـي كنت اذا قالو لي تعالي رااح نسوي لك
كذاا
كنت اخااف كثيرر
بس ما كنت اشتكي لحد
بس كنت ابكي
وادعي ربي
واقوول ياااااااااااااااارب الطف فيني
يارب لاتتركني وفي هذا الوقت
مارحموني النـااس جلسو يقطون كلاام يعور القلب علـي
وعلى زوجــــــي ويقولون له زوجتك مافيهـا اعياال ..
شهي يقهـر ووالله يقهـر
ليه محد راحمني
اهل زوجـي يجروحني اكثرر ..وكنت ساكته وما اقول شي
وزوجـي ساكت وما يقول شي ومو عارف وشو يسووي الي بيده سواه واكثرر
ما قصر وقف معي صدق ..
المهم الي تزوج بعدي جـابو اعياال وكل ما اسمع ان وحده تزوجت بعدي
ابكـي
واقول يارب ماني حاسدتهـا بس ياارب مثل ماعطيتهم ورزقتهم ارزقني ياارب
حملو نااس كثيرره وانا كل من اسمع افرح لهم والله بس في نفس الوقت اقوول
ياارب ابغي
لاتحرمني ياارب
في ينات اصغر مني في العمر
وتزوجو بعد ما تزوجت با سنه ومع ذالك حملو وفي الاشهر الاولى وبعضهم
اول ما دخل زوجها عليها بعد العرس
وانا والله افرح لهم واقول الحمد الله على كل حـال
يا ليت يا ربي ترزقني مثل ما رزقتهم ياارب لاترد يدي
وادعي داايم في صلااتي وفي ركووعـي
واقول يااااااااااااااااااااااااااااااااارب ارحمنـي
ياارب رحمت وااسعه ارحمني ياارب
المهم ..
المستشفى الحكوميه قالت لـي رااح نرسلك لمستشفى ثانيه في مدينه ثانيه
انا خفت قلت لدكتور ليه ؟؟؟
فيني شي خطير انااا..
وشو السبب تكفى قوولـي
واحس اني ودي ابووس ارجوله علشان يقولي ..
كنت خايفه اني اسمع خبر يخوف
بس قالي
لااتخافين بس انا ابغي ارسلك هيناك لني ماني شايف ولا اي شي يسبب لك نزيـف
قلت يــــــــــــاااارب ارحمنـي ..
قلت له معليه ارسلنـي بس ابغي احمل
ودي اشوف لي ولد او بنت ..
نفسي اسمع كلمت يمه
تمنيت اسمعهـاا
لما نروح اماكـن عاامه انا مع زوجـي كنت انـاظر في الاطفال كيف يلعبوون
وكل طفل يمر بجنبي كنت احط ايدي على شعر
وابتسم له واضحك له واسولف معه ..
وفي نفس الوقت خايفه ان زوجي يشووفني .في هذا الوقت كنت لحالي با الشقه وما عندي اي حد بس انا وزوجي
واحس بفرااغ كبير بحيااتي ووحده ما يعلم فيها الا رب العاالمين .
المهم ..
رحت المستشفى الي نقلوني فيهاا واول يوم رحت له كنت خايفه مرره
وكل وحده اشووفها اسألهاا ..
وانا خاايفه مره ..
وفي نفس الوقت ما ابغي اقول لمـي اني خاايف كنت اخبي عليهاا
المهم رحت هينااك ودخلت المستشفى وانا سهرانه ما نمت من الخوف
المستشفى كبيره مررره
ودخلت وانا من الخووف اشووفهاا اصغيره وضيقه في عيني ..
المهم دخلت على الدكتوور
وكان الدكتور هذا شديد .ونحيس بصراحه ودمه ثقيل حيل ..
ومو رااحمني ولا راحم خووفي
والمستشفى كلهاا نفس الحكايه مدري يظنون اني كافره ولا يهوديه
يعاملوني بقسااوه مره مره
مع العلم والله ما كنت اقولهم شي يضيقهم او اتصرف تصرف يغضب
ولا اضرخ اذا جاو يسوون لي اي شـي
المهم
عطوني موعد واشعه وتحاليل ومدري كيف
في هذا الوقـت كملت الثلاث السنوات وبديت ادخل باالسنه الراابعه
وانا ااروح واجـي عليهم
واسألهم وشو السبب قولو لـي انا خـايفه مرره
واخيرراً قالو فيك تكيس وهذا التكيس يسبب لك نزيف
قلت لهم طيب والحـل
قالو الحل احملـي وان شااء الله يرووح عنك
لازم نسوي لك طفل انابيب
قلت لهم طيب مافي حل ثااني
قالو لـي ابــــــــــــــــــــد ...
قلت لهم اذا كل شي فيني سليم يمكن يكون في حل ..
قالو
مافي اي حل ثاااااااااااااني ...
قلت لهم طيب اذا حملت وانا فيني نزيف رااح يطيح الجنين
قالووو
والله ماندري بس ان شاء الله ما يطيح ..
وانتهى الحواار الي بيننـاا
المهم ..
النـاس ما يخلون احد وما ارحمووني بعد ظلو يسألون ويستفسروون
ويقطون علي كلاام جاارح
بس ربي يعلم با لي حصلته
الي تكوون حامل تخاف تقوولي تخبي عني الخبر تخاف تقولي وانظلهااا او احسدهـاا
والي اذا شافتي مسكت ولدهـا الصغير وحطيته على حظنـي تجي تسرع وتشيله
وتقوولي بروح اغيرر له ..او ارضعه
والي والـي ..
الـين ماا قلت مراح المس لهم طفل ابد علشاان يرتااحون مني
وصرت اخااف اذا شفت طفل عندهم اخاف المسه
واذا رحت اودي هديه لوحده توها والد من اهل زوجـي ما اشيل الطفل اخااف بعد يخـافون
اكتفي بس اني امسكه ثواني بس واعطيهم ايااه
وبصراحه ابتعدت انا عن النـااس ما ابغي تزيد جروحـي اكثر من كذاا
وصرت ما اروح عندهم وما يشوفوني الا في اوقات المناسباات وبس ..
في هذا الوقت صار عمري 22 سنه
وانا على حطت ايدكم نزيف ومواعيد واخر شي صرت انا اذا جاني نزيف اعالج نفسي بنفس
اخذ احبووب الي يوقف النزيف واريح نفسي من شغل البيت
والنزيف يستمر معي شهر كامل او احياناا اقل او اكثرر ..
ودورتي صارت مو منتظمه ابد
وصارت حالتي تسوء من اسووء الي اسووء
المهم بعدهاا قاالو لي روحي لشيخ يقرراء عليك قلت لهم ان شاء الله
والله واروح عند شيخ وقام وقرااء علي وقرااء لين خلص مني
وسألني اسأله بعدهـاا قالي وشو تحسين فيه ؟؟؟
المهم بعديـن قالي شووفي انتي فيك حسد وعيـن
ووحده قبلك جات عندي كذا نفس قصتك ظلت عشر سنوات معها نزيف
وما حملت وبعدين جات عندي وبفضل الله ثم بفضل القراان حملت الحرمه بعد ما تعالجت عندي با اسبوع
فررحت مرره وقلت الحمد الله في باقي باب ما تسكر في وجهي
وظليت معه شهرين وبعديـن تركته وقلت
استغفر الله
مافي امــــــــــل شكلي مرراح احمل ابد ابد وشكل النزيف مرح يوقف
وحسيت في هذا الوقت ان هذي هي نهاايتي
ايه هذي نهاايتي ..
هذا اخر بااب ..احسه قفل في وجهي
مابقى شي ماسويته كل من حد يقولي روحي سوي كذا اروح واسويه
بس قلت سكرت كل الابواب وراح يظل عندي بااب الدعااء مفتوح في كل وقت
ياارب ارحمني ياارب ياارب
بس الحمد الله على كل حـال ..
المهم في هذا الفتره تزوج حمـااي الي هو اخو زوجـي ..
وانا يدي علي قلبـــــــــــــــــــــــــــــــــــــــــــــــ ي
واقــــــــــــــــــــــــــــوول بس كفاايااا جرروووووووووح
كنت ادعي في صلااتي واقووول ياارب انا ماا اطلب انك ما ترزقهم با الذريه
بس ياارب ابغي اكون انا قبلهاا
اتمنى ان يكون اول طفل يكوون مني اناا ياارب
لاتحرمني
وكنت ابكي وابكي وحاالتي صارت زفت
وبعد كم يووم من زواجهم تأخرت الدوره عنهـاا
وجـاو يبشروووني انهـا حـاامل
انا في هذا الوقت مو عااررفه وشو اسوووي ؟؟؟
اصيح ... ولا اصرخ .. ولا اموووت ..
الحيـن النااس وشو بتقوول عني
وغير كذاا كيف رااح يعاملوونها اهل زوجي الي يبغون ويتمنون الطفل ويدورونه تدوور
وكيف رااح يعاملووني اناا ؟؟؟...
فرحت لها لنها والله طيبه وتستااهل
بس يظل بقلبي حزن .....كبيررررررررررررررررررررر لو اطلعه على العاالم
مرراح يتحملوونه ....
وانا الحيـــــــــــــــن
دخلت السنه الراابعه من الزوااج
وليـن الحيـن ما حملت واخر حل عطوني اياه هو اني اسوي لي طفل انابيب
والحيـن انا اخلص اجرائاات طفل الانابيب ومابعد ابتدي فيهااا .
ومرت حمااي الي هي اخو زوجي حـامل ولهـا بطن ...
وانا الحـين كذااااااا...
وانا بصراحه اول مره انزل قصتي في عاالم النت
ويعلم ربي اني انزلها لني ما عمري قلتها لحد
ومراح اقوولها لحد ..
وانا اكتبهاا ابكي من الي فيني ..
ومدري وشو ربي كااتب لي ليـن الحيـن تعبت من العلاجاات وتعبت من كل شي ...
وهذي قصتي اعرضها بين ايدنكم وعارفه اني طولت عليكم بس وربي مو مني من القهر الي في فلبي
ويا ليت قصتي تكون عظه وعبره للكـل بدون استثنااء ...
والي ابغيه من الي يقراا قصتي يدعي لي با الذريه الصالحه
والحيـن انا اتسأل هل من الممكـن يكون عندي امل ان الورود راح تعيش بعد ما ذبلت ..
>>>>> ردود الأعضـــــــــــــــــــاء على الموضوع <<<<<
==================================
الله يكون بعونك شوفي حبيبتي انا ماسجلت الا على شانك
وحده جاه نزيف شديد لمدة سنتين وتعبت مره ذكرله احد المشايخ ورق التين
وطريقته...تاخذين 7 حبات ورق تين وتغسلينه زبن وتحطينه بالخلاط وتملين عليه الخلاط ماء وتخلطينه
وتأخذين مقدرا كاس وتشربينه والباقي تضيفين عليه ماء وتتروشين فيه
هاذي البنت الي جاها نزيف تقول استعملته اربعين يوم والحمدلله وقف النزيف بس ملاحضه (يمنع بالفتره
هاذي الجماع والله يشفينا وياكم وعليك بقراءة سورة البقره يوميا لانها بأذن الله تشفى من العين
بس تقرا بأخلاص
__________________________________________________ __________
أسأل الله لك قلبا صابرا ويقينا ثابتا في ظل ظروفك ..عليك اختي بكثرة الدعااااااااااااء والاستغفار مع استحضار حسن الظن بالله والالحاااح ...
وعسى ان تكرهوا شيئا وهو خيرا لكم ...
وفقك الله وعااااااااااااافاك وزادك رفعه عنده .. ورزقك ذريه صالحة...
تقبلي مروري ..
__________________________________________________ __________
الله يعينك لا تفقدي الامل بالله ربك كريم ادعي واكثري من الاستغفار انا ل3 سنوات والحمد الله متوكله على ربك .ادعي وصلي قيام اليل .
__________________________________________________ __________
اسم الله عليك يالغالية.....
لا تخافي ان شاء الله الجاي أحسن( إن مع العسر يسرا)...
شوفي حالة غيرك تهون عليك مصيبتك...
والله في أهلي ناس كثيرة مثلك وأكثر...
والله خالي له أكثر من 11سنة متزوج
وماعنده طفل ... وولد عمتي متزوج من 17 سنة
وهم ماعنده طفل....
حبيبتي تأكدي أنك مو لحالك تتعذبي تنتظري
الحمل في ناااااس كثيرة في هالعالم تعد أياااام
عمرها اللي راحت بدون أطفال وتتأمل يكون
الجاي أحلى ان شاء الله...
اصبري وان شاء الله راح يصير اللي
تبيه...
على فكرة أنا مثلك متزوجة من سنين
والى الآن ماعندي طفل ولاعمري حملت
الله يسعدك يالغلا،،،،
__________________________________________________ __________
السلام عليكم
خيتوو انا متزوجة من 5 سنوات والا الحين ماحملت واخواتي اصغر مني عندها عياااال والحمد الله راضيها في قضاء الله ودخلت تحفيظ يشغلني والحمد الله مبسوطه ولا افكر في الاطفال الله يرزقك ذريه صالحة... ويرزقني ويرزق كل محرومة
رد مع اقتباس
