عنوان الموضوع : اتعظووووووووووو يا بنات مني -لصحتك
مقدم من طرف منتديات نساء الجزائر

اتعظووووووووووو يا بنات مني



خواتي ابيكم تتعظو من مشكلتي الحمدلله كنت انسانه نشطيه وعندي طاقه وعقلي متيقظ وبشرتي زاهيه من يوم كان عمري 12 سنه ما دخل فمي شي اسمه غازات او اكل سريع وغيره المهم سافرت لدراسه وماكان عندي وقت او اتكاسل فكنت اجيب اي شي واشربه واعتمد على الجنك فود برغر سجق مرتديلا مع اني اقليهم بالبيت يعني مو من مطعام واصابع البطاطا المجمده كان هذا اغلب اكلي وشوكلاته وشبسات
اندومي وكل يوم اشرب ميرندا سفن ماوتن ديو كل يوم علبيتن ثلاثه فاكهه ما اكل والا خضروات وحليب جبن لبن كل يوم اشرب نسكافيه كل يوم مره مرتين وكابتشينو وموكا

والله يابنات بديت احس بتعب وخمول بالجسد ما ينوصف وبشرتي بهاته
وطول الوقت انام يالله اقوم لصلاه وارجع انام احس بالم في كل جسمي واحس عظامي تعبانه وصداع يعني بالمره مافيني حيل لشي واسناني توجعني من شي حار او بارد او قاسي شوي زي المكسرات يالله اقدر ادرس وما استوعب زين و في المحاضره يالله مفتحه وما اركز مع الي يكلمني نحفت 7 كيلو بعدين وزني رجع لاني صرت اعتمد على الجنك فود اكثر وزاد وزني وظهرت لي تشققات بيضاء اعاني عشان اتخلص منها الحمدلله خلصت ورجعت والكل مستغرب شكلي يعني كذا ملامحي مبينه اكبر من عمري شعري خف وكثر فيه التقصف وجاف رغم انه كان حرير واضطريت اقص منه اعدله ومع ان بشرتي بهاته الا ان لونها بعد صار غامق والشي مو نفسي بسبب الغربه لا كله لاني كنت اعتمد على هالاشياء

اعتمدت في تغذيتي كل يوم اكل عسل وحبه سودا وتمر واشرب لبن كذا ابدا يومي بعدين اكل برتقاله
بعدين على الغدا اكل اشياء مافيها دهون خفيفه ومشويه دجاج سمك لحم
وفترة العصر اكل فكاهه واشرب لبن اكل تفاحه وموزه واكل معهم شويت كورن فليكس يسحب السموم

المغرب اخذ عصير ليمون والعشاء اكل سلطه وكل يوم اختار نوع سطله جديد وصحي
الحمد لله حاليا تحسنت اشكر الله على النعمه وحتى ارسلت صوره لواحده من صديقاتي تقولي مو معقول الفرق ماشاء الله

يمكن بعضكم يشوف هالشي عادي مو مشكله بالعكس مشكله كبيره لاني كنت اكل واشبع بس ماكنت افيد جسمي وضريت نفسي والحمدلله اني مااصبت بهشاشة عظام

ارجوكم ارجوكم يابنات الي مثلي تحاول تترك هالامور وتخفف منها ما يجيكم منها الا المرض والتعب ما تتصورين وش كثر عانيت الله لايبلاكم

>>>>> ردود الأعضـــــــــــــــــــاء على الموضوع <<<<<
==================================


حمدالله على سﻻمتك
والله حتى انا جتني فتره ما اشتههي اكل نحفت بشكل غير طبيعي ختى العصبيه و اﻻضطرابات بسبب اني ما اتغذى زين وبنهايه وجهي دخل وحالتي حاله
الحين الحمدالله وزني رجع وصرت اكل
موفقه


__________________________________________________ __________

موفقه


__________________________________________________ __________

جزاج اللـه خـير اخـتي ..
تعرفي انا عن نفسي وايد اشرب غاززات ابا ابطل بس ما قدرت ..
اغلب اكلي كله شيبس وشوكلاته وحلويـات ...


__________________________________________________ __________

جـزاك الله خـير
صحـيح كلامـك
وان شـاء الله تـرجعي مثـل أول


سبحان الله وبحمده سبحان الله العظيم
استغفر الله ربي واتوب اليه


__________________________________________________ __________

اول شي

الحمد للهل على سلامتك


تانى شي


مشكورة انك شاركتينا تجربتك


تالت شي


الله يوفقك