مكاانها بقلبي فااضي! الطبيب يجيب
عنوان الموضوع : مكاانها بقلبي فااضي! الطبيب يجيب
مقدم من طرف منتديات نساء الجزائر
مكاانها بقلبي فااضي!
أتمنى تساعدوني في مشكلتي ماأدري الغلط مني واﻻ منها
علموني وش أسوي
أنا حنونه حيييييييل كل صديقاتي يحتاجوني لحناني بس أنا مارتاح معهم أحس انهم يبوني لحاجه وتنتهي حاجتهم ويتركوني لكن وش اسوي مالي اﻻ أعطيهم والله يعوضني
صدق احبببهم ويحبوني لكن من الشله كامله مالي وحده محدده هم كل ثنتين مع بعض انا كل مره مع وحده واﻻ نجلس كلنا جماعي
في بنت تعرفت عليها من كم سنه بقاعتي هالبنت عاقله وطيبه وهاديه محبوبه من الكل ملتزمه احسها نادره في هالزمن وقت دخلت فيها وتعرفت عليها اكثر حبيتها كثير تنصحني وتهتم لديني قبل دنيتي لكن صديقاتي يتضايقوا منها هي معي ومع صديقاتها تظهر شخصيتها فرفوشه وعسل ربي يبارك لها لكن صديقاتي همجيات يبون وناسه وبس مايبونها معي
يعاتبوني ان جلست معها وتركتهم وهي ماترتاح معهم تقولي ماقدر أحسكم متأقلمين مع بعض وشخصيتكم غير عني فاضطر أجلس معهم من دونها وفتره بعد المحاضرات اتمشى معها وتسألني عنهم اقولها مادقو علي وارتاح معها معها مافي ﻻ غيبه وﻻ نميمه وﻻ كذب وﻻ تريقه
على الرايح والجاي وارتاح مع صديقاتها احسهم بنات من جد كويسات
صديقاتي ان شافوني عاتبوني وينك من زمان عنك ليش ماتجين معنا وأنا مشغوله بمحاضراتي يشتاقون لي كل ماشافوني تقريبا يحضنوني
وأحضنهم
هي ماتناظر فيهم احسها تحتقرني لما يحضنوني اوقات تمشي وتتركنا ، فابدأ أبرر لها من زمان ماشفتهم هي ماتقول شيء بس احس مو عاجبها
المهم اني عاطفيه وحنونه متعوده احضن اهلي اخواتي بنات عمي أمي وابوي وأي احد احبه في أي موقف إﻻ صديقتي هذي احسها ما تتقبل
صدق مع الكل اعبر بأريحيه واحضنهم بأريحيه اﻻ هالصديقه اشتاق لها حييل وقت اشوفها مأقدر احضنها
كنت مره معها ومع صديقاتها قلنا لها يارب نفرح فيك وتتزوجي أولنا قالت ﻷ الله يعيننني باخاف منه قالت لها صديقتها انتي بتريحين زوجك بالطبخ وجلست تعدد كل بنت وش مميز فيها وقالت انتي يعني انا صاحبة المشكله اني بأريح زوجي وعيالي بالحب والحنان قالتلي احسك حييييل رومانسيه
حسيتها تتضايق من حبي بس أنا وش أسوي انا كذا واحاول ماأفكر أني احبها واعاملها رسمي بس ما أقدر نادر ماأحضنها
اليوم اللي أحضنها فيه أحسني مرتاحه اسبوع وأن قالتلي وحشتيني وﻻ فقدتك نفسي أضمها بس ماأقدر إﻻ إذا كنا بعد إجازه او غابت هي احضنها ثواني ومهما حضنت أي صديقه او أخواتي أحس مكان صديقتي هذي بقلبي فاضي مايمﻻه غيرها
قبل كم يوم كانت متضايقه سألتها وش فيك تقول وﻻشيء انا حسيتها بتبكي وسكتت نغير الموضوع تتكلم وخانقتها العبره في المحاضرة تمسح دموعها ماحبيت احرجها ﻷنها خجوله ما أبي اﻷنظار عليها انتهت المحاضره احاول معها تتكلم تقولي بعدين واسكت عنها وماقدر اشوفها كذا كان فيني دافع احضنها بس خفت تصدني انا متعوده مع الكل اعاملهم بحبي بحناني كان وقتها قلبي يقطعني عليها وترجع البيت تقفل كل أجهزتها وإلى اﻵن نفسي اسألها بس احسها غامضه في امور أحس عندها ظروف ماتشتكي وﻻ تبين ﻷحد
أفكر ماأضغط عليها لكن ما ابيها تتضايق لحالها
هي احب انسانه لي بعد أمي وابوي احبها اشتاق لها كثير وأحسها اكثر انسانه تحبني وتهتم بي لكن ماقدر أعبر لها احسها تستثقل حبي ومشاعري وأنا شخصيتي طبيعتي حنونه
ش أسوي معها ؟هل الغلط من حبي لها وإذا هي جافه كذا كيف أعاملها ؟ شوروا علي أخواتي
>>>>> ردود الأعضـــــــــــــــــــاء على الموضوع <<<<<
==================================
ادا كنت تحبيها فعلا
راح تتقبليها كيف ما هي
حاولي تتعاملي معها كيف ما تبي هي
ومن مرة لمرة
حاولي تشرحي لها شخصيتك العاطفية
الله يوفقك يارب
تقبلي مروري
__________________________________________________ __________
حاولي اذا حبيتي احد تحبيه في الله وربي راح يوفقكم بالدنيا والاخره وتكونون ممن يضلهم الله تحت ظله لمحبتكم فيه
__________________________________________________ __________
المشاركة الأصلية كتبت بواسطة وجدان الدلوعة 
ادا كنت تحبيها فعلا
راح تتقبليها كيف ما هي
حاولي تتعاملي معها كيف ما تبي هي
ومن مرة لمرة
حاولي تشرحي لها شخصيتك العاطفية
الله يوفقك يارب تقبلي مروري
تسلمين يا قلبي على ردك السريع ماننحدم منك يارب
معك حبيبتي في رأيك وهذا إللي أسويه ألحين
أخاف تصدمني بردة فعلها إذا شرحت لها
__________________________________________________ __________
المشاركة الأصلية كتبت بواسطة جوريه العسيريه2
حاولي اذا حبيتي احد تحبيه في الله وربي راح يوفقكم بالدنيا والاخره وتكونون ممن يضلهم الله تحت ظله لمحبتكم فيه
مشكوره يا حبيبتي أنا ماأرتاح لها إلا ﻷنها صديقه صالحه بإذن الله
تقودني للخير الله لايحرمها اﻷجر
يارب يظلني وياها تحت ظل عرشه ويظلك وكل احبابك
تسلمين على ردك يالغالية
__________________________________________________ __________
رد مع اقتباس
