عنوان الموضوع : عندي مشكلـة وأبي من يفهمني ويساعدنـي ، مـن ناس عندها تجارب كبيرة وتفهم -لصحتك
مقدم من طرف منتديات نساء الجزائر

عندي مشكلـة وأبي من يفهمني ويساعدنـي ، مـن ناس عندها تجارب كبيرة وتفهم



ياهلا ومرحبا من شرف صفحتي

اهلي وارحب بـه عدد نجوم السما وعدد قطرات المطر

واشكره من اعماقي أعماق قلبي لان تفضل وضغط على موضوعي يشوف اشصاير

قصتي هـي : ............

أحب واحـد رائـع بمعنى الكلمة عمره 22 وانا عمري 21 ، مادشيت شات ولاصدفة ولا منتدى ولا ايميل ، هو سمع عني كل خير وعجبته وحب ان يتعرف علي عشان ايي ويخطبني ـ وبالفعل صدق بكل كلمة قالها لي

خطبني أول سنه وأمي رفضته على أساس مايشتغل ، وقال معليه راح اشتغل ودش الحكره وتوه اللحين طالع من الحكره ويه واللحين السنه الثانيه وتقدم لي وأمي رفضته على أساس ماتبي جندي ، تبي حق بنتها واحد كبير وراهي ودارس مب يشتغل جندي.

حطمت لي أحلامي امي ، ترجيتها وايد بس مافي فايده ، كلامها لي كان بس انسيه وبيي لج اللي احسن منه لاتفكرين فيه هذا حـب مراهقة وبتنسينه مع مرور الوقـــت

بكيت وبكيت واااايد تعبت نفسيتي تعبانه وايد ماعرف شاتصرف وشاسوي ، أختي الصغيرة تقول لي : انتي مينونه اذا بعتي واحد مثل هذا ، إنسان شاريج ويضحي عشانج .



قلت له خلاص مابي اكلمك وانساني عشان ارضي امي واحس اني طعتها ، بس الريال انهدمت احلامي وتأثرت وايد وتعرفون حـب الصبي عذاااب وايد

ودش الحكره ، وهو اللحين عقب الاربعين يوم يدش كل اسبوع ويطلع خميس ويمعه والسبت يرد يدخل شهرين على هالحالة ، يوم دش ذاك الاسبوع اتصلت فيه الشغل الاثنين ماقدرت كلش استحمل كنت احاتيه وايد وايد ، اتصلت سمعت صوته ارتاح قلبي بس بعد تضايقت من صوته لان وايد تعبان نفسياً

ويوم طلع من الحكره الخميس اللي طاف ، اصر ان يكملني وانا قلت له ماقدر قال لي ارجوج انا تعبان لا تخليني ريحي قلبي بسماع صوتج ارجوج ، وانا قلبي مب حجر عشان ماحس ، اتصلت فيه وارتاح وارتحت وايد ، وامس اليمعه ، قلت له خلاص مابي اهدك ماقدر ، وقلت له اللحين لازم تروح الجامعة وتدرس وتتقدم لي عقب يمكن أمي بترضى ، وهو مستعد يدرس وياخذ الشهادة ومستعد يضحي وينتظرني لي آخر يوم في حياتي ، مستعد ينتظرني وايد وارتحت امس وقلت مابتركه وامي ماردها بترضى وبتعرف هالانسان شاري بنتها ويسوي المستحيل لها.

واليوم السبت الصبح ، رجعت نفسيتي مثل الشي، أمي شالت الامل اللي فيني اني اتزوج هالانسان اللي قلبي اختاره، وايد كانت فيني ضيجت صدر مساعه، كنت مو بس مخنوقه كان فيني شي ثقيل في صدري شي ، حمل كبير وتعب وصليت استخاره بعد للمرة الثالثة ان الله يسهل الامور ويفرجها علي ، اتصل كلمته وعرفت باللي فيني ، قالي قبل ماكنتي جذي ، ليش هالاشياء تصيدج اللحين ، قلت له مادري ، قال لي شنو تبين اسوي عشان ترتاحين ـ قلت له ابتعد ماقدر اكلمك ، قال لي ان شاء الله بسوي اللي تبينه وهو مجروح مب عارف شسوي بس كان قصده يريحني، وقالي سؤال؟ تبيني اتقدم لج عقب فترة ، قلت له اي، قالي عند من، قلت له هالمرة روح عند ابوي، وانصك التلفون ورحت غرفة اختي حضنتها وصحت من قلب ، وقلت لها ماعرف اشفيني ، قلت له خلاص لاتكلمني ماقدر اكلمك ابتعد ، قالت لي معليه يمكن جذي احسن، صحت عليه لين مارقدت على سريرها وقعدت قمت اصلي العصر.

قولو لي شاسوي وشنو هذا اللي يصيدني ، ليلحين تعبانه ومارتحت ، يوم قلت له لاتكلمني حسيت في شي انزاح من صدري بس بعد مضايقة انا ليلحين وليلحين احس وجودي تعب من غيره وكل شي حواليني يذكرني فيه .

>>>>> ردود الأعضـــــــــــــــــــاء على الموضوع <<<<<
==================================


,والله انا رئي من رئي امك خصوصا انو الشاب لساتو صغير يعني صدقيني انها فترة وبتعدى المراهقة والكل بيعرفها فلا تتسرعي بموضوع الخطوبة والزواج وركزي على دراستك اكتر .وانشالله اللي ربنا كاتبلك فيه الخير بيصير . تحيااااااااااتي


__________________________________________________ __________

أن شالله البنات بيساعدوك


__________________________________________________ __________

السلام عليكم
يا عزيزتي انت بتمرين بحالة مراهقة بعدين الرجال اكبر منك بسنة وصراحة انا مااحبذ هذا الشئ لازم الرجال يكون اكبر من الحرمة علي الاقل 54 سنوات لانه بيكون مر بتجارب كثيرة في الحياة انا من رأئي تسمع كلامها وما تكلميه واقطعي علاقتك به وبعدين امك تعرف مصلحتك

تقبلي مروري


__________________________________________________ __________

عزيزتي امك خايفة عليكي واتريدلك راجل يحميك اصبري شوية واسألي عليه واستخيري الله وان شاء الله مايصير الا اللي فيه الخير


__________________________________________________ __________

استخيري ربك وانشاله يدلك
وكوني مكان امك ستجدي لها العذر