عنوان الموضوع : ملييييئت عطوني حل !!!!!!! -تم الاجابة
مقدم من طرف منتديات نساء الجزائر

ملييييئت عطوني حل !!!!!!!



بسم الله الرحمن الرحيم
إنا من قبل نزلت مواضيع كثيره عند شعوري بالوحده ولكن اتلقى لم اتلق ألقى تجاوب أن شاء الله تتجاوبون معي هالمره
إنا بنت عمري 16 في الثانوي ماعندي صديقات بس زميلات أحس بوحده شديده بره المدرسه حتى في المدرسة بس ما أحاول ما أبين هالشي لأني أمشي مع وحده من زميلاتي إذا إشوف البنات يمشون مع صديقاتهم أحس بشي ناقصني يعني تقدرون تقولون أمنية حياتي ألقى صديقه كل ما ألاقي وحده وتضير قريبه مني يصير شيء يخليها تبتعد عني لا والقهر الشي مجهول يعني ما أدري شلون يتغيرون علي بدون سبب وبدون مببرات شسوي في عمري يعني راح أظل طول حياتي وحيده شعور كريه مره مهما أحاول اتقرب من وحده ييصر شيء وتتغير فجاءه مادري شنو إسوي مع إنه كل اللي في عمري عندهم صديقات وأساسا هذا العمر اللي تتكؤن فيه الصداقات القويه ؤاذا شفت صديقات مع بعض أحس بقلبي يعورني لأني ماعندي صديقات حتى بقول لكم شي صار معي أدري اني طولت عليكم بس أبغى أفضفض لأني ماعندي أحد أفضفض له وزياده على إنه ماعندي صديقات أنا كتوووومه لأبعد الحدود المهم بقول لكم القصه أول السنه في المدرسة كانت وحده ماكنت أتؤقع أنها بتصير صديقتي المهم هي صارت صديقتي وصارت تقولي أسرارها وبعدين نقلت لمجموعه ثانيه معانا بالصف وأنا صرت أقولها أرجعي أرجعي وهي تقول أوكي وساعات ترجع تقعد وساعات ما توافق بعدين أنا حسيت نفسي كثير ذليت نفسي لها وصرت ما أقولها تعالي عشان ما أدل نفسي المهم وبعد فتره صارت علاقتها مع البنت اللي جنبها قويه كثير أكثر من علاقتي معاها وصارت تقولها أسرارها وحبتها أكثر مني حتى صارت ماتكلمني كثير ؤانا ما قلت لها أنها متغيره حفاضا على كرامتي لأني أراعي كرامتي فوق كلشي والحين كل يوم عن يوم علاقتهم تزيد وأنا انقهر إذا شفتهم على طول مع بعض أنتو برأيكم أنا غلطانه لما سكت وماصرت أقولها تعالي لو أنا على صح ؟ وأنا فيني عيب كل ما وحده تقوى علاقتي معاها أقول راحي تصير صديقتي وافرح وبعدين يتغير كلشي مثل العاده .
شكرا على استماعكم لأني فضفضة وطلعت كل اللي فقلبي وان شاء الله تعطوني نصائح تفيدني وتدعون لي بالصديقه الصالحه لأني تعبت وأنا أبحث عن صديقه تتوقعون اني راح أحصل هالصديقه

>>>>> ردود الأعضـــــــــــــــــــاء على الموضوع <<<<<
==================================


حتى لو كانت عندي صديقه ماراح اقول لها كل شي

هذي اسمها اسرار اذا انتي ماحفظتي سرك تتوقعين الثانيه ابتحفظه لك

وعادي كوني لك مجموعه من الصاحبات الصالحات احسن وافضل

وبعدين ليش تنقهرين من زميلاتك انها مع الثانيه عادي مافيها شي

لايكون تقصدين بالصداقه الحب والاعجاب إللي بين البنات والعياذ بالله


__________________________________________________ __________

ياقلبي عمرك 16
واكيد زميلاتك بنفس عمرك
ترى اللي في عمركم فيه عندهم تقلبات
هدا شي طبيعي جدا
مارح تتكون صداقاتك الجادة الا بعد ماتكملي 21 سنة
ماتلاحضي ان اغلب الحريم يدورو على صداقاتهم القديييمة؟
لأنهم كانو في عمرك مايميزوا متى يتخذو الصديقات بجد
وعلشان أكون صريحة معاكي أنا صداقاتي اللي استمرت لحد الآن كانت من عمر 21
مالي صديقة من الطفولة لأنهم يكبروا وتفكيرهم يتغير وانا كمان اتغيرت وصرت أعرف أختار الصديقات
لاتشيلي هم مافيكي عيب ولا هم فيهم عيوب
بس فترة مراهقة شي طبيعي
اجل ليش فيه فرق بين المراهقة والراشدة؟
لأن الراشدة ماتكون متقلبة في اختياراتها وماعندها تردد وتعرف تتصرف
اصبري السنين تجري راح تكبري ان شاءالله ويكون عندك صديقات أحسن من اللي قابلتيهم
ركزي على دراستك ومستقبلك واعتبري اللي انتي فيه فترة وتعدي
وربي يوفقك.


__________________________________________________ __________

حبيبتي واضح انك صغيره ومتأثره بقوه بعد..قبل تشوفين تصرفات البنات لاحظي نفسك يمكن انتي جدا كتومه او تحبين تكونين ساكته او تفتقدين المرح وخفة الظل <اسفه على هالكلمه..بس فعلا البنات بالعمر هذا يحبون يمشون مع البنات الفله اللي يحبون الضحك والوناسه والمزح..توك صغيره خليك مرحه اكثر واقبلي على الحياه بروح حلوه توك بأول العمر..لايكون كل همك تكسبين وحده تحبك وتكونين محط اسرارها ولا يكون همك تكسبين بس وحده..وبيجيط يوم تلاقين وحده تمشي مع مزاجك وشخصيتك لان الطيور على شاكلتها تقع المهم لاتفقدين الثقه بالله وفي نفسك..اتمنى اكون افدتك يالغلا..موفقه..


__________________________________________________ __________

المشاركة الأصلية كتبت بواسطة فآتن
ياقلبي عمرك 16
واكيد زميلاتك بنفس عمرك
ترى اللي في عمركم فيه عندهم تقلبات
هدا شي طبيعي جدا
مارح تتكون صداقاتك الجادة الا بعد ماتكملي 21 سنة
ماتلاحضي ان اغلب الحريم يدورو على صداقاتهم القديييمة؟
لأنهم كانو في عمرك مايميزوا متى يتخذو الصديقات بجد
وعلشان أكون صريحة معاكي أنا صداقاتي اللي استمرت لحد الآن كانت من عمر 21
مالي صديقة من الطفولة لأنهم يكبروا وتفكيرهم يتغير وانا كمان اتغيرت وصرت أعرف أختار الصديقات
لاتشيلي هم مافيكي عيب ولا هم فيهم عيوب
بس فترة مراهقة شي طبيعي
اجل ليش فيه فرق بين المراهقة والراشدة؟
لأن الراشدة ماتكون متقلبة في اختياراتها وماعندها تردد وتعرف تتصرف
اصبري السنين تجري راح تكبري ان شاءالله ويكون عندك صديقات أحسن من اللي قابلتيهم
ركزي على دراستك ومستقبلك واعتبري اللي انتي فيه فترة وتعدي
وربي يوفقك.

رائع
والرد اللي من اختي شاطىء مهم جدا الاسرار بداخلك تريحك
والفضفضه بدفترك وتمزقيه افضل لك...واشكي لخالقك على سجادتك
إذا ماوجدتي الصحبه الصالحه فانصحك وقت الفسحه تروحي بفطورك لمصلى المدرسه وتفطري فيه وتلاقي فيه اكيد طالبات يقرؤن قرآن ويصلون اقرئي قرآن بعد ماتفطري وصلي ركعتين وإذا انتهت الفسحه ترجعي للفصل مرتاحه ونشيطه...الله يسعدك...ماشاءالله لاقوة الابالله..من جد عقلك ناضج
وماتناسبك إلاوحده مثلك وراح تلاقيه بإذن الله


__________________________________________________ __________

شاطيء أولا أنا مو بويه علشان إسوي هالاشياء ولاتطنين السوء بالناس أنا مو تفكيري كذا أبددددا ، حروف أشكرك وأشكر كل عضوه شاركت لأني استفدت من كل وحده شيء + حروف أنا مزوحه مع كل بنات الصف بس سبحان الله هي ماتعطيني وقت أسولف معها أو مش ماتعطيني مايصير وقت وأنا ما أعرف اختلق الوقت اللي أكلمها فيه وهي إذا تقعد بالفصل وصديقتها الثانيه مو موجوده تطلع تبحث عنها أنا في قلبي أقول ياريتها تسويلي مثل ماتسوي لها مع إنه صديقتها تصاحبت مع وحده جديده وابتدات تهملها شوي ؤبعد تروح تبحث عنها حتى صديقتها ساعات تروح مع اللي تصاحبت معاها من جديد وتتركها ، وأنا أروح لها أقولها شوفي صديقتك تركتك ومشيت مع صاحبتها لكن أنا بنتظرك لأني طيبه وأحبك بس أقولها لها بطريقة مزح . وأشكركم جد لأنكم سمعتوني