عنوان الموضوع : اتزوج ولا لا ..فزعتكم لاتبخلون علي بارئكم .. -تم الاجابة
مقدم من طرف منتديات نساء الجزائر

اتزوج ولا لا ..فزعتكم لاتبخلون علي بارئكم ..



السلام عليكم ..بنات انا بكتب من غير لارتب الكلام لاني جد محتاره وتعبانه ..انا سيده مطلقه وعمري 23سنه تزوجت بعد ملكه دامت سنه وظليت على ذمه طليقي شهرين فقط ..شفت بهالشهرين اللي ماشفته حرمه ..تدخل من اهله وتحكم امه وشخصيته الضعيفه وانكشف اكاذيب كثير ..بعدها خاني مع خطيبته السابقه طبعا عصبت وكسرت الدنيا ..جات امه وقفت معه ضدي وقوته وصارت مشكله كبيره بيني وبينها ..بعدها اصرت على طليقي يطلقني وفعلا حصل الطلاق وانا حامل بشهر ونص وكانوا يدرون بالحمل ..رجعت لاهلي واااااه من اهلي هم اللي كسروني من البدايه طبعا ابوي دخله ممتاز لكن بخييييييييييل جدا وامي صارت زي طبعه بيتنا مافيه اكل الماي اللي نتروش لان ابوي رافض يسلك للبيت مو راضي يخسر كنت لجيت اتروش اشتري ماء من البقاله ..ظليت نفسيتي عدم رجعت لغرفه فااااضيه بلاط ومافيها الا مكيف بس رحت بعت من ذهبي واثثت الغرفه وظليت كل مااحتجت ماء او اكل او بروح المستشفى لتعبت ابيع من ذهبي لين خلص ذهبي ..قدمت على الضمان الاجتماعي تحسن وضعي شوي اقدر اوفر اكلي ولبسي ومشاوير المستشفى لان ماحد يودني او يجيبني ..تعبت بالحمل كثثثثثثثير وجاني سوء تغذيه لان مهما وفرت اكلي ماقدر ادبر اموري ب800 طول الشهر ..الشهر 8 من التعب قام ينزل مني ماء الجنين لمن رحت المستشفى نوموني مده طووووووووويله عشان يتابعون الوضع كنت بموت لو صار للجنين شى ..بعت اخر قطعه من ذهبي وقضيت للمولود لان ولادتي كانت بالشتاء وولدت جبت ولد ..وزادت المسئوليه ورفعت على طليقي قضيه نفقه عطوني موعدها بعد 7 شهور وظليت ادبر امور ولدي من الضمان لين جات الجلسه كاااان القاضي ظاااااااااالم خلاني اتنازل عن كل حقوقي واتنازلت وحكم لي نفقه بطلعت الروح 500 ريال ..بعدها ظل طليقي يرفع على قضااااااااايا على الفاضي والمليان ويجرجرني بالمحاكم حتى هذا اليوم ..والقاضي بصفه طلبت تغير القاضي قالوا معناتها تشككي بذمته روحي الاماره لمن شفت السالفه كبيره غيرت رايي ..وللعيد حكم لي الشيخ 100ريال بس وووووربي صادقه بكل كلمه اكتب ودمعتي بعين وطليقي مايصرف على ولده الا500 حتى كسوه الشتاء مايعطيه يضغط علي لانه يبي ياخذ ولدي ..واهلي مايساااااااعدوني ابدا اصلا وضع البيت متعب مشاكل دائما مع ابوي واخواني ..اخواني ماكان عندي اخوان مااايدرون عني وابوي دائم ضدي عندي اختي طيبه بس مابيدها شى ..ولدي الحين عمره سنه وجاني كذا مره شخص يخطبني وانا متردده اتزوج وياخذ طليقي ولدي واشوفه كل اسبوع ولا اقعد عند اهلي متعذبه انا وولدي ..من بخل ابوي عائلتنا ومعارفنا قطعونا ماحد يدخل بيتنا ابدا ..وابوي لجيت اتوظف يتحكم ويعقد الامور يبي راتب قوووووووي عشان ياخذ نصه ومافي وظائف براتب كبير ..حتى بالزواج اخوي الكبير وابوي يعقدون الامور ويتشرطون ويماااااطلون بالامور لن يتفركش الموضوع ..حاول اغير ابوي واهلي وادخل عمامي بالموضوع يكلمون ابوي تعقد الموضوع اكثر ..حاليا جاي شخص يخطبني اصر عليه واتزوج ؟ وارتاح من محاكم طليقي ومن ظلم ومشاكل وبخل اهلي ولا اضيع عمري عشان ولدي..مع ان ولدي صغير بس اذا شاف ابوه يطير فرح متعلق فيه اكثر مني .وبصراحه انا صغيره وماعشت حياه زوجيه ودي رجال يسندني ويعوضني يعطيني حب وحنان اللي فقدته عند هلي اتمنى يكون لي بيت واستقل بحياتي لان طليقي ماسكني بشقه ولا حسسني كيف اكون مستقله حياتي معاه عذاب بشقى ..احس اني ابي ازوج لكن ولدي كيف..طليقي ظاااااااااالم بيقهرني بولدي ..اذا كبر ولدي بيتاقلم على ان امه متزوجه لانه حاليا مايفهم لكن لتزوجت وهو كبير ويفهم بينقهر ..بس خايفه اتزوج واندم اذا جاوا ياخذون ولدي بنقهر وبتعذب لاني احبه حيل بس فتره وبتعود لان ممكن ولدي لكبر وخيروه بيختار ابوه بكون خسرت ولدي وعمري ..انا مايجي حد يخطبني الا عن طريق خطابه لان الناس ينفرون من بخل ابوي وطبعه انا وخواتي ماحد طق بابنا الا بخطابه بسبب ابوي خواتي كباااااار وماتزوجوا..انتوا شنوا رايكم اتزوج ولا لا ؟ لاتقلون خل يكبر ولدك وتزوجي لان النصيب مو بيدي انا صغيره وبسبب ابوي بالموت احد يجي يخطبني..والله بلاني بمرض جلدي يطلع على شكل حبوب بعدها بقع بنيه ورحت مستشفيات كثييييييييييره قالوا ماله علاج لازم تتاقلمي مع المرض وحاولت اتاقلم بس ودي اكون زي البنات ..مع ان اول بشرتي مافيها اي مشاكل ..بس المرض بلاء ومالي الا الصبر ..هذه البقع بيديني وسيقاني وشويه بنحري واضحه بس مو مقززه مره ساعات ناس يلاحظونها وساعات لا يفكرونها حب شباب ..وانا متوسطه الجمال بس كرهت نفسي احس مافيني شى يفرحني ساعدووووووووني الله يخليكم ..

>>>>> ردود الأعضـــــــــــــــــــاء على الموضوع <<<<<
==================================


سبحان الله وبحمده...سبحان الله العظيم
رررررررررفع


__________________________________________________ __________

امممممممممممممممممممممممممممممممممم*.*
اول شي لازم تستخيري مرة ومرتين وثلاث
وواضح انه اللي متقدم لج ما تعرفي عنه شي
فلازم تخلي احد من اهلج يسأل عنه زين
عشان تضمني اذا تزوجتيه ما تطلعي من بيت اهلج لعذاب ثاني
فكري زين اذا تتحملي انه ولدج يعيش مع ابوه والمتقدم لج انسان صاحب خلق ودين وافقي
واذا ما تقدري على بعد ولدج عنج اصبري واحتسبي الاجر من عند رب العالمي
الله يعوضج ويفرجها عليج ويكتب لج الخير ياااا رب
موفقة

استغفر الله العظيم الذي لا اله الا هو الحي القيوم واتوب اليه


__________________________________________________ __________

من رايي لا تكرري نفس الخطأوتتزوجي مره اخري لمجرد الهروب لا المره دي يكون شخص موثوق فيه تماما ولو رجل تقي ويحبك وقتها هيكون عوض ربنا ليكي لا زواج مره اخري بهذا الشكل لا
لا تصلحي خطأ والديكي بمجموعه من الاخطأ وعمر ضايع وتنجبي من هذا ايضا يعني ضحيه جديده
وممكن تشتغلي وانت بالبيت في وظائف كده حتي ولو من ورا ابوكي
لا تلقو بايديكو الي التهلكه
ولو احتجتيني مره اخري انا عامله مجموعه اسمها حل المشاكل بانوعها هتلاقيني جنبك باذن الله


__________________________________________________ __________

الله يعينكْ


__________________________________________________ __________

الله يفرج همك يا رب