عنوان الموضوع : خيانات زوجي المتكرره ذبحتني -لصحتك
مقدم من طرف منتديات نساء الجزائر

خيانات زوجي المتكرره ذبحتني



السلام عليكم ورحمة الله وبركاته

تعبت وقلت مالي حد غير الله سبحانه

ثم انتوا استشيركم ياسيدات سيدتي

انا متزوجه لي 6 سنوات وعندي بنتين وحامل-طبعآ كان زواجنأ تقليدي عن طريق الأهل بتستغربون كم كان عمرنا لما تزوجنا كان عمره 13 سنه وانا اكبر عنه كان عمري15 سنه طبعآ حنا ماكانت عندنا اي ثقافه زواجنا الأهل اللي رتبوا العرس وكل شي حتى لبسنا هم اللي أختاروه-ع اساس ولدهم الوحيد وعنده 6 خوات ويبغون يفرحوا فيه وهو صغير لن ابوه كبير فالسن عمره تقريبآ فالثمانيين-المهم استمرت حياتنا الطفوليه ماكانت عندي ثقافه جنسيه او غيرها تعبت ويا أهل البيت ماتفاهمت وياهم وكنت احس عمري غريبه بينهم-معلومه ام زوجي خالتي أخت امي-ماكنت اعرف شو الغيره وشو الخيانه عقب كم سنه هو بدا يعيش مراهقته وانا بديت اتثقف شوي وحملت حملي الأول وانا عمري 18 سنه وعانيت وتعبت نفسيآ وجسديآ ماكان يهتم فيني طبعآ ابوه يصرف علينا لن بعده ماخلص الدراسه وكان مقصر معاي فكل شي اتصل له مايرد علي أشتهي اكل من برا ماحد يلبي لي كان ما يمر يوم إلا وانا ابكي وهو مايدري عني هايم ويا بنات الحرام كشفته أكثر من مره وعقب سوا قفل للفون ما اقدر افتحه ونصحني الوالد ما افتح تيلفونه واصبر عليه لن بعده طايش وفسن المراهقه قلت بصبر وحملت حملي الثاني وهو على هالحال ماتغير عانيت نفس الطريقه-والحين ف حملي الثالث صار عمري 22 وهو 20 بس خياناته مستمره أكتشفت انه يخوني وانا حلفت له آخر مره خاني فيها إذا تكررت بيكون الحل ان نحن ننفصل- هو يحبني آخر مره حلف لي وتم يبكي يقول فراقج هو موتي والله لعق عمري تحت شاحنه إذا فكرتي تتركيني وباسني على ارجولي هالشي وايد أثر فيني
الحين هو يشتغل الحمدلله ومايقصر وياي ف شي
بس انا الحين حاسه انه يخوني ومابي أكتشف الموضوع عشان ماتأثر نفسيتي أكثر-فونه البلاك بيري مايفتحه إلا فالسياره ودوم احسه يبعده عني تصرفاته تحسسني ان عنده علاقات محرمه- جن جنوني الحين شو الحل اصبر ولا؟ أتمني ماتبخلوا علي لني متحطمه للآخر ماعندي ثقه ف نفسي ولا فيه أنعدمت الثقه تمامآ-ربي يجزيكم خير -تحياتي

>>>>> ردود الأعضـــــــــــــــــــاء على الموضوع <<<<<
==================================


هلا حبيبتي
قصتج غريبة يعني تزوج و عمره 13 سنة ؟
كل اللي ابغي اقوله لج انه قاعد يعيش فترة المراهقة الله يكون في عونج


__________________________________________________ __________

مرحبا ..

غريب ها الزواج وبهذي السن !!!

زوجك يعيش فترة المراهقه

لكن انصحك بقياااااام الليل الصلاة ثم الصلاة والدعاااااااااء
ادعي الله ان يهديه تضرعي لخالقك ادعيه بأسمائه وصفاتة

نصيحه وعن تجربه صلي قيام الليل في الثلث الأخير من الليل وادعي ثم بعد انتهاء الصلاة اقرأئي سورة البقره كامله ان استطعت او أقرأئيها حسب ماتستطعين

استمري با الصلاة وبا القرأءه يوميا وبتشوفين العجب

دعواتي لك ....


__________________________________________________ __________

المشاركة الأصلية كتبت بواسطة قلبي تولع فيه
هلا حبيبتي
قصتج غريبة يعني تزوج و عمره 13 سنة ؟
كل اللي ابغي اقوله لج انه قاعد يعيش فترة المراهقة الله يكون في عونج

الله يعين يا اختي هذي ضريبه تخلف الاهل معليش لاتزعلي مني انا عارفه انو حنا بالسعوديه اغلبنا كذا نتزوج وحنا صغاااار وبعدين ندفع الثمن ..
اسمعي اذا تحبيه اصبري ولك الاجر ودائما خلي في البيت كتب صغيره عن الزنا والعلاقات الحرمه وكذا خوفيه بالله يعني
وبعدين دايما اخترعي قصص بان مثلا شفت في النت وحده تتكلم وتقول زوجها جاه الايدز من كثر العلاقات المحرمه
يعني توصليله الي تبغيه بطريقه غير مباشره
لان في كثيييير من الرجال اذا صارحتيه بخيانته وحتى لو معاكي الدليل ممكن يعاند ويصير يكلم قدامك ..
وهذه فتره مراهقه الله يعينك يارب
واذا ماتحبيه تطلقي بس ما انصحك لان عيالك هم الضحيه ..
كان الله في عونك
الله يفرج همي وهمك يااااارب


__________________________________________________ __________

وانا والله مع الاخت شهد
الله يعينك عليه اصبري علشان عيالك حرم ايش بيصير فيهم
بس انتي قولي له عن الامراض الجنسيه وثقفيه شوي شوي ويصير يخاف هذا اذا كان خيانته جسديه
واذا كان بس في الجوال مالك الى الدعاء كلنا نعاني من الشيء هذا
الله يفرجها علينا يارب


__________________________________________________ __________

ادعو الله ان يهديه لك ويوفقكم في حياتكم يارب اعتقد انها نزوات طيش الشباب ستزول يوما ولكن تحتاج لقوتك وصبرك على ما ابتليت به