عنوان الموضوع : آلناس حآسدتني أني أخذت وآحد كلهم يتمنونه
مقدم من طرف منتديات نساء الجزائر

آلناس حآسدتني أني أخذت وآحد كلهم يتمنونه



-

السلام ع ـليكم ,
يَ بنات يَ متزوجات يَ أهل آلخبرة جد محتآجة مشورتكم
أنا عمري 18 داخله بَ 19 سنة ومتزوجــة صار لي 8 شهور تقريبآ
وَ مشكلتي آلناس حآسدتني أني أخذت وآحد كلهم يتمنونه لَ بناتهم
والمصيبه كلهم من قرآيبي , حتى زوجـة خالي قالت قدام الحريم : هذا وجهي إذا تموا مع بعض
6 شهور
كانت ميتة على زوجي تبيه لَ بنتها , مع أنها كانت خطبتني لَ ولدها أول بس خالي زوجه بنت عمه بَ آلغصب , والله مَ زعلت و عادي قلت خيرة
ليه اللحين لما جآني نصيبي نشبت لي فيه , وكلامها عني بَ مجآلس الحريم ؟
قسم بَ الله إني تعبانة نفسيّآ : (
وزوجي صار له 3 شهور وَ بندخل بَ آلشهر الرآبع وهو مَ لمسني !
وأنا حآسه أنها مسويه شي ,
حتى بنتها قالت بَ لسانها قدامي : أصلا اللي يروح لَ آلسحرة والكهنة مو حرام إذا مَ حج !
وأنا الحمدلله مو مقصرة معاها فيَ شي , أكثر وحدة أكشخ بَ آلعآئلة وأنيقة بَ شكل وكل يوم آغير بَ حالي عندهه بسَ مَ فيه فآيده : (
حتى مَ يحضني مَ يسولف مثل أول , يحط اللوم علي دآيم
ولما حآكيته يقول إذا جيت من الاستراحة ألقآك نآيمة آو مَ لك خلق !
بس وربي مَ أنام إلآ وقت دوآمي بَ الجامعة , وهو مَ يجي إلا 3 ويبيني أنتظره وأنا عندي جامعة الصبح , بس أيام الاربعاء والخميس قسم بَ الله أني أنام بَ النهار عند أهلي ولاجاء الليل أسهر لحالي وأنا كآشخه وكذآ ويتأخر لـ آلآربعة وأنا أنتظره يجي يقول تعبان وأبي أنام
أسكت أقول معه حق تعبان
ومره أرسلت له قلت له تتأخر : قال عَ 3 أجي
قلت أوك أجلس عند أهلي لين تجي 2 ونص وأجي قال خلاص
وربي إني جيت لقيته نايم !!
طيب ليه ؟ معقوله يتهرب ؟
لحد أمس أنتظره لين الثلاث أخرتها لما جآء دخل الحمام وأنا غفيت غصب عني
لما صحيت آلصبح مَ لقيته ومكانه بَ السرير مثل ماهو
لما جيت بَ أروح آلجامعة لقيته نآيم بَ آلمجلس صحيته يروح ينام بالغرفه قال خلاص
ولما رجعت لقيته بَ مكانه نايم بَ المجلس صحيته وتركته مَ حكيت ولا شي
تعبت من هالحال وخايفه من زوجة خالي وبنتها
مع العلم أن بنت خالي هذي قايله لَ آلبنات بَ الجامعة إني مَ آخذه اللي تحبه ومطلعه كلام
وانا قسم بالله مَآني لم السوالف هذي وخطبني بَ ثآلث ثآنوي مَ آدري شي عن كل هالسوالف
أشغل آلتلفزيون عَ قنآة آلسعودية لَ القرآن إذا جيت أطلع من البيت ولما أرجع ألقاه مطفي آلتلفزيون آو مقصره
أحس فيه شي ومسويات فيه شي
شوروا علي تكفون قسم بَ الله تعبانة من هالحال وأمي كل مَ تجيني آلدوره تتضايق لاني مو حامل وخالتي أمه بعد قسم حتى أنا تصك فيني آلدنيا ومستحية أقول لَ أمي : أنه مَ يجيني أصلا علشان أحمل : (
و2 من بنات عآئلتنآ تزوجوآ معاي وبعدي وهاللحين حوآمل
وآلناس حآطه اللوم علي مَ يدرون عن اللي فينآ
وربي إني مستحية أقول إني مَ حملت لانه مَ يقرب مني
الله يخليكم مشورتكم تراها ضآيقة فيني . . اللي مو عآرفة تدعي لي وتدعي له : (


>>>>> ردود الأعضـــــــــــــــــــاء على الموضوع <<<<<
==================================


يا ختي الله يكون بعونك ويوفقك يارب حقيقه مشكلتك صعبه معقوله مالمسك ابد بعني بعد الزواج مباشره ما تم بينكم شئ يمكن عنده عجز ولا بعد الزواج بفتره تغير وكيف علاقته معك في النهار وعجيبه هو مو موضف على هذا السهر
على العموم الوضع ما ينسكت عليه يعني يجب طرح المشكله عليه في وقت يكون رايق وعمليه التهرب منك اصبحت مكشوفه يعني اطرحي عليه المشكله وليه هو يتهرب وبيني انك محتاجه للعلاقه وبيني ان اهلي يسالوني عن الحمل وشوفي ردة فعله يمكن مسحور وليته يروح يقرء عند شيخ


__________________________________________________ __________

الله يعينك ياقلبي الحال من بعضه راسليني اقلك ع طررررق


__________________________________________________ __________

الله يكون بعونك

لازم تقنعين زوجك يروح لشيخ يقرا عليه

اخاااااف مسويين لكم سحر

وممكن يكون حسد

اذا تقدرين تاخذين ماي من بعدهم

وتتوضين فيه انتي وزوجك

يكون افضل

ان شاء الله حسد موسحر

وجع الناس مومخليه الناس بحالها

لازم تفتحين الموضوع مع زوجك

قولي لازم نتفاهم ونشوف حل هذي موعيشه قولي

عن اللي يسالونك عن الحمل


__________________________________________________ __________

:ANSmile05
المشاركة الأصلية كتبت بواسطة أم نووف
الله يعينك ياقلبي الحال من بعضه راسليني اقلك ع طررررق

ليش عالخاص خليها هنا عشان الكل يستفيد


__________________________________________________ __________

واضح ان زوجة خالك ساحرته....واعترفت بنتها ان السحر حلال....ماادري والله مين اللي حلله
استغفر الله واتوب اليه