عنوان الموضوع : ام زوجي واخوانه جابو لي الجنان مجابة
مقدم من طرف منتديات نساء الجزائر

ام زوجي واخوانه جابو لي الجنان



انا متزوجه من كم سنه وعندي طفل

بداية زواجنا كانت ظروف زوجي صعبه وجلست عند اهلي بعد الزواج 3 سنين حتي قدر يأمن سكن

في هذي الفتره اهل زوجي ماكانو يتصلو ولايسألوا عني الا بالنادر وولدهم كاحد فكر يساعده ولو بريال عشان يقدر يطلع سكن

بعدها بمده ربي انعم علي وتوظفت وتحسنت اوضاعنا ومن يومها واهله ناشبين لي بكل شي

صار اي حاجه مرميه على راس زوجي وهو مايقصر يعطي الصغير والكبير

المشكله انه مقصرمعاي ولاعمري طلبت منه شي بالعكس اذا بروح السوق اشتري لي ادفع انا الحين مصاريف ولده علي اذا نفسه في شي شريته له يعني ماعمري طلبت منه ريال

الحين انا ولدت من كم يوم وجلست عند اهلي راحت امه واخوه الصغير والخدامه في شقتي بدون احم ولادستور والله حتي ماقالوا لي او استأذنو

طبعا تصرفهك ضايقني بس سكت عشان زوجي مع العلم ان ولدها الثاني مجهز لها غرفه عنده بالبيت بس هي رفضت تجلس عنده وجت بشقتي

الحين زوجي قال تعالي قبل يبدا دوامك ننبسط ونغير جو

بس المشكله البيت صغير مجلسين وغرفة نوم وحمامين ومطبخ
اخوه نايم بمجلس الرجال وامه بمجلس الحريم هي والشغاله يعني مابقي الا غرفه نومي

طيب وين اروح انا بعد ابي ارتاح ابي البس ابي اخرج مو معقوله اظل مسكره غرفتي علي لحالي

وهي اعرفها نذله راح تجمعهم ويجلسوا سوا ويخلوني وراح يصير بيتي ضيافه وانا توني والده وانا اللي بضيف ولاراح اخذ راحتي بأي شي

طبعا رفضت وقلت ماني جايه وانتو كلكم بالشقه خل امك تروح عند اخوك ووعدني يوديها ويجي ياخذني بس امس اكتشفت انها باقي عنده ماراحت وهو كان يبي يوديني بدون مايقول لي وانا اعرفها راح ترفع ضغطي قد ماتقدر لانها ماتحبني طبعا من القهر قلت له خلاص ماني جايه جيب ملابسي وافتح لها الغرفه تاخذ راحتها بعد وتهاوشنا وقال لي اللي مافيه خير لامه مافيه خير لزوجته قلت اصلا انت من يوم خذتك مافيك خير لي وكلمه من هنا وكلمه من هناك وسكرت

الحين بجد بموت قهر مدري كيف اتعامل مع ذول العالم جابو لي الجنان ماريحوني من يوم تزوجت

لاتقولي هذي ام زوجك وكبيره ومري ايش وربي انها سوسه واللي تسويه نذالهوالا هي عارفه اني بروح المفروض تضف قشها وتروح عند ولدها ومايرمو كل شي علي

اعرف كلامي مو مرتب بس اكتب وانا مقهوره
ياليت تقولوا لي كيف اتعامل معاهم ومع زوجي اللي مو راضي يحط لي قدر وقيمه

>>>>> ردود الأعضـــــــــــــــــــاء على الموضوع <<<<<
==================================


بدك نصيحتي اقراي دعاء الكرب 100 مره بتنحل مشكلتك بسهوله ما بتتوقعيها وعن تجربه(لا اله الا الله الحليم العظيم لااله الا الله رب العرش العظيم لااله الا الله رب الارض ورب السموات ورب العرش الكريم )


__________________________________________________ __________

الله يعينك ام الزوج مشاكلها ماتنتهي جربنا وتعبنا الله يعوضنا ويكفينا شرهم


__________________________________________________ __________

طيب هي ليش جت عند زوجك قصدي وين بيتها الي كانت فيه قبل


__________________________________________________ __________

الله يعينك


__________________________________________________ __________

تذكري .. كل اللي قلتيه الحين في ام زووجك
وكل الاهاانه .. والكره
والكلمات اللي مو حلوووه مثلا{{وهي اعرفها نذله}}

{وربي انها سوسه واللي تسويه نذالهوالا هي عارفه اني بروح المفروض تضف قشها وتروح عند ولدها }

كلها كلها القصه {{ راااح يجي يووم ويسويه ولدك فيييييييك }} يارب لطفك فينا.
هذي نصيحه لوجه الله وماراح ازيد عليها ولا حرف
{ وقالها زووجك اللي ما له خير في امه واهله ما له خير ف احد}