عنوان الموضوع : زوجـــي مــســتــهــتــر فــيــنـي ): مجابة
مقدم من طرف منتديات نساء الجزائر

زوجـــي مــســتــهــتــر فــيــنـي ):



السلام عليكم ورحمة الله

اخواتي اكتب معاناتي ودموعي تكتب الألم والحسره

زوجي مايحترمني ويهزأني قدام اهله حتى زوجات اخوانه يسمعونه
مابعد كملنا سنه من زواجنا بداية الشهرين الاولى بعد الزواج
احلا من العسل ثم بدت اضطراباته النفسيه علي كلام جارح وتحقير من شأني قدام امه وخواته ويلاحظونه احيانا يردون عليه عيب عليك هذي زوجتك يرد عليهن هذي واحد من الشباب ماعليكم نتفاهم انا واياه يقصدني
ومره اخوه ماكان قاصد نسى غرض من غرفته وسمع انّا موجودين تراجع وينادي اخته تجيبله الغرض قام زوجي يرفع صوته ادخل يافلان اصلا انت اخوي خفت انك ماتنام الليل من هالوحش اللي عندي يقصدني
تزاعلت معه وقلتله وديني لاهلي وبعدها اتصل فيني معاه ولد عمه ويقول ابروح اخطب ولد عمه يقوله لاتزعل زوجتك ويرفع صوته ويقول يمزح معاكي
وزوجي قال هي مستانسه تسمع صوتك بدل ماتسمع شيخ يقرأ قرآن تسمعلك وقفلت الجوال بوجهه وبكيت بحرقه
مهددني لو اهلي يدرون بيطلقني
وخايفه اتطلق مره ثانيه لاني كنت مملّكه وصايبتني عقده نفسيه من الطلاق
وكيف اوقفه عند حده ويخليلي قيمة واحترام
ولم اسرد قصتي بل ايجزتها
ساعدوني يااخواتي
دمتم بحفظ الله

>>>>> ردود الأعضـــــــــــــــــــاء على الموضوع <<<<<
==================================


والله م ادري

انا احس بكلامه محبه

بس بدفاشه

دفش م يختار كلامه

انتي تشرهي عليه

والي تشوفينه يكسر خاطره لاتعدى والا زل عليك سويه

واكيد اهله بيهاوشونه

وذكريه واثني على تصرفاته بالشهرين الي تقولين حلوة

يعني فيه رجا ان شاء الله

بس هي كلها ميانه بدفاشه

واخوه وولد عمه انتي تشوفين الكلام كبير قدامهم

لانك اجنبيه عنهم

بس هو ماينظرلهم نفس النظره

عشان كذا ماخذراحته ويتكلم عنك بحريه

لكن لو جاء احد من اقاربهم من مكان بعيد اكيد بيتغير الوضع

ان شاء الله فهمتي علي

يعني هو م يشوف كلامك قدام هالاشخاص شي محرج لانهم ربع بخلافك انتي

الي تشوفينها مواقف محرجه

بس م يمنع انك توعينه انهم ان كان يمونون بينهم بهواهم بس انتي بنت الناس لك احترامك وتقديرك والمفروض يكون فيه لغة خطاب محترمه لك قدامهم الفتي نظره لهالنقطه

استعيني بالله واستغفري الله

واسألي الله بجوف الليل يسخره لك

واقرأي القران الكريم

وسورة البقره

وادعي الله لافرغتي من قرأتها

وكلشي بيتغير ان شاء الله

بس انتي خليك انثى لطيفه في مواجهة دفاشته

لين يفوق ويحسن معاملته

والله الله بالدعاء م غير الله احد

اسأل الله لي ولك ولكل المسلمات صلاح الازواج والنيه والذريه


__________________________________________________ __________

ابقولك شي اذا عندك عيال ,,,,اقولك .....مشي عجلة الحياه وربك يعين
واذا ماعندك عيال ...شوفي الي فيه الخيره لك حالين ولحياتك مستقبلا
الله يوفقك..
بس نصيحه فكري بعقلك لا تفكر بعواطفك
وستشيري ناس عاقــــــــــــــــــــــــــــلين
مثل : فرجت ورب الكعبه يصرحه>>>>>>>>>> يبهرونك بردهم
"""""""
الله يسخرلك وجميع المسلمين


__________________________________________________ __________

معقوووووووووووووووله أنتي

سوري معليش حطيله حد قوليله انا احترمت رايك وما خبرت اهلي عن تصرفك معاي انا انثى كلامك يجرحني
خلج عند اهلج قوليله ما يحتاج ادخل اهلي ف الموضوع اقدر اخلي حد لمهزله بنفسي

شو هالكلام وحش وا وحش الله يسخره ويهديه


__________________________________________________ __________

الصراحه الرجاال اليوم قله وربي مافيهم اللي يستااهل بس مالنا غير الصبر حاولي تعدلينه بطرق خاصة او راسليني خااص اقلك اشلون تأدبيه وتوقفيه عند حده والله يكون بعوننا جميعا


__________________________________________________ __________

ربنا يكون بعونا لاني انا بعاني من استهتار بعلالقة زوجي كذلك معي وممكن يوجهلي اي كلمه ويهيني بكلامه الجارح على اتفه سبب مع اني انسانه محافظه ومراعي بيتي واولادي