بسم الله الرحمن الرحيم
يعلم الله قد إيش اني متألمة وشايلة هموم فوق راسي لكن ما نقول غير الله يعين
انا سويت غلط واعرف انكم بتلوموني عليه وتقولولي استاهل الأغلب كذا والله عارفة لكن الشيطان يجري مجرى الدم في الانسان وماحد سلم من الأخطاء في حياته , انا تعرفت ع واحد من سنة من خلال احد مواقع التواصل الاجتماعي وهو في مدينة مرة قريبة من مدينتي ساعة وهو هنا المهم هو اول ولد عرفته وهو والله مرررة خلوق بمعنى الكلمة لدرجة انا منصدمة منها بسببه بعد الله تركت الأغاني هو يكرهها مررة وما يحب حتى الاناشيد والأمور ذي ينصحني من فترة لفترة وانا كنت أعتبره والله مثل أخوي بس مدري ايش صار فيني ذاك الوقت كان يلمح انو لو جيتك بتقبليني ..آلخ) وانا ع قد عقلي سايرته وقلتله اللي أحس فيه وطبعا كله كتابة لأن أصلا ما عندي جوال لحد الان وما انكر اني أعجبت فيه جدددا لأخلاقه وتفكيره وكل شئ والله حتى بيوم إجازة سألته ايش تسوي اليوم ؟ قالي يا انام او اقرا كتاب ما حسيته مثل شباب هاليومين صياعة و كلام فاضي وفعلا كنت اشوف تعليقاته وردوده كان مثقف وحيل ذكي ما علينا بالطويلة أذكر بداية السنة الهجرية قالي لو جيتك نهاية السنة ذي بتوافقي بس خطوبة مو زواج انا كنت مترددة مررة صح أبغاه لكن أحس باقي ما عشت عمري مثل البنات عشان ارتبط بزواج, انا شفته اول ما اتعرفنا حاطط صورته كان حلو ما عليه كلام لكن الصورة وقتها كانت قبل سنة ونص وفي الشهور الماضية مرض وجلس بالمستشفى أكثر من شهر وكانوا يعطوه حبوب فاتحة للشهية وقالي انو زاد وزنه وبيسوي رجيم ان شاءالله وانا دعيت له بالشفاء والله كانت صحته أهم من أي شئ ثاني , وطبعا من رمضان قالي بعد العيد بفاتح أهلى بموضوع الخطوبة , وربي كتب لين قبل كم يوم وفتحنا موضوع وقالي برسللك صورتي تشوفيني واذا رضيتي فيني قوليلي واذا لا يكون الرفض بيننا ويصير ما اكون فتحت موضوع الخطوبة مع اهلي واحرجت نفسي وأهلي لو جيناكم ع لفاضي وقلتله اوكي براحتك وكلامك صحيح , ارسلي وكان خايف بالمرررة اني أترككه لأن بنظره هو مو ذاك الجمال وانا شفته وعصبت منه قلت له انه مو مررة سئ مثل ما كان يلمحلي بس قالي والله انا عارف نفسي أكثر من غيري وإني مو حلو ..الخ) وقالي والله لو كنتي أقبح وحدة في الدنيا وحتى لو اتشوهتي وراح جمالك راح اتزوجك وربي اما انتي ما ادري ايش نظرتك ليا , قالي نفسي بيوم أحد يحبني لذاتي انا وهو للأسف الشديييد أهله يعاملوه بقسوة أغلبهم مو معبرينه طلع نام رجع من عمله ماحد مهتم حتى لما دخل المستشفى ما عرفوا الا بالصدفة وفي مرة بطفولته تعرض لتحرش ومن يومها اهله صارو يطالعونه بنظرة استحقار والله لا يعيشكم مثل عيشته البعض بيقول هو يكذب عليكي يا غبية بأقول اني مصدقة كلامه وعندي أكثر من دليل لكن ماهو موضوعنا , الان انا مدري ايش سالفتي بالضبط هو قالي بالحرف الواحد انتي متقبلتني فعلا ولا بس شفقة عليا ؟ قلتلو انا متقبلتك فعلا لذاتك ولأنو والله انسان مررة طيب وفيه خصال كثيرة ما لقيتها بشباب الأيام ذي وقلت ربي ما اخذ نعمة الا عوض صاحبها بأفضل منها ان شاءالله وقالي متأكدة يعني ما بترديني بعدين لأنه الخميس الجاي بيفاتح أخته الكبيرة بموضوع الخطوبة وانا قلت له كلم اختك عادي والله يكتب اللي فيه الخير ان شاءالله , صارت حالته كئيبة قالي لو تركتيني بالله فين أروح انتي حبيتيني حب أمي والله ما حبتني مثله والله أني ان رفضته بعدين بأكون أحقر أنسانة في دي الحياة بتقولو حرام علاقتكم والله مدري ايش اقول لكن ما سمعنا صوت بعض غير مرتين يمكن وما عدناها أبدا , هو حس بمشاعر ما تنوصف والله انك تنرفض عشان شكلك على الرغم من أنو شئ خارج سيطرتك أمر فظيع قالي جملة دمعت منها مرة : بالله لو قررتي تتركيني قولي ع طول لاتأجليها عشان لاتزيد الذكريات اللي ببكي عليها , والله ماابغى اكون حقيرة ابدا ولو اتزوجت واحد حلو يمكن ثاني يوم اتشوه ساعتها ايش استفدت ولا شئ واأصلنا تراب ومرجعنا تراب هذا الواقع , اقنع نفسي بكلامي لكن أخاف مستقبلا اطيح بفخ المقارنات أشوف غيره واقول في نفسي اني استاهل واحد أجمل منه والله تفكير سخيف وسطحي عارفة انا ماصرت افهم نفسي أصلا , بالله فهموني ايش الحل ؟ مع العلم انه قد اتصل ع ابويا ومهد له الموضوع انو يبغى يخطب من عندنا وبابا رحب بيه , يعني مررة ماهو كذاب ويحبني أكثر من حبه لنفسه ولأهله أحس بمسؤولية فظيعة تجاه ذا الشئ قالي اذا رفضتيني وربي بأنتهي صدقيني انا بأنتهي لأنك كل شئ بحياتي وانا اعرف انو بيعاني أشد المعاناه في أمور كثيرة صعب تنحصر وأني كنت معاه في كل اللحظات اللي عانى فيها في وقت شدته يلاقيني اواسيه وأفهمه ياناس قسم ببكي ذا الانسان يحبني بجننووون وانا احبه لكن حبه لي حسسني بعبء ثقيل الله المستعان بس
كلامي على بعضه مدري اذا فهمتوا قصدي بس سألتكم بالله بدون كلام جارح فيني اللي يكفيني وبطلنا لعب هو جاد وبيجي يخطبني لكن في النهاية شكلي أنا اللعابة وانا ما كنت أدري
بالله حاولو تقولو شئ يخفف عني انصحوني وجهوني ؟؟ ولو قلتو اقطعي علاقتك بيه اوكي بس هو جاي يخطبني فعليا انااحبه ومستحيل أتركه عشان شكل في النهاية القبر مرجعنا بس مترددة فيني شعور مدري كيف اوصفه , طيب لو تركته عشان شكله هنا ببكي بكاء مو طبيعي لأني بفتقده ولأني وعدته اني أكون معه لين أموت وأخرتها بسهوله اتركه !! والله ضميري بيذبحني من الألم , ولو وافقت عليه عشان ما اجرحه ولأني أحبه طيب بعدين يمكن أشوف اللي احلى منه واندم ع الرغم اني واثقة بإنه راح يسعدني ويسوي المستحيل عشاني
مع العلم عمري 18 وهو 25 سنة ولاحد يعلق ع عمري ويقول مراهقة مو فاهمة الدنيا الناس بعقلهم مو بعمرهم ..
اترك لكم حرية التعليق الله يسعدكم بس بدون تجريح ومن منا لا يخطئ ..
يحبني وأحبه وبيخطبني وأخرتها حأرفضه :( مجابة
مجابة
..
رد مع اقتباس
