عنوان الموضوع : اهلي والخطاب :| وش اسوي معاهم -لصحتك
مقدم من طرف منتديات نساء الجزائر

اهلي والخطاب :| وش اسوي معاهم



السلام عليكم والرحمة

ماني عارفة من وين ابدأ
محتارة كثير ومتضايقة , استغفر الله احيان يجيني احساس ان اهلي مايبون لي الستر مدري ليه

الناس تتمنى لعيالها الستر وهم يتشرطون كثيييييييير
دايم يرفضون اللي يتقدمون وأمي تتشرط بالزوج اللي تبيه لي , مدري وشو له هالتشرط يعني الحين اللي عايلتنا مثالية وكاملة !!

خلصوا الناس اللي نعرفهم ومحد صار يتجرأ يتقدم خصوصا اننا مانطلع ولا نجي وبس قاعدين مقابلين جدران بيتنا ومحد داري عننا وغير كذا ابوي وامي مطلقين بعد مشاكل كثييرة وجلسات محاكم وزحمة والناس تحسبنا حقين مشاكل واغلبهم يخافون بكرة نسحب عيالهم بالمحاكم على اي مشكلة

من فترة سجلت بياناتي عند شيخ للتزويج والحمدلله ربي كتب لي نصيب والشيخ تواصل مع المتقدم وتأكد من جديته وكذا واليوم امه دقت على امي
مدري وش الحوار اللي دار بينهم بس امي مو مقتنعه فيه ابدا , تقول مطلق واخرتها بنتي تاخذ مطلق وانتي الف من يتمناك ومايستاهلك واحد مطلق وانتي لسى صغيرة وانتي وانتي والخ
وين الالف اللي يتمنوني على قولتها , ابي اشوف واحد منهم بس

طقت كبدي من تشرطهم , انا نفسي اصير ام نفسي يصير بحضني طفل نفسي بواحد يسترني ويحن علي ويعوضني حنانهم اللي باخلين فيه علينا وهم بس يقفلون البيبان بوجهي من كل مكان , الله وحده العالم بظروفي وبايش مريت فيه

مدري وش اقول من القهر ومدري وش المفروض اسوي
كنت بأرسل لأمي اذا هو مطلق بالحلال انا كنت قد اكلم واحد بالغلط وهي تدري عن هالسالفة ولو درى اصلا اني كنت كذا هو بنفسه بيقول انا مابي بنتكم :/
بس استحيت وماتعودت افتح معها مواضيع كذا , المفروض هي تتنازل عن شروطها المعقدة والله لو اني سندريلا على غفلة خلاص قولوا الحمدلله واستروا ع بنتكم
هذا باقي ابوي مادرى الله يعين عاد عالاعذار اللي بيطلعها

شوروا علي وش اسوي وهل امشي الموضوع مثل كل مرة وعادي اسايرهم بالرفض بس هم اخاف بكرة ارجع للغلط ولا الشيطان يلعب علي
بعد شهرين يصير عمري 22 وحنا بعايلتنا يتزوجون بدري واغلب بنات عايلتنا اللي بعمري عندهم اطفال ماعاد الا انا وكم وحده وامي قبل كانت دايم تقول بنات عمتك المعنسات والمعنسات مع انهم كانوا وقتها بنفس عمري ألحين , دارت الدنيا وهم اللي تزوجوا وجابوا اطفال ماشاء الله وحنا بناتها شكلنا بنقعد باقي عمرنا ببيتنا ويقولون عنا معنسات :/
استغفر الله يارب , الاهل صاروا يعقدون الدنيا على بناتهم , طيب اذا ماتبونه خلاص اهتموا بعواطفنا عطونا وجه شوي حنو علينا مو قافلين علينا كل شي

شوروا علي وادعولي ربي يعفني وييسر لي هالزواج اذا كان فيه خييير
معليش ع حوسة الكلام بس افكاري مشوشة

>>>>> ردود الأعضـــــــــــــــــــاء على الموضوع <<<<<
==================================


ههههههههههههههههههههههههههههههههههههههههههههههههآآ آآآآآي

نفس حالتي بس ايش ذا الشيخ اخبر خطابه خطاب بس شيخ اول مره اسمع فيه
يابنت الحلال محد ياخذ نصيب احد وان شاء الله بيجي لج ولد الحلال اللى يستر عليج
ويجي لي الكل تزوج الا انا بس احضر زوجتهم واهدي هدايا عيالهم استغفر الله العظيم صار عمري 29 ولسه اهلي مايعجبهم العجب


__________________________________________________ __________

الله يهدي اهلك ويكبر عقلهم ...ويرزقك بالزوج الصالح


__________________________________________________ __________

هههههههههه توك صغيره ..
لاتستعجلين وشوفي اخرتهآ مع امك..
قولي لهآ بعنس زي مآتشمتتي ببنات النآس ..
ومن هالككلآم والله يوفقك ويزوجك بواحد يسعدك ويرزك ويعزك....
موفقهـ ..


__________________________________________________ __________

الله يرزقك الزوج الصالح انت وكل بنات المسلمين،، قولي آمين


__________________________________________________ __________

حبيبتي ..
اولاً :اين آْنَـỲǑŲـْتي ‏​مٍْْـٍْْ♡̷̴̬̩̃̊ـٍْْنٍْْ الرحمن الكريم الرازق الواهب

اذا تتبعتي نصيحتي فوالله اللذي Ɣ اله غيره انها ان شاء ٱلــلّٰــہ ستفرج

عليكي بركعتي الضحى بعده حزب ‏​مٍْْـٍْْ♡̷̴̬̩̃̊ـٍْْنٍْْ القران.

الوتر قبل النوم مع ماتيسر لك ‏​مٍْْـٍْْ♡̷̴̬̩̃̊ـٍْْنٍْْ القران والدعاء الدعااء

ادعي ان ٱلــلّٰــہ يهدي اهلك ويجمع شملهم وان يرزقكي الزوج الصالح والذريه الطيبه

ادعي/رب Ɣ تذرني فرداً وانت خير الوارثين//ومن هالادعيه.

الاستغفاااااااااااااار اهم شييي بنية ان ٱلــلّٰــہ يرزقكي الزوج الصالح
لو تستغفرين ٱلــلّٰــہ اكثر ‏​مٍْْـٍْْ♡̷̴̬̩̃̊ـٍْْنٍْْ سبعين مرة في اليوم
راح تحسين بالسعاده والراحه
وتذكري ان الاستغفار يجلب البنين والبنين ياتون ‏​مٍْْـٍْْ♡̷̴̬̩̃̊ـٍْْنٍْْ الزواااج وذكرر ذلك في سورة
نوح..

ودعواتنا لكن اخواتي ان يرزقكن ‏​مٍْْـٍْْ♡̷̴̬̩̃̊ـٍْْنٍْْ حيث Ɣ تحتسبن.

تقبلي تحياااتي..