عنوان الموضوع : انا البطه السودا
مقدم من طرف منتديات نساء الجزائر

انا البطه السودا



السلام عليكم
بدخل بالموضوع على طول
انا من يوم جيت عالدنيا وشكلي الحمد لله انا راضيه فيه بس اللي حولي ماخلوني بحالي
والى الان وانا نفس وضعي ماتغير شي عمري 22 يعني كيف اقولكم انا اغلب وقتي اعيشه بحزن
على نفسي واحس بالوحده كثير محد يسأل عني ولايعبرني
اهلي كل واحد فيهم يطلع يروح مع اصدقائه واذا شافوني يقولو ليه انتي كذا معقده كئيبه شكلك يجيب الهم ليش ساجنه نفسك. المشكله اني ساكته ماقد تدخلت بأحد وهم بس يضايقوني
دايم اقارن نفسي بأختي اللي اكبر مني بسنه ماشا الله عليها حظها حلو بهالدنيا عندها صاحباتها وكل
يوم تطلع معهم وانا عندي صاحبات بس انهم يجيبون الهم كل مااقولهم نطلع والا شي لا اهلي مايوافقو. . انا حظي مو حلو مثل اختي وبعد هي يجونها خطاطيب من يوم هي بالمتوسط وانا الى الان ماقد احد خطبني ولا مره . . تدرون ليش انا دايم اقارن نفسي باختي لان امي كانت تقارن بيننا من يوم حنا صغار . . كنت انجرح كثير بس اصبر والحمد لله على كل حال مرات قبل لا انام بس اجلس اصيح من كلام اهلي . . انا اذا جيت انام اتذكر الاشيا اللي تضايقني.
والله مدري وش اسوي بنفسي عشان يحبوني الناس هذا شكلي وهذي خلقة ربي يعني اهتم بنفسي
حتى عيوني لانها صغار احط مكياج ويصير شكلها حلو بس مااوصل مثل جمال اختي
مرات اجي ابي اقول يارب اموت وارتاح من اهلي بس اقول لا ربي رح يغضب علي
والله مابي اقنط من رحمة الله وانا لسه متفائله بربي انه يخلي حياتي حلوه مابي استسلم
مدري وش اسوي مابي اهلي يتريقو علي وعلى شكلي تعبت منهم

>>>>> ردود الأعضـــــــــــــــــــاء على الموضوع <<<<<
==================================


قولي الحمدلله على كل شي هاذي خلقه ربي .. اجل الي فيهم اعاقه ايش يقولو على نفسهم .. المهم انتي اهتمي بنفسك واهم شي الثقه بالنفس هي الي تعطيك الهيبه وحاولي غيري شخصيتك اقرائي كتب تطور شخصيتك علشان تعرفين تردين عليهم باسلوب يسكتهم ويحرجهم ولا عاد يعلقو عليك والجمال جمال الروح ..


__________________________________________________ __________

وعليكم السلام ورحمة الله وبركاتـوو

اول شي انتي لازم في داخلج تكووني مقتنععة وراضضية م نفسج من حيث كل شي
الاخلاق وااسلاوب والشكل ولا تقارني روحج بأي انسان ثاني حتى لو كانت اختج
هاي حياتج وانتي بنفسج تقدرين تكونين سعيدة وتخلي حياتج اجمل واحلى ....
ماعليج من كلام الناس .. حنا لو بنسمع كلام اناس صدقيني ماراح نسوي ششي
وش يعني بيدنا وبعدين الناسس وايد تقوووووووووووووول ....
اهتمي بصلاتج وبعبادتج وتقربي من الله اكثر واكثر وذكريه في كل وقت وكل حين
انتي اظهري بشكل مرتب وحلو وما عليكي من حد ....
وسالفة الخطووبة تراها مو بيدك ربي هو اللي يكتب للانسان وين نصيبه ...
اهم شي لا تفكرررررررررررري لا تفكررررررررررررري لا تفكرررررررررررررررررررري لانج في هالطرريقة
راح اتعبين نفسج بنفسج وراح تكرهين الدنيا لا تخلي الناس تأثررر عليججج
ولا تقولي اتمنى الموووت لاني اخاف عليج من تلك الرراحة التي تتمنيهاا بقولج - يارب اموت -
حبيبتي انثري كل همومج بسسجدة

وربي يكون وياج ويحفظج


__________________________________________________ __________

بصراحه انا ما اشوف موضوع الجمال مشكله لان الجمال مو في الشكل الجمال جمال الروح عشان الناس تحبك بس ابتسمي و كوني متفائله و نصيحه لك لا تسمعي كلام الناس لان كلام الناس لا يودي و لا يجيب و اهتمي بنفسك مو عشان الناس عشان نفسك و لاتقارني نفسك باحد وبالتوفيق ..


__________________________________________________ __________

اسأل الله ان يفرج ما بكي وما بي من هم وغم عاجلا غير اجلا
اللهم اميييييييييين
اتقربي من ربك يا اختي وادعيه
(فإني قريب اجيب دعوة الداع إذا دعان)


__________________________________________________ __________

اختي الانسان قناعات وهالقناعات تنعكس علئ شخصيته فالانسان الايجابي نشوفه متفائل ومبسوط وواثق من نفسه لان مصدر الثقه والتفاول من الداخل

حبيبتي انتي بيدك ان تغيري مجرئ حياتك للافضل اتركي كل شي محبط خلفك وابحثي ف داخلك عن المميزات وطوريها والسيئات حاولي تفاديها
اما مساله مقارنتك لنفسك لاختك وحضها فالمسؤؤل هنا انتي من سمح لغيرك بالمقارنه والتمادي اضهري ثقتك بنفسك وحبك للحياه للجميع

اتمنئ عدم تسميتك -البطه السوداء-لان فيه انقاص لكيانك وشخصيتك