عنوان الموضوع : والله محتاجتلكم واريد نصيحة انصحوني ارجوكم
مقدم من طرف منتديات نساء الجزائر

والله محتاجتلكم واريد نصيحة انصحوني ارجوكم



السلام عليكم اخواتي احس اني واقعة في مشكلة بصراحة انا اتعرفت على شاب هو خلوق ومتفهم والاهم انه يحبني وانا عم بحكي هاد الشئ بعد ماعاشرته اكثر من شهر المهم المشكلة انه في البداية قالي انه راح يجيب اهله ويخطبني وانا لهيك وافقت لانو انا وبصراحة اخبرته وقلتله اني ارفض رفض تام اني اخرج مع واحد بدون اهلي مايدروا فهو قالي انه راح يخطبني المهم هو حكى مع اختي لكبيرة وقالها انه بيريدني بلحلال بس ماقلها امتى يجي يخطبني ماقال شئ هو كان كل مرة يعطيني موعد كل مرة يقولي انه راح تجيكي امه وخالته في هي الايام مشان تخطبني بس ماتجي وهو يغير رايه بصراحة انا كثير مضايقة احيانا احس انه عم بيضحك علي بس بصراحة هو موهيك بس بصراحة احس انه خايف من المسؤولية مع انه عمره 30 سنة تخيلو شو قالي مرة روحي انتي واختك لعند خالتي وهي بتفهم اختك كانو انا لراح اخطبه مو العكس تخيلو هو قال في البداية انه راح يجي يخطبني بعد عيد الفطر ولما فات عيد الفطر حكينا في الموضوع وقال ب ايام اضبط اموري واجي اخطبك قلت نعم بعدين قال انه عندو عرس عمه اخو ابوه قالي لما يفوت راح تجيكي امي وخالتي قلت كذلك نعم وانا عم بستنى يفوت العرس .هو كان عم بيشتغل لهيك كان متحمس كثير كان يقولي بعد عيد الاضحى راح تتم الخطبة وكان كثير متحمس فقلتلها راح اخبر امي قالي لا اصبري حتى اقولك انا وبعدين خبريها انا ماصبرت وقلت لامي لاني بصراحة انا بحكي لامي كلشي فأمي وافقت وهي كمان عم بتستنى يفوت عيد الاضحى مشان تتم الخطبة بس هي في نفس الوقت حاسة كانوا ما عندوا وفاء لكلاموا لانوا بيحكي ومابنفذ ليش عم بيعمل هيك والله انا كثير مليت وخصوصا انو فقد عملوا صرت بحس كاني ماني من مخططاته لما بسالوا عن مخططاته المستقبلية هو مابيذكرني ابدا ولا حتى صار يحكي في موضوع خطوبتنا انا شو اعمل شو اعمل شو راح يكون موقفي امام امي واخواتي كانوا كثير متحمسين والان شو اعمل انا خايفة اتخد شي قرار يكون غير منصف في حقوا او في حقوا هو.وفي نفس الوقت مافيني اتركوا في هاذ الوقت وخصوصا بعد ماخسر شغلوا هو كثير محتاجلي في هاد الموقت بس ياخواتي والله انا ماني مرتاحة بهده العلاقة اريده ان يتقدم لخطبتي لكي ارتاح وقلبي يطمان بتعرفوا شئ هو مابدو يخسرني لهيك هو رابطني معه بهذه الطريقة كل مرة يقولي راح يجي يخطبني وما يجي فلاول قال العيد الفطر وبعدين زواج عمه وبعدين عيد الاضحى والان حاسة راح يقولي حتى تخلصي دراسة لاني هاذ العام اتخرج من الجامعة انشاء الله المهم وبعيدن راح يقولي لحتى لاقي شغل انا مابدي منو شئ شو راح يصير اذا بينلي انه يريدني حقا شوفيها ادا اجت مه وخالته ماراح يصير شئ بس احس انه حقا يريدني ليش هيك عم بيساوي معي والله انا بدي ارتاح وشو اعمل اذا قالي شورايك نأجل الخطوبة؟ انا مابدي بس حاسة هو بدوا انا الاريد انا تبقى علاقتنا هاكذا هو ولد بس انا بنت ومايصير اطلع معه بدون خطوبة وبدون شئ رسمي انا كيف فهوا هاذ الشئ كيف . انا راح استنى يفوت العيد الاضحى واذا ما اجى راح اتركوا هاذ اخر قرار عندي بس كيف التركوا بدون ما اجرحوا وكيف فهموا انه هو الغلطان هو لازم يتحمل المسوؤلية لازم انا والله مليت حاسة ماني في مخططاته لازم يعرف اني بديياه يجي يخطبني بس في نفس الوقت انا بس لما المح له يصير يقولي لاتستعجلي انتي مقلقة كثير ومستعجلة والله انا خايفة يفشلني قدام امي واخواتي شو اقول لهم انصحوني ارجوكم والله مالي غيركم بعد الله انصحوني ارجوكم ارجوكم ماذا افعل ماذا؟؟؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


ما احد رد علي والله حرام انا تائهة ومحتاجالكم حد يرد علي بليييييييز قولولي بس شئ كلمة طيب خاطري ارجوكم


__________________________________________________ __________

إذا لم يكن قادرا على تحمل المسؤولية من الأن فكيف سيتحملها من بعد ؟؟؟؟؟لقد أعطيته أكثر ما يستحق من وقتك أنا لا أستطيع الحكم عليه إن كان صادقا معك ام لا ،لكن أنصحك بقطع علاقتك به حتى يتقدم لخطبتك


__________________________________________________ __________

حبيبتي انا متأكدة 100 % وبشارطك كمان اذا كان هذا الشخص صادق ,, صدقيني انه لعوب و واااااااااااضح جدا من كل تصرفاته انه بتهرّب من موضوع الخطبه وانت عارفه وفاهمه هاد الشي

انا بقلك شو موقفك انت عارفه انه مو جدي ولا بتحمل مسؤوليه وعارفه بالعربي انه ما راح يجي يتقدملك بس بتعزي بحالك وبتقولي بلكي اجا وبستنى لبعد العيد وانت عارفه انه ماراح يجي من كلامك بتقولى راح يقلي بس تخلصي دراسه يعني عارفه انه راح يحطلك حجج جديده بس انت صرتي بموقف محرج قدام امك واختك .

يا حبيبتي نصيحه لوجه الله اتركيه اليوم قبل بكرا احكيله انت بتعرف باب البيت واذا بدك بعطيك رقم تلفون اهلي وبس تشوف حالك جاهز تعال تقدملي وامي منعتني احكي معك وحكتلي اذا بده اياكي بيجي بيطلب غير هيك ما عنا وهددتني اذا عرفت اني رجعت احكي معك لتحكي لاخواني وابوي وهمه يتصرفوا .


والله لو انه صادق كان اجا من زمااااااان وماتردد ولا لحظة ولا حط اي حجة بالعكس كان خاف تضيعي من ايده وحاول يرتبط فيكي رسمي باسرع وقت وما كان قلك روحي عند خالتي اصلا ياعيب الشوم عليه كان ناقص يحكيلك تعالي اخطبيني !! والله اشي بقهر .. احفظي كرامتك وسيبك منه ولا تخليه يضحك عليكي انت بنت مو ناقصك اشي ليش ترضي لحالك بهيك وضع تقعدي تدوري ورا شب تحكيله تعال اخطبني وهو بتهرب !! ليش فشر انت الشب هو الي بيجي على بيتكم بيتمنى ظفر رجلك . انتبهي حبيبتي احفظي كرامتك .


والله يقدملك الي في الخير


__________________________________________________ __________

انا برائيي تقولين له ان امك عرفت بطريقتها وسألتني وقلتلها
وقولي امي منعتني قالت لو يبيك يجي يخطبك
حطي الموظوع انه من امك وكذا اذا كان صادق راح يجي يخطب ويثبتلك حبه
واذا كذاب يلقاها فرصه ليهرب


__________________________________________________ __________

أولا أحي فيك صراحتك مع والدتك ورفضك للخروج مع أجنبي عنك اشتقنا لنقرأ لأمثالك من البنات من تعرف حدودها جيدا ولا تمشي مغمضة العينين وراء كل من قال كلمة حب لها
ربنا يكملك بعقلك.
أعطيته فرصا كثيرة فإن لم يف بوعده ويتقدم بعد العيد فاتركيه دون أن تأسفي عليه فلا أسف على من لا يتحمل المسؤلية وعلى كل حال لا تخافي فلن يجرح بترككه له فهو من المؤكد يدرك أن الخطأ هو الإستمرار دون علاقة رسمية فكوني صارمة فأنت لم تطلبي منه المستحيل التقدم وإعطاء كلمة للأهل ولا تماطل في ذلك. وفقك الله لما فيه خير لك