عنوان الموضوع : زوجي وش فيه بالضبط الطبيب يجيب
مقدم من طرف منتديات نساء الجزائر

زوجي وش فيه بالضبط



السلام عليكم
انا فتاه تزوجت منذ 8 اشهر ولايوجد اطفال

زوجي اكبر مني بسنتين وانا بعمر23
يحبني وانا احبه ولكن بدأت اشكك بمدى محبته لي
جاني اول زياره بالملكه وافقت عيد الفطر
جا ويده فااااضيه قلت يمكن ماانتبه واخترعت له مليون عذر
حتى اخواتي وقريباتي يسالو وش جابلك وش هداك وانا اصرفهم
جا المره الثانيه نفس الشي
المره الثالثه هديته انا ساعه وشماغ وباقه ورد وعزمته على مطعم
المره اللي بعدها لمحت له و جاب لي ورد
طلعاتنا كلها بالسياره ماننزل ابدا وهو يجلس معي بالساعات
ولامره فكر ينزلني السوق او مطعم او كوفي
انقهر لما اشوف قريباتي كيف عايشين ايام الملكه طوووول بعرض
وانا ياحسره قلبي محتاره في زوجي
مرت 7 شهور مملكه زارني فووق 10 مرات ولاحسيت معه اني عروس
دائما يتعذر اذا عاتبت
مر الزواج والملكه كلها تنازلات من طرفي عن اشياء من حقي
وعدني بشهر عسل في ماليزيا وقبل الزواج باسبوع قلتله ليه للحين ماطلبت مني اطلع جواز
قال ماعاد معي فلوس كافيه بنسوي شهر عسل داخل الدوله
سكت وانا اتقطع قهر كل الناس يسالوني جهزتي للرحله وين بتروحون وانا منحرجه مدري كيف ارد
ايام الفندق ماطلعنا من الجناح
ولاشفت منه هديه زواج
قلت يمكن مايعرف
واكتشفت بعد فتره انه هو بنفسه شاري مع اخوانه هدايا زواجهم ومغلفها لهم ومضبط جناح ليله الزواج لهم
ويستشيرونه في هالامور
انا وللللللعت منه طلع فاهم وعارف
بليله زواجنا كان بحسابه 25 الف خلص شهر عسلنا اللي كان اسبوع وباقي بحسابه22 الف يعني عرسان ولاصرفنا شي
رحنا مدينه بدولتنا ولاطلعنا من الشقه الا ندور بالسياره
ذكرت كم حسابه عشان مايجي احد يقول اني مااقدر مادته
خلص اسبوع عسلنا وبقي له شهر ونص اجازه قضيناها ببيت اهلي او بيت اهله
بالكلام مرره رومنسي وذوق ويحسسني اني ملكه
والعلاقه الخاصه الحمدلله حلوه

اسمع اللي باول الشهور يطير بزوجته
انا شفت هالشي بالكلااااااام
بعت ذهبي كله وعطيته حافز كله ياخذه
وهو حارمني من الاشياء العاطفيه اللي اي بنت تتمناها ببدايه زواجها
ليالي خاصه ، عزايم ، هدايا ، تمشيات ، شهر عسل ، تسوق ، مصروف
احب الهدايا وتعنيلي ان الشخص مهتم
بديت اهمل نفسي غصب عني اقول لنفسي ليه تهتمي بواحد ماهميتيه
لما اجتمع مع اخواته وزوجات اخوانه احس اني بعالم ثاني
واحنا بنفس المستوى المادي
استحي فلانه زوجها فاجئها بسفره على دبي
وفلانه زوجها عطاها المبلغ الفلاني هديه
وفلانه زوجها اخذها اسبوع بالفندق الفلاني
يصادف نطلع مكان سوا ونقط للعشا بس انا مامعي واضيع بهدومي من الحيا
نطلع سوق هن يشترن وانا اتفرج
زوجي يكون معه بس مايعطيني فلوس بيدي
وياما صارت مشاكل على هالشي
اهلي لاحظوا امي مسكتني وقالت وين تودين حافز اذا زوجك مزنوق اصرفي منه
لاني ببيت اهلي كنت لبيسه وذويقه ومصروفي مايزيد عن 500
بعد الزواج بدال مااكشخ تبهذلت
شسوي بزوجي اللي مافكر باحتياجاتي



ملييييييت اعاتب واتكلم وازعل
يتحرك يوم ويبرد

مره تناقشنا بموضوع اللي يسافر بزوجته ويدلعها
ذكرلي ان واحد من اخوياه يحب زوجته بجنون ومسفرها دول اوروبيه
وكل فتره بمكان
وقال لي ملكه جماااااال وصغيره ومهرها 30 الف بس من حقه يخق ويدلعها

قهررررني قلتله يعني اللي مايدلع زوجته ماهي حلوه!
سكت
شككني بعمري يشهد الله ماقصرت عليه بشي وعلى قدر من الجمال
بس مدري وش يبي اكثر


يااااارب تفهموني زوجي غير رومنسي ولايفكر يسوي حركات رومنسيه
ولايفكر باحتياجاتي الماديه والعاطفيه
وشلون اتعامل معه
صرت افكر ازوجه بالثانيه عشان يحس اني انسانه صبووووووره
احسه من النوع اللي بيخق ويطلع كل الرومنسيه اللي مخبيه عني
انا تعبت ماعاد فيني صبر

كل ليله ابكي من البرود اللي هو فيه يبيني شغاله بالبيت بدون مشاعر
اطبخ وارتب واغسل وادلعه
ولااطلبه شي
افكر انفصل جاني القولون والمعده من الهم
انا احبه بسس مدري وش فيه علي
يحلف انه يحبني واحيان احسه يحبني بس مايعرف يتعامل معي
كنه يستخسر الشي فيني يشوفه كثير علي


ردو وواسوني ولو بدعوه

>>>>> ردود الأعضـــــــــــــــــــاء على الموضوع <<<<<
==================================


والله ماادري ايش اقلك اولا مبروك الزواج لساتك عروسه مشكلتك انه زوجك مو كريم معاك صح مايحب يصرف فلوس ممكن هو مقتصد يحب يجمع الفلوس عشان مشاريع في راسه يبغي يشتري بيت ملك او مشروع انا رايي تقعدين معاه تقولي اللي في نفسك ليش ماتعطيني فلوس هو اللي يقدر يجاوبك لانه ادرى بنفسه انتي غلطانه انك بعتي دهبك وتعطيه حافز خليها عندك اصرفي منها السعادة مو في الطلعات السوق المطاعم احمدي الله على كل شي وحاولي تغيري من زوجك اقنعيه باسلوب حلو انه يجيب لك هدايا تخرجون بيني انك مضايقه زعلانه واكيد بيراضيك وكرة الطلاق عيب تدكريها وانتي في بداية مشوارك لسه بتصادفي مشاكل كثيييرة والله يسخر زوجك لك ويسعدك


__________________________________________________ __________

الله يعينك حبيبتي

يارب ترزقني الرجال اللي ما يششك و لا يبخل اخسس صفتين اكرها ب الرجال

و الله يا رووحي
حاسسه بمعانات و لا اني عاارفه كيف اسساعدك لأني انا امووت من هالصفه >_<


لكن فيه نقطططه انتي تقوولي تزوجيه من جدك انتي
انتبهي لا تزوووجينه لييش عقلك بيدك
بكرا لا راح مع حرمته و ترك يقوول انتي اللي قلتي لي تزوج و بعدين الحرمه تزيد غثاك مو تطيب جروووحك


الله يسسسخره لك و يبعده عن البخل و يسسعدك يارب


__________________________________________________ __________

زوجك استغلالي ولاعب عليك ..

اقول الرجال على ماتعود عليه .. اطلبي منه فلوس كل ماطلعتي للأسواق والمطاعم

والا ترى بيتعود ع صمتك وعدم الصرف عليك .. وبعد سنين راح تجي المشاكل

يا قلبي لا تنتظرين يجي يعطيك فلوس بيدك .. انتي اطلبي منه انتي زوجته وهو مسؤول بالصرف عليك

((الرجال قوامون على النساء)) ومن شروط القوامة المصروف يختي ..

:/


__________________________________________________ __________

الله يعينك حبيبتي )":


بنات السعوديه شوو سالفه الحافز ؟؟ كم تقريباا ؟؟ هذا الحكومه تعطيكم إياه ويحق لمن بالضبط ؟


__________________________________________________ __________

يالغاليه،، زوجك فيه صفة البخل وهذا صعب تغيريه لكن ادعي الله يتغير،
ثاني شي يمكن هو بارد في مشاعره وفيه رجال كثير كذا يعني عادي،
واهم شي لاحظتك معطيه الناس اكبر من حجمهم ومهتمه بكلامهم عنك وتنحرجي منهم بعد!!! صدقيني ماراح احد ينفعك نهائي بتخرب حياتك وتموتين من الهم والقهررر،،،
اما بالنسبه تعطينه ذهبك وهو عنده رصيد بالبنك فهذي مشكله هو ليه عطاك مهر وذهب؟؟ عشان ترجعينه له؟!!! هذا ذخر لك انتي!!
وحافز لاتعطينه دام عنده راتب يابنت انتي اولى دامه مايصرف عليك!!!!!