عنوان الموضوع : حجابي لا يعجبه ما العمل؟؟؟؟؟؟؟؟؟؟؟؟؟
مقدم من طرف منتديات نساء الجزائر

حجابي لا يعجبه ما العمل؟؟؟؟؟؟؟؟؟؟؟؟؟



السلام عليكم اخواتي العزيزات اتمنى دائما ان تكن بخير وان تكن في خدمة اي اخت محتاجة لنصائحكم الحلوة
ما راح اطول عليكم راح احكيلكم مشكلتي واتمنى تساعدوني وتعطوني رايكم انا فتاة جامعية جميلة ومتخلقة وكنت دايما ضد فكرة حديث البنت مع الشب ولكن شاءت الاقدار ان يضع الله في طريقي شاب كتير متخلق ومثقف ومن عائلة محترمة وهاد الشاب يحاول دائما يكلمني بس انا ضد هاد الفكرة ومرة بالصدفة لقيتو قعد جنبي بالجامعة وقالي انو انا كتير محترمة وجميلة وحاب يكمل حياتو معي بعد التخرج ويجي يخطبني من اهلي هو انسان يشهد له الجميع باخلاقو وانا كمان لاحظت انو متمسك بدينو كتير فاصبحنا نتحدث بالجامعة ونتحث قليلا بالنت اما التلفون انا لم اقبل ان اعطيه رقم هاتفي المهم في يوم من الايام قالي عندي ملاحظة بسيطة على شكل حجابك واتمنى انو شعرك تغطيه بالكامل اذا مو عشاني عشان ربك يرضى عنك انا شعرت قليلا بالاحراج وايضا عصبت لاني لا احتمل ان يعلق انسان على شكل ملابسي لانو المظهر لا يعكس ابدا شخصية واخلاق الانسان ومن هنا بدات المشكلة وشعرت كانو بدا يتحكم في تصرفاتي صحيح انو هاد الشي في مصلحتي بس انا ارفض انو اي انسان يفرض عليا شو بدو لازم يحترمني ويتقبلني زي ما انا لانو بالاول لما اختارني انا كان شكلي هيك اتمنى انو تساعدوني شو بعمل وكيف بدي اقنعو ما يتدخل باموري مع العلم انو تعلقت فيه لانو بالفعل انسان لا مثيل له وفي القريب يجي يخطبني رسمي بس لا اريد ان تتاثر علاقتنا بهاد الموضوع جزاكم الله كل الخير ولي دعوةخير لكل وحدة تجيب عن تساؤلاتي واذا انا على حق او هو

>>>>> ردود الأعضـــــــــــــــــــاء على الموضوع <<<<<
==================================


يا حبيبتي

تعرفي شو هو حب مصلحتك اختي تحجبي شعرك بالكامل م خسرانة شي بالعكس بتفوزي بالجنة بالاخرة

وانا بحبك بالله ....واريدك تغطي شعرك ....ليش عشان م حد يتعرض لك من الشباب .....



واذا الله اراد هو بيتزوجك ان شالله ........واذا تريدي شي انا حاضرة حبيبتي ...


__________________________________________________ __________

اشكرك اختي العزيزة وانا احبك في الله واقدر لك نصيحتك انت بالفعل سيدة مميزة واتشرف بمعرفتك لكي مني كل الاحترام وجزاك الله الف الف خير وان شاء الله تتحقق كل امانيك


__________________________________________________ __________

انا دايما ادخل لقسم مشكلتي كنت اقرا بس المره ديه حبيت ارد حبيبتي هو لما طلب منك انك تغطي شعرك كله انتي المفروض تفرحي لانو معناتها بيحبك وبيخاف عليكي وبيغار وما بدو احد يشوفك وبادن الله يدل علي صدقه ويجي يخطبك عن قريب انا زوجي نفسو رغم اني متخمره بس يغار ويقولي لا تتركي شي يبان وحريص جدا وهدا دليل علي حب الرجل وزي انتي حبيبتي ما طولي معو وحاولي تقللي المكلمات واوعك تطور العلاقه مهما كنتي تحبيه ومهما كان خلوق لانو الشيطان شاطر ويارب يوفقطك وتتزوجيه عن قريب


__________________________________________________ __________

مثل م قالوا البنات اللي فوق
اصلا انتي المفروض تنبسطي لانه لما حبك وفكر فيك
مو عشان شكلك عشان اخلاقك وطيبك فحب ان
هذا يكتمل بلبسك الحجاب ..
لا تخليه يروح من ايدك لهذا االسبب الدنيوي


__________________________________________________ __________

شوفي حبيبتي انا مثلك تماما في حدا كثير منيح و متخلق و و بصراحة رجل مثالي و سيتقدملي رسميا عن قريب و انا بدرس كان عندي حصة رياضة نزعت المريول و لعبت بالبدلة الرياضية بدون مريول و اان متحجبة و لما خرجت خرجت هيك ما رتديت المريول قام قالي البسي المريول لما تكوني بحصة رياضة اولا لانك متحجبة و البدلة كانت ضيقة عليكي شوية و الشباب كانو يناظرو فيكي ثانية اذا ما حبيتي كلامي فما تعمليه بس خافي من الله و كذا و كذا قمت لبستو اقتنعت لاني استنتجت انو يغار علي و بدو مصلحتي و كمان انسان مستقيم في دينو كثير
و انصحك اختي انك تغطي شعرك بالكامل مهما كان راح يصير زوجك المستقبلي و هو خايف على مصلحتك

ارجو ان تقبلي رايي حبيبتي و ان شاء الله يبارك فيكي و يبارك فيما بينكما
دمتي بحفظ الله و رعايته