عنوان الموضوع : أمي تكرهني كره و تخليني اسوي الغلط الطبيب يجيب
مقدم من طرف منتديات نساء الجزائر

أمي تكرهني كره و تخليني اسوي الغلط



بنات مشكلتي معقدة
أمي كانت تبي تخلف بس أثنين
و لما حملت فيني زعلت
و حاولت كتيير تسقط الجنين بالحبوب و بالاجبار نفسها و تضرب نفسها لا تنزلني

المهم لما كبرت احسها تخاف على اخواني كثيير و انا لا اخوي او اختي لما يطلع تتصل فيهم 24 ساعة و تتأكد بطرقها مع مين طالعين و لو حست بس ان اللي طالعة مع اختي تكلم واحد عالنت صلراخ و عقابات لأختي و تخاف عليها و التكسي شي ممنوووع منعا باتا و ما تطلع اختي الا ازا فيه وحدة معهم ام او متزوجة :/ و اان تأخرو عن 9 تكون مصيبة و ما تطعلها ابد
و اختي ما تسوي حواجبها الا بس تنظيف و اللبس لازم طويل و واسع و اختي حجبتها في الصف السادس و لما طلبت تشيله و هي لسا في سادس و ما بلغت ممنوع و مصيبة

مع علم اختي اكبرمني ب سنة و نصف

أما انا لو جيرانا طالعين تقولي روحي اطلعي معاهم فكي عن نفسج و انا اكرههههه الطلعة معاهم شباب و شيشة و كافيهات مشبوووهة
و اقول لمي مكان مشبوه شباب و شيشة تقولي انتي شكو الشباب معاكي ولا معاهم و تقول انا واثقة فيج انك ما تشربين شيشة ولا تسوين كزا
اقولها مابي اطلع تنزلني معهم غصب !!
مرة قلتلها ماما وحدة كانت تبي تركب السيارة مع شب تقولي لو حصل خدي تكسي و تعالي البيت و مافي معنا كبار ولا اهل و تطلعني غصب قسم بالله مرات تنزلني من بيتنا و انا ابجي مابي اطلع و بنص الطلعه اهرب من البنات و اضل لوحدي و ماتتصل فيني و عادي ازا تأخرت
انا حواجبي الاسمهم عادي
البس قصير و تنانير قصيرة على لجنزاات عادي مع ان اختي وايد نحيفة عظم و انا جسمي مو مليان بس ملفت اكثر و و زمان كانت تلبسني ضيق على كيفها ! و انا كنت استحي من جسمي لإن صدري كبير و جسمي ملفت ! و هيا عادي
و الحجاب البس و اخلع عادي

مادري ليش يا بنات مو ذنبي انها خلفتني اوك
بس لما تصرخ علي
اصلا انا ما ابيج سئلي ابوج كم مرة حاولت انزلك انا اكرهك
ياريتني نزلتك و كلام ما يخلص

مع ان والله انا مالي بسوالف الشباب و عمري ما صاحبت و اختي يعني مراهقة شوي
اكره الشيشة و ما يشبهه
علاماتي فوق االتسعين
و اخوي عايد سنتين و اختي عايدة سنة
صوتي ما يطع في البيت و بيتوتية ما احب اطلع و اختي تعشق الطلعة
هادية مررررررررررة و كل اللي يجي بيتنا يقول بنتك الصغيرة ما يطلع صوتها ما شاء الله عكس اختها اللي هية اختي عشان هية حركية شوي و تحب تسولف
كل اصحابي القربين محترمين و اقربهم خاتمة القران حفظ و بعدها تحفظ و تسمع ما شاء الله اما اصحاب اختي ف عينكم ما تشوف الا النور لاكن امي تكره اصحابي و تحب اصحاب اختي مع انها تدري عنهم كل مصايبهم مع الشباب و الشيشة


ما اعرف اشلون ارضيها نفسيتي صارت زفت
و هية كل مرة كلامها اللي يجرح يزيد و مو لاقية حل و لما رفيجتي المقربة تقولي امي ما تطلعني امي تشك فيني امي ما ترضى اسوي او اسوي و هية متضايقة
اخر مرة من قهري حكيتلها اللي يصير و قلتلها انا لو منك افرح ان امي تخاف علي و تمنعني من الغلط
تخيلو رفيجتي تجعني اغير لبسي و يكون لبسي كله فساتين الطويلة الواسعة البناتي و لما كلمت امي تقولي انت لسا صغيرة مع انها تبي اختي من زمان يكون هيك لبسها
رفيجتي تقولي لا تطلعي مع البنات المشبوهين و تعصب ازا طلعت معاهم و امي تنزلني غصب و انا ابجي بس عشانهم جيرانا

ابي حل
بلييييز ساعدوني شلون ارضيها و اخليها ترضا عني تعبت

>>>>> ردود الأعضـــــــــــــــــــاء على الموضوع <<<<<
==================================


رفع


......................


__________________________________________________ __________

الله يكون في عونك
والله يرزقك الزوج الصالح
بس بخصوص انها توديك غصب مع الجيران
قولي لأبوك وبيتصرف معها
واتوقع ابوك بيخاف عليك وعلى شرفك اكثر منها


__________________________________________________ __________

المشاركة الأصلية كتبت بواسطة جايبه الكرسمس
الله يكون في عونك
والله يرزقك الزوج الصالح
بس بخصوص انها توديك غصب مع الجيران
قولي لأبوك وبيتصرف معها
واتوقع ابوك بيخاف عليك وعلى شرفك اكثر منها

لازم تقولي لابوك وبعدين شنواا
هالام للي ما تخاف ع شرف بنتها وربي يفرج همك


__________________________________________________ __________

هي كلمة وحدة لاطاعة لمخلوق في معصية الخالق ....اذا انتي مومقتنعة بالي تعملية
لاتعملية ولو تنطبق السماء على الارض ...لاترضي أمك وتغضبي ربك ...انتي عامليها بمايرضي الله
فقط ..واي حاجة فيها غلط قولي لالالا. .......اهتمتى بنفسك ودراستك ومستقبك فقط وانتبهي تخدشين سمعتك
البنت اذا تلطخت سمعتها فموتها افضل من حياتها .


__________________________________________________ __________

امك تحسك دافع ازعاج بحياتها يمكنها ماكانت تبغى تخلف الا اثنين عشان تحافظ على شبابها او ماشابه بعض الناس كذا بس كيف علاقتك مع ابوك؟
الله يكون بعونك تنزلك مع الجيران مثل ماقالت اللي بالرد الاول كلمي ابوك يتفاهم معها وسوال كمان كيف علاقتك مع اختك واخوك؟

ياليت تجاوبين