عنوان الموضوع : قررت اطلب الطلاق واشتري راحتي مجابة
مقدم من طرف منتديات نساء الجزائر

قررت اطلب الطلاق واشتري راحتي



السلام عليكم ورحمة الله
انا انسانة تعبت نفسيا وابيكم تقولون اللي بسويه صح ولا غلط
السنة الماضية زوجي كان يعاملني ياسلوب جدا مذل بالالفاظ والكلام القذر حتي المصروف ما كان يعطيني شيء وكانت امي هي اللي تشتري لي الملايس لي ولاطفالي
ما كنت اعترض لاني كنت كل ما اطلبه كان يصرخ في وجهي ويقول والله ما اتسلف من الناس علشانك
بالصدفة لقيت جوال له في البيت وانصدمت لقيت رسايل قذرة وتهديد للبنات والخ
في رسالة يعتذر لبنت ويتاسف لها ويقول والله كنت سكران ما كان اقصد اجرحك ابوس رجولك ردي علي
ووحدة يهددها يقول يا بنت الكلب ماتتركيني بكيفك رجعي اللاب توب وفوقها 18 الف هذا اللي صرفته عليك ولا بنشر صورك في حارتك وبعلقها غلي سيارةاخوك بعد
بكيت ولما جاء يسال عن الجوال واجهته وتهاوشنا بالكلام وضربني ضرب مبرح شفت الموت علي يده واخذ اطفالي وطلع بري البيت
دقيت علي اهلي وعرفوا كل شيء صار واخذوني للشرطة واشتكيت عليه وكنت مصممه علي الطلاق
بعدها ياسبوع زوجي ارسل اخوانه وكلهم اكبر من ايوي وجلسوا يعتذروا من ابوي وان زوجي ندمان وخجلان يقابل اهلي يعد اللي صار
ابوي قال انا بخليها تتنازل اذا جاب ورقة طلاقها لانها ماعاد تبيه ويرجع اطفالها لها وبعدها بكم يوم جاء زوجي واعتذر من ابوي وقال انا ما ابي اطلق وولحين شاريها
وكان يرسل علي جوالي رسايل و مقاطع فيديو لاطفالي يقولون ماما تعالي يعني كان يضغط علي عن طريقهم انا كنت للاسف غبية ما سمعت نصيحة اخواني اني ما ارجع له
بس رجعت بشرط يعطيني 18 الف نفس المبلغ اللي صرفه علي صديقاته
رجعت للبيت وصار يحترمني وتغيرت مغاملته وقبل العيد طلبت 500 ريال اشتري لبس لاطفالي وهذي اول مرة اطلب منه بعد المشكلة قال ما راح اعطيك الا 100 تبينها او لا
قلت ماتكفي قام يسبني قلت انا ما طلبت تعطيني من راتبك ولدك يستلم من التاهيل 800 عطني 500 منها قام يهددني راح اتزوج واسكنها جنبك بس علشان اقهرك راح اعاملك مثل معاملة زوج اختي لاختي
ثم قال لا والله لاطلقك اول مايكبرون عيالي بس بعد ما اذلك
انا اللحين حامل وعندي طفلين باقي علي ولادتي 4 اشهر قلت لامي علي نيته وقالت انتظري لين ماتولدين واذا ماتعدل معك خلال 4 اشهر انسي انك ترجعين له
للاسف هو ما تغير يسيء معاملتي واذا قلت له انت بتجبرني اني اترك البيت واطلب الطلاق يتعدل اسبوع ثم يرجع لعادته والالفاظ القذرة والشتم

>>>>> ردود الأعضـــــــــــــــــــاء على الموضوع <<<<<
==================================


اسمعي كلام والدتك عزيزتي وانتظري الى بعد الولاده
كلامها صحيح
بس مو قادره افهم حاجه وحده بس
يعني زوجك الله يسلمه طباعه مو حلوه
ومعاملته لك قاسيه
وبخيل
ويضربك ضرب مبرح
وبعدها تحملين منه؟؟
مافهمت هالمعادله

الله يصلحكم

تحياتيييييييييييييي


__________________________________________________ __________

me too


__________________________________________________ __________

الله يكون فى عونك ويصح زوجك يارب بس غلط تحملين وانتا شايفه كيف بيعاملك


__________________________________________________ __________

الله يسخره لك .. ياحبيبتي ليش تطلبين من الناس الحل وتنسي خالقك ادعي واستغفري وتصدقي والله يسخره لك...


__________________________________________________ __________

لاحول ولا قوة الا بالله العلي العظيم ادعي ربي انه يقلب حياتك فجاة للاحسن وريحك راحة ملوك اميييييييين يارب