عنوان الموضوع : زوجي تعبت منه وافكر جديا بالطلاق انصحوني مجابة
مقدم من طرف منتديات نساء الجزائر

زوجي تعبت منه وافكر جديا بالطلاق انصحوني



السلام عليكم

اخواتي الغاليات انا متزوجة من سنتين ونص ولدي طفلة
مشكلتي والله كنت لا اراها مشكلة كانت شي عادي في الحياة الزوجية
لكن ان تكون من اول زواجنا الي اليوم ولم يتغير الوضع الا فترة بسيطة وعاد الوضع الي سابقه

خواتي انا مشكلتي في البداية السهر الفضيع زوجي يسهر بشكل كبير من تزوجنا بس في البدايه اول شي كان يقالكم يستحي مني ويعطيني خبر بعد ماجبت بنتي معاد اهتم يطلع يروح يجي ما ادري الا من اهل زوجي والله اني اتفشل قلت له قولي اذا بتطلع لا تخليني زي الاطرش في الزفة قال اوكيه فتره يعلمني اذا جاء يروح وعقبه رجع لطبعه

نظام حياتنا من اغرب الانظمة والله اني اجلس مع اهله اكثر من قعدتي معه
دوامه 10 ساعات يرجع وينام يقوم ياكل وعلي طول يطلع لاهله تحتنا انا مع نزلته لاهله يسلم ويقعد معهم بس مو يقعد لين يحيه النوم يجي ينام وهكذا
او انه يروح لاصدقائه ومايرجع الا 1 وينام هذا ايام الدوامات
ايام الاجازه اذا مارحت لاهلي نفس نظام الدوامات بس انه يداوم عند اهله

حاولت اكلمه قلت له لنا حق عليك قلت له الشهر 30 يوم ابي منه يوم واحد يكفيني انا وبنتك
اسولف وهو ساكت اضحك من السوالف لحالي اشوفه لينه يفكر مهوب معي

للامانه هو يقول احبك ومن هالكلام بس والله مافيه اي شي يدل علي صدقه
يفشلني عند اهله اذا كان زعلان علي لاني اقوله حاول تقعد وتطلعنا معاد يكلمني ويطنقر
مستحيل يوديني لمشوار الا اذا قعد اترجاه طبعا المشاوير اللي ممكن يوديني لها الصيدلية والهايبر ماركت
والا كل مشاويري علي الناس اخوانه او السواق
مايسفرنا ويمشينا من تزوجت مره وحده غير سفرة اسبوع العسل
امنا بالله انه مايقطر يسافر عشان دوامه قلت نتمشى بالرياض كل يوم بكره

كل مره اقول يمكن طبعه مايحب السفر او المطاعم اتفاجئ انه يسافر مع ربعه
لدبي والكويت المطاعم يروح مع اخوياه


انا ادري ان السفر والمطاعم مهوب كل شي بس المشكله انه مايقعد معي ولا يسولف الا بالقطاره حياتي معه صارت من شهرين بس مشتكل في هالموضوع

علي فكره حنا ساكنين كع اهله في جناح لنا ضيق جدا ومع ذلك متحمله لاني احبه

ما احب اضيق صدره واحب اوفر له كل سبل الراحه
للامانه كنت ما البس قمصان قصيره لاني استحي من ركبي وقالي البسي ولبست عشانه والله العظيم



اللي خلاني اكتب موقف صار لي قبل يومين معه خلاني افكر جديا بالطلاق
تخيلوارحت لاهلي علي اساس سلام ساعه وراجعه دق علي وقال اقعدي عادي انا وراي دوام وبنام ماراح نقعد مع بعض قلت مو مشكله بقعد معك يقولي لا اقعدي اقوله لاعندي شغل في البيت يقول مهوب مشكله بكره اجيك اقعدي المهم قلت له بجي مسويه لك غدا قال انا متغدي المهم قلت لابرجع
رجعت لقيته نايم قام ونزل ولاعاد شفته الا 2 ونص الفجر هذا اللي وراه دوام والله لمارجع قلت له تصرفني قلي منيب مرتاح معك اهون علي طبعا قالي انا بنام وطنشني ونام بعدها وهو زعلان

وقبلها زعلني وحنا رايحين لاهلي لدرجة بكيت قلت له خل اوقف بكي وعقبها بنزل عند اهلي قال انزلي انا مستعجل دخلت عليهم وانا عيوني حمرا علي طول درت اختي

وشلون اغيره والله ادعي ربي يسخره لي

هو والله له حسنات بس والله عيوبه طغت عليها امس استخرت للطلاق

بتقولون مايسوي الموضوع لاوالله انا عايشه انا والكنب واحد ممكن يطلع وهو داري ان البيت مافيه اكل ويخليني بالساعات مهوب بخل بس ينسي لهدرجة انا اقرب له من اهله ينسي ان ماعندي شي

نسيت اقول المقاضي عقب طلعة الروح نجيبها وبالاخير صرت اروح مع سواق

تعبت احس انه لامسؤل وان الزواج اكبر من مستواه

هو انسان عملي يهتم بالدوام اكثر من نفسه وبالمرتبه الثانية الاصدقاء وبعدهم الاهل وبالاخي انا حتي بنته يهتم فيها اكثر مني يمكن هالشي اللي مصبرني

اتمني تشيروا علي وش اسوي معه رساي ارسله انه لازم يهتم فينا كلام كلمته بكاءًبكيت لين تعبت


الله يعينيً ويجزاكم خير

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك و ييسر امرك ياااارب


__________________________________________________ __________

الله يكوون بعوونكك اختيي
اختاه لاتخليين الطلاق يلعب فعقلكك ..لانه الطلاق وراه مشاكل سؤؤال
مافكررتي ببنتكك اذا تطلقتيي؟؟والله حررام بتصيير ههي الضحيهه
انا اقوولكك ححاولي انككك تقعديين معه واذا مافااد خلي وااحد كبييير يكلمه مثلا ابووه او وواحد قريب منه ححيييل. طططيب واذا مافاد خللي من اخواته طبعا انتي قريبه منهاااقولي لها معناتكك معااه يمكن يهديههه
والله يصبررك
اختاه صبرا جميلا والله يفرج ههمككك**


__________________________________________________ __________

احس من كلامك انه علاقتك باهله طيبه
يوم اجلسي مع امه وكلميها لحالكم وقولي لها قولي مهملني ولا معطيني حقي
مافاد معه لما تكلمه امه انتي كلميه قولي له ترى لي حق عليك وابيه مثل ماتاخذ حقك مني
ادعي الله دائما بوقت اخر الليل ماحد يدعي بهالوقت الا ويستجاب له
روحي عند اهلك فتره انه انتي زعلانه وخلي احد من اهلك يكلمه
خليه يحس انتي يمكن معطيته وجه بالبيت زياده
ليه مخليته كل اهتمامك
اهتمي ببنتك
زوري صاحباتك اهلك انشغلي باي شي مارسي حياتك طبيعيه الرجل يطفش لما احد يركز اهتمامه عليه
الله يوفقك يارب ويصلح الحال
بس لاتفكري بالطلاق
كثير ندمو اهلك ماراح يتقبلوك صدقيني صح انتي بنتهم بس كذا ماراح يتقبلوك المجتمع جولك لو مادري ايش تسوي يقولو مطلقه ومدري ايش فيها
لاتفكري بالطلاق ابد


__________________________________________________ __________

اه الله يكووووون بعوووونك حبوبه
انا مثثثلك كذذذذا الرجججال كلهم شتسسسوين ... اصبريي عشششششان بنتك الله يحفظها


__________________________________________________ __________

الله يكون بعونك اختي واستعيني بالدعاء واكثري من الاستغفار وراح تشوفي العجب مالك غير الله تلجئي اليه ونصيحة لا تجيبي سيرة لاحد حتئ لو امك و راح تتذكري نصيحتي بعد ما تتحل المشكلة وكمان ممكن زوجك من النوع اللي يمل الروتين يعني لازم كل يوم تخلي جو البيت غير عن اليوم الي قبله بدءا من لبسك من حركاتك تغيير فرش غرفة النوم.ولما يرجع متاخر لا توريه الوجه العابس تصرفي وكانك مشتاقة حيل وخاصة الوجه البشوش لا تحرميه منه وتذكري ان الرجل يعطي على قدر ما يتلقى فكوني سخية في الفراش وحاولي تكون المبادرة من عندك احيانا وراح تشوفي فرق في اسرع وقت.وبالتوفيق ..ونسيتيني الطلاق اممممم هذه الكلمة لازم تمحيها من قاموسك: