عنوان الموضوع : يبيني وانا مابيه ... -لصحتك
مقدم من طرف منتديات نساء الجزائر

يبيني وانا مابيه ...



السلام عليكم ..



انا مشكلتي بان تقدم لخطبتي شاب وامه وابوه كانوا يبونه لوحده غيري
لكنه اصر انه ياخذني لانه مثل ماوصلني انه يحبني من يوم وانا صغيره ومستعد يسوي لي كل شي واكثر ...لكن مشكلتي ماحبه ولا اقدر وفوق كذا مو مستعده لزواج ...اقصد ان حياتي العائليه ممتازه والحمد الله و كل اللي حولي ملبى ولا شي ناقصني ولك الحمد واسئل نفسي وش ابي من الزواج مسؤليه وتعب و راح اخدمه ومادري ايش .. انا حاليا عايشه بافضل حال ومو مستعده للهموم من ورى الزواج والمشاكل اللي راح تجي لكن مابي احطم اماله وارفضه لانه يحبني اكثر مما اتصور وهو يقول انه كان يبيني من يوم وانا صغيره لكنه كان يحتاج يطور من شخصيته ونفسه ....لكن انا مابي اظلمه واظلم نفسي لكن وربي احس اني بكون نذله لما ارفضه وراح احس بشعور سيء لانه مخطط على كل شي ومتصور حياتنا كلها ... واحسه اوقات طفل صغير مايعرف الحياه وحاط امل كبير علي باني اوافق لكن انا مرتعبه من اني اخذله

>>>>> ردود الأعضـــــــــــــــــــاء على الموضوع <<<<<
==================================


حبيبتي غيرج يتمنى يتزوج !! الحين البنات توصل اعمارهم 30 واكثر وللحين ماتزوجو ! انتي احمدي ربك جاء واحد خطبك ويحبك وبيشيلك على راسه , استخيري والله يوفقك ويكتب لك الي فيه الخير


__________________________________________________ __________

غلطاااااااانه
خذي واحد هو يبيك لاتاخذين واحد انتي تبينه
لما تزوجت فهمتها
انتي اولها ولا اخرها بتعرسين
ليه ماتتنازلين الحين وتعرسين ع واحد هو يبيك
او انك تنتظرين ومايجيك واحد زيه يحبك

اذا الكل يمدحه ولا فيه عيب غلطانه ترفضين
كافي انو يحببببببك

صدقيني فررررصة عمرك
واذا ع الحب بتحبينه بعدين


طيب انتي ليه ماتحبينه وشنو الناس تقول عنه
يعني اخلاقه والخ


__________________________________________________ __________

ع فكرا انا كنت زيك عايشه بيت اهلي
واخر دلع ودلاااال وطلباتي مجابه الحمدلله
وتزوجت بعد الثانويه
لان اللي متقدم لي ولد عمتي مافي زييييه وربي

جد كان بدري وانا مو حق مسئوليه
بس قلت مو كل مره بيجيني واحد زيه

الحين انا 3 جامعه ومتزوجه من اللي ابيه
والحمدلله مرتااحه


__________________________________________________ __________

اشتري من يشتريك


__________________________________________________ __________

والله انك غلطانه راح تندمي لو مااخذتيه غريبه وحدها ماتفكر يكون لها حياه مستقله وبيت واولاد.خذي للي يحبك ولا تاخذي للي تحبيه.