عنوان الموضوع : يخونني قدام عيني الطبيب يجيب
مقدم من طرف منتديات نساء الجزائر

يخونني قدام عيني



السلام عليكم ورحمه الله وبركاته

عمري 19 ونص زوجي عمره 26
متزوجه من سنه بالضبط حملت واجهضت والحمدلله على كل حالي

مشكلتي زوجي يخونني

في البدايه ماكنت اعرف ولما عرفت واجهتو بهدوء قال عادي انتي زوجتي وهي حبيبتي

قلت تعرفها قبلي ؟ قال لا

زوجي دحين صار يكلمها قدامي ويدلعها ويسمعها كلام حب والله اتحسسر على نفسسي وانا اسمعهم
وحاط صورها في جوالو و ياويلي لو اقرب من الجوال حتى

امس الساعه 11 ليل وصلني بيت اهلي بطلب مني
قلتلو انزل سلم على اهلي .. قالي لا .. حبيبتي تستناني في رد سي مول !
انا سكت وجيت انزل قالي لاهنتي عطيني الكيس اللي في الشنطه لما رحت عند الشنطه وفتحت الكيس لقيت طقم ذهب

انا هنا ججد دموعي نزلت غصب عني قلتلو روح جيبو بنفسك

وقسسسم بالله من بعد الزواج ماشفت شي منو حتى عطر ماقد جبلي

المهم الساعه الساعه 1 جا بيت اهلي جلس نص ساعه ورحنا البيت

حاول يقرب مني رفضت وبقوه .. ادري حرام بسس ماقدرت حسسيت بقرف واني برجع

لاحد يقول كلمي اهلك

اهلي ناس مساكين الديون هالكتهم وانا ماعندي اخوان بس انا وامي وابويا واخواتي وابويا كبير ومابغاه يتحسر عليا

ولما تزوجت كثير من مششاكل اهلي انحلت بحكم ان عائله زوجي غنيه


وربي اني مهتمه بنفسسي واهتمام زايد واهتم بالنعومه والموضه وحنونه معاه وكويسه مع اهلو واحبو ورومنسيه

والجمال وربي شاهد علي اني جميله واجمل منها

ساعدوني والله دموعي ما توقف

>>>>> ردود الأعضـــــــــــــــــــاء على الموضوع <<<<<
==================================


مدام قلتي لا نقول تكلمين اهلك خلاص """""" عندي الحل بس ها ابغاك صابره اوكي """ الحل هو"""" انك عادي تعاملك معاه عادي سوي اللي يرضي ربك مثل انك مو مقصره في شكلك ومهتمه فيه والحاجه الوحيده اللي لا تهملينها هي في الفراش """ ايوه لا تقولين ماتقدرين بس انك تسوين هذا عشان ربك مو عشانه """"" وبرضوا اذا طلع وقال بيروح عندها قولي الله يستر عليك وسلملي عليها واذا اجتنا زياره يكون احسن عشان اشوف ذوق حبيبي وقوليها وانتي من جدك مو استهزاء اوكي بيشوف انك ماشيه معاه وبيزعل وخليك على كذا وسوي نفسك انك مو مهتمه """" لا تنيسين ربك بالليل لك دعوه بآخر الليل مستجابه بإذن الله لانك مظلومه ربك ماراح ينساك تحياتي اختك عيووووش


__________________________________________________ __________

حبيبتي ليش حارقة قلبك لما يواعدها وتعرفي مكان لقائهم
اتصلي على الهيئة ونسقي معاهم واعطيهم مواصفات زوجك بالتفصيل وراح يكبشوهم مع بعض
اولا البنت تنفضح وتصير سيرتها على كل اللسان واذا قدرتي تاخذي صورها وتحطيها عند باب بيتهم ولا تقولي لاأحد انك انتي الي سويتي كذا

وزوجك راح ياخذ عقابو ويصير يخاف على سمعتو

ولا تجي حدة تنتقد كلامي لانو البنت صغيرة ومسكينة مقصرة معاه وهو رايح لبنت الشوارع الله يبعد شرها عنك

وأذا تبغي ااي مساعدة راسليني


__________________________________________________ __________

اتصلي على الهيئة ونسقي معاهم واعطيهم مواصفات زوجك بالتفصيل وراح يكبشوهم مع بعض
اولا البنت تنفضح وتصير سيرتها على كل اللسان واذا قدرتي تاخذي صورها وتحطيها عند باب بيتهم ولا تقولي لاأحد انك انتي الي سويتي كذا
أي والله أم عبد الله صادقة ..
أنا اعرف وحدة سوتها مع زوجها بطل يتعرف


__________________________________________________ __________

ههههههههههه الله يرج ابليسكم يابنااااااات الهيئه والله راحت على بالي


__________________________________________________ __________

لا لا مع احترامي لا تسمعي كلام ام عبدالله .. الله يهديك البنت تبي حل ؟؟؟ مو تسوي مشكله ثانيه ..

حبيبتي الواضح من كلامك انه قاصد يقهرك ومتعمد يسوي ذي الاشياء قدامك .. ما لك الا التطنيش .. بيني انك مو مقهوره وان السالفه عادي هوا راااااح ينقهر لو شافك ما تأثرتي ومو غيرانه عليه ,,

الله يهديه اذا كان صادق في تصرفاته هذي .. مالك الا الصبر ووكلي امرك الى الله وربي بيفرجها عليك
لان حكيتي ظروفك صعبه .. وان شاء الله ربي يسعدك وتنحل مشاكلك