عنوان الموضوع : ++ مشكلتي صديق أخوي ++ مجابة
مقدم من طرف منتديات نساء الجزائر

++ مشكلتي صديق أخوي ++



بنات أنا والله أبي مساعتكم وأبي تفسيركم باللي يحدث حولي ..

- أنا قريبة مرة لأخوي ودايم يحكي لي عن اصدقائة وأيش قالوا بطلعتهم كل شيء يعني..
مو هنا المشكلة ( المشكلة هي دايم يسألن أذا خطبك فلان "اللي يكون واحد من أصدقاه" توافقين وأنا مرة أخذ سؤالة بستهتار ومرة أعصب يعني على حسب المزاج , وكل مرة يطلع فيها يصور ومثل حركات الشباب يعني لكن أذا جاء يرسل لي صورهم يظهر أخوي لي أنه يبين أشوف لا اكثر لكن أنا أشك أنه يبين أعجب بصديقة
ومرة كنت أسولف أنا وأختي عن وحدة تزوجت صديق أخوها وقال هو أيه مثل فلان "يقصد صديقة" يحب فلانه "يقصدن"قالت أختي كيف عرفت قال دايم يلمح لي أنه ودة يتزوجه و يسألن عنه هي سمينة أو نحيفة وأيش شكلة وأيش قسمي.. وحتى أصدقاي يعرفون أنه يحبك أني دايم أذا تكلمت وقلت اختي سوت كذا جلس يحقق معي منهي وأي خواتك وصدقاي أذا سوا هو خدمة لي قالوا ترى مو علشان خاطرك علشان فلانه "يقصدونن"
وحتى مرة كان أخوي مسافر معه وأخوي صورة وهو يبدل ملابسة يوم جاء جلس يورين مقطع الفديو يوم خلص مفرجن دق صديقة قال أخوي تبين أفرج فلانه "يقصدن" المقطع حق الملابس قال صديقه له مخيالف لكن أذا تقدمت له توافق قال أخوي تدري الجوال سبيكر وهي تسمعك وجلس صديقه يهاوش عليه قال أخوي أمزح معك وينشب بأخوي لحد ماحلف أنه ماكان سبيكر
"طبعا هو فعلا ماكان سبيكر لكن يوم قفل منه قالي أخوي أيش قال"
أنا ضحكت ومشيت السالفة ..حتى صديقه ذا معه رقمي ومخزنة عنده لكن ماعمرة أرسل لي أو دق أنا أكتشفت أنه مسجل رقمي لأنه سوا قروب بالواتس وأضافن حتى مضيفن مع أخوي وأثنين من أصدقاه وعلى طول قال أحذفي القروب أنا مضيفك غلط
وسويت دليت على طول ..)

- المشكلة يابنات أنه دايم يجين خطاب و أول مايقال أنه خطبك واحد يطري على بالي صديق أخوي
ويضيق خاطري صحيح أنا عادي عندي ما أحبة ولا أكرهه لكن أخاف أنا صدق يحبن لأنه هو أنسان ماعنده لف ودوران وأمام مسجد وملتزم مرررة لكن هو مايقدر يخطبن الآن بحكم أنه باقي له ترم ويتخرج

وبصراحةةة مدري وش أسوي
والله لا أدعي لكل وحدة ترد


>>>>> ردود الأعضـــــــــــــــــــاء على الموضوع <<<<<
==================================


بنات نسيت أقولكم كككيف هو يحبن وهو مايعرفن !!هذا سؤال مسوي لي صداع

أنا عارفة أخوي فضيحة يسولف بنا عند اصدقاه يعني ممكن يكون حب شخصيتي من سواليف أخوي !!
لكن عجزت أقتنع فيها مالقيت حل !!!!


__________________________________________________ __________

شوفي اذا احد خطبك حاولي تقولين بفكر بالموضوووع وشوفي ردة فعل اخووك وقولي يمه وقولي له شرايك باللي خطبني واوافق ولا
وبيجي لك الرد اذا فلان يحبك وبيخطبك ولا


__________________________________________________ __________

بسم الله الرحمن الرحيم

السلام عليكم ورحمة الله وبركاته

والله اني اقرى كلماتك

واحس انها تتقافز فرحاً من خاطرك

ي قلبي

هذا نصيب وتبين من صوب اخوك

وترى احسن شي عشان يكرمك

وتضمنين حياة كريمه امنه ان شاء الله

لو ان فيه بلا اخوك ماصادقه من البدايه

ولارضى يلمح لك او يكلمك ويفاتحك

المهم اذا جاء خطيب اخوك اكيد بيدري

فخليك انتي واخوك ع الخط

وافهمي من اخوك

الرجال تفهم الرجال

قولي هالرجل صح وصواب اني ارد الناس

وانتظره

انت اخوي وامين على مستقبلي

وانا اختك وهو صديقك

وانت ابخص بي وبه

بحكم قربك منا كلن (بدايرته)


او تشوف انه لجاني كفو اتلقى نصيبي واروح

اخذي الشور من اخوك

وترم ميب طويله والله يرزقه بالوظيفه

وانا احس انك مياله لهالصديق

فاسأل الله ان كان لكم خير ابعض ان يسهل اموركم ويجمعكم على خير وسلام

واستخيررررري كل ماتقدم لك احد

الله احسن من كل شي

الله يوفقك


__________________________________________________ __________

امم شوفي من رأيي ان الرجال
حاله من حال اي واحد يحب وحده
لكن اهو كاتم حبه ويبيك بالحلال

بس اخوك اللي امخرب السالفه كلها ويمكن امخليك تكرهين الرجال
مع ان الرجال ما سوا اي حركه غلط او سلبيه بالعكس
ومن شكله ان الرجال محترم وهادئ ويحب كل شيء بالحلال

ولكن الغلط الكبير انك تكرهين الرجال بسبة اخوك : ) ولازم تبتعدين عن هل شيء

والحل انك تعدين الاشياء اللي بتصير من اخوك والنغزات عن هل رجال
وتنتظرين الرجال ، إذا اخطبك ، وافقي و إذا ما اخطبك ، كانه ما صار شي


__________________________________________________ __________

المشاركة الأصلية كتبت بواسطة حنوو علي
شوفي اذا احد خطبك حاولي تقولين بفكر بالموضوووع وشوفي ردة فعل اخووك وقولي يمه وقولي له شرايك باللي خطبني واوافق ولا
وبيجي لك الرد اذا فلان يحبك وبيخطبك ولا

انا معاها
وربي يكتب لك اللي فيه الخير ويسعد قلبك اختي