عنوان الموضوع : خايفه على ابوي من اخوي . -تم الاجابة
مقدم من طرف منتديات نساء الجزائر

خايفه على ابوي من اخوي .



مو عارفه وش اكتب ولا وش اقول

اخس اني ضايعه ومو عارفه وش اللي احسه والا وش اللي لازم اسويه

مشكلتنا اخوي الكبير ياعالم احترنا ماعاد ندري وش فيه وربي تعبنا معاه بهدلنا جننا تصرفاته مدري وش يبي يوصل له من وراها

اخوي هذا كان محافظ على صلاته وكان بار في اهلي وبالذات امي ماينام لو هي زعلانه حتى يعتذر منها ويبكي حتى تسامحه

كبر ودخل الكليه وعلى قولته ان ابوي اجبره يدخل تخصص مايبيه بس ذا عذر لانه ماكان يدري وش يبي كان يقول ابي اسافر اكمل بس مستحيل يسويها لانه مو متعود يروح ويجي لحاله وكان بالبدايه اوكي بعدها تغير بالتدريج

الولد فجأه صار لما يجلس معانا عالسفره يتغير وجهه ومايبي ياكل وحنا ماندري وش فيه كان ذا الشي برمضان بعدها قام يقول الشيطان يوسوس لي اني اكفر وانا تعبان وانا ما اصلي من سنه وبس يبكي وحالته حاله اقنعناه ان كل ذا وسواس وحنا نشوفك تروح وتجي تصلي ووتوضا وشلون سنه ماتصلي ؟؟

المهم ظل على ذا الحال فتره بعدها صار يتمشكل مع اي احد مننا يروح عند اصحابه يقول ابوي يضغط علي يخليني اسوي كل اشغال البيت اجيب كل اغراض البيت ومايطلب من اخوي الصغير ذا الشي
مع انه هذا الشي ماكان يصير الا قبل مايكون عند اخوي الصغير سياره
بس بعدها والله ماكنا نضغط عليه
ا

انا مانكر ان ابوي يحب اخوي الصغي ويفضله علينا كلنا بس هذا مايشفع له اللي صار يسويه

الحين يسافر ابوي ويروح ويجي مايجي يسلم عليه مايسأله كيفه مايتطمن عليه ابد مره امي هزأته ليه تسوي كذا قال عشان اربيه !! مدري وش كان يقصد بذا الشي

امي يتلفظ عليها بالفاظ مدري وشلون يقدر يقولها يرفع صوته يهينها يهددها يضربها


هذا غير الوظيفه مايبي يتوظف يبي بس ياكل ويشرب وينام ويطلب مصروف من ابوي اللي مايكلمه ابد بس يطلب من امي وامي تجي تطلب من ابوي

وربي تعبنا منه الجو في البيت مره متوتر ماعاد ندري وشلون نتعامل معاه

حياتنا صارت نكد ابي منكم تدعون له بالصلاه والهدايه وربي اني خايفه عليه من نفسه وخايفه على اهلي منه

يارب اهديه واصلح شانه ورده لنا رد طيب

>>>>> ردود الأعضـــــــــــــــــــاء على الموضوع <<<<<
==================================


ياااااااارب يهديئ اخوك ويسخررره لكم


__________________________________________________ __________

امممممممممممم الله يعينكم ودوه شيخ يقرى عليه


__________________________________________________ __________

الله يهديه ويصلحه
ويرجعه لصوواب...


__________________________________________________ __________

الله يعينكم


ويهدية لكم ويسخر قلبة لكم


__________________________________________________ __________

السلام عليكم..
اخوك يبدو انه يواجه مشاكل ومصاعب دراسيه وعلق هذه المتاعب اللي يواجهها في ابوك لأنه أجبره عالتخصص..يمكن انتم في نظره أعداءه مو اهله خصوصا من طريقة تصرفه معكم ..أقترح اذا في رجل من العائلة يحترمه اخوك ويثق فيه انه يتواصل معه ..ويعرف وش مشكلته الحقيقية ..وطبعا يذكره ببر الوالدين ..وانتي بعد حاولي تجلسين معه جلسة اخوية ذكريه بالاخرة وبالحساب..ذكريه ان اللي يسويه من الكباائر..
عن أبي بكرة رضي الله عنه ، قال : قال رسول الله صلى الله عليه وسلم : " ألا أنبئكم بأكبر الكبائر؟ قلنا : بلى يا رسول الله قال : " الإشراك بالله ، وعقوق الوالدين ، وكان متكئا فجلس ، فقال : ألا وقول الزور ، وشهادة الزور ، ألا وقول الزور ، وشهادة الزور ، فما زال يقولها حتى قلت : لا يسكت " .

متفق عليه

اخوك واضح انه مستسلم لوساوس الشيطان حاولو تروحون رحلة للعمرة كلكم صدقيني بتغير فيه

وفي الاخير اذكرك بدعاء الأم قولي لأمك تقوم الليل وتجتهد في الدعاء له لأنه أكثر ما يحتاجه الان هو الدعاء..ادعو له دايما والله يرجعه لكم افضل من ذي قبل