عنوان الموضوع : والله تعبت من حياتي.. -تم الاجابة
مقدم من طرف منتديات نساء الجزائر

والله تعبت من حياتي..



السلام عليكم

أنآ ضآيقه فيني الوسيعه ومآلي غيركم..عندي مشآكل كثيره بس هذي بعض من مشآكلي اللي ممكن تنقآآل..
أنا من يوم طلعت على الدنيا وأنآ أعآني من عيب خلقي في وجهي,سويت عمليتين تجميل وأنآ صغيره مآنجحت..ولما دخلت الثآنوي سويت عمليه تجميل وفشلت العمليه ومو بس كذآ زآد بعد التشوه..المهم لآحظت صآحبآتي ينحرجون مني ولآيجلسون معي..يتحآشوني بأي طريقه هذآ غير تطنز البنآت علي وضحكهم وسخريتهم..المهم ماقدرت أتحمل وقررت أترك درآستي وصرت مآ أطلع من البيت..ولآ أطلع للضيوف اللي يزورونآ
صرت أربع وعشرين سآعه جالسه ع النت..صرت أسمع أغآني بعد مآكنت مآأسمعهاا..صلآتي مآأحآفظ عليهاا.. صرت أمآرس العآده السريه..وزني زآد 20 كيلو..صرت أضيف شبآب ع ايميلي وأسولف معهم..حآولت الانتحآر ثلاث مرآت بس فشلت محاولاتي..تعبت من الوحده..تعبت من الذنوب..تعبت من نظرآت خلق الله..صارلي أربع سنين وأنآ ع هـ الحآل..أنآ اللحين عمري 19 اللي يشوفني يقول عمري 40 مآ أعرف أحط مكيآج ولآ أعرف ألبس ولآ أعرف حتى اسولف مثل العالم.. ولآ عندي صآحبآت أو أي أحد أشكيله..دآيم أتحسر ع أمي لأنها أكيد ودها تفتخر ببنتها مثل كل أم بس أنآ دآيم مسوده وجها..الأيآم هذي أفكر أني أطلع من بيتناا عشآن أمي ترتاح من همي..أبي أروووح بعيد ومآأبي أشوف أحد..أي مكآن بعييييييد بس أهم شي أمي ترتاح..صحيح أنآ أدري مشكلتي مالها حل بس حبيت أفضفض..قسم بالله أكتبلكم وأنآ منهاره من الصيآآح..............أدعولي.,

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم اولاً**
والصلاة والسلاآآم على اشرف الانبياء والمرسلين *ثانياً*
اخ ــتي **
انتي ماتعالج ــين المشكلهـ انتي تزيدينها وتنزلين الدرج ماتطلعيين فوق **
طييب وان كاآآن فيك عييب خ ــلقي من يووم ماطلعتي عالدنيا طييب هذا الشئ بيدك لاآآ قدر الله مشاء فعل انتي ماتدرين انتي تاخذين ح ــسناآآت وانتي بمجرد ماتمشين خلي الناآآس تهرج مثل ماتبي انتي مابيدك غير انك تعطينهم نظرة استحقاآآآر** وهم يفهموون الباآآقي الناآآس مايعجبهم شئ ولا تخلين غاآآيتكي اعجاآآبهم ورضاآآهم خلي غاآآيتك رضئ ربي لانه بيده كل شئ ** وله الحكمه عز وجل في هذ الشئ *
لييش ياقلبي تعالجيين الخطا بالخطا لييش تدمريين نفسك وانتي باول العمر **
اضفتي الشباب وش استفدتي ** طيب المفروض تستنجيين فكرة وتستفييدين من اضاافتكي لشباب في ايميلك ؟؟؟ وهذه الفكرة المفرووض تطبقينها وتقتنعيين فيها ؟؟؟ طيب هي ايش انتي هالحين مضيفه شباب اوكي ** هالحين اللي بينكم كلاآآم ومحادثاآآت طيب اكييد حبوووكي وحبيتيهم وارتحتي لهم ؟؟؟ صح
طيب هم ماشفووكي وانتي رح تتحرجيين انهم يشوفونك هذا الاكيد طيب المنطلق هنا ايش ؟؟انه مانصادق الناآآس ولا نح ــب الناآآس ولا نرتاآآح لهم لاشكاآآلهم ومظاآآهرهم بالعكسس *بالاسلوب والكلاآآم الطيب والحلو نكسسب ناااس يعني انتي تقدريين تتواصلين مع النااس بالتحدث والكلام وتقدرين تاثرين عليهم وخلي العاههـ اآآخر اهتماامك ولا تخلينها تسوي حواجز بيينك وبين المجتمع والمحيط اللي انتي فيه الفكرة اللي بوصل لها ** النااس ماتحكم على بعض بالشكل والمظهر بالعكس بالعشرة الطيبه وح ــسن الاسلوب نكسب نااس لو كاآآن فينا اي شئ ** وانتي مجربه هذا الشئ لاكن اختي بالغلط الشباب ماعندهم غير الهياآآط*حاولي تسووين لكي صداقآآت جديده ابدي انتي من جديد وكسري كل الحواجز افرضي نفسك رح يتقبلك الجميع **بس افرضي نفسك بجدارة * طيب الصلاآآة تتركينها ليش ؟؟ بالصلاة نلقى راآآحه ورضى من ربي وقنااعه ووزنك والعاده السريه <~ ذي تفريغ للي يجول ويحز بخاطركي ** لكن لو فلاغتيها بشئ افيد كاآآن افضل رياضه مكياج اي شئ ** طيب تنتحرين ؟؟ وبع ــد الانتحار ؟؟ بيكون ايش ؟؟ تبين ترمين بالنار على وجهك تبين تخسرين الاخرهـ *عشاآآن كلاآآم ناآآس فكرتي بالناآس وانتي نفسك مافكرتي فيها **وان طلعتي من بيتكم مثلاآآ امك بترتاح * وتناآم وتسير عالجارات وتستانس * وتاكل وتشرب ؟؟*
ماااضني بالعكس انتي تتعبينها اكثر وممكن تموت وبعدين وقتها تكرهين نفسك صدق **
الله يستر عليكي ويهديكي
اآآسف على الاطاآآلـهـ **


__________________________________________________ __________

الله يفرررررج همك حبيبتي

ويسعد قلبك ،،،

لو طلعتي من البيت امك راح تقلق وراح تمووت من الخوف ،، اكيد ماراح ترضيها لها ،،

اختي كانت معها بنت بالكليه .. كان فيها عيب خلقي .. يدينها صغيررره مره مو طبيعيه

بس كانت واثقه جدا من نفسها .. لدرجه انها لما تطالعين فيها كانه انتي اللي فيك العيب مو هي

،

موفقه يارب


__________________________________________________ __________

الله يفرج همك يااااربي

حبيبتي ما حد يقدر يساعدك غير رب العالمين

وانتي بدل ماتتقربين ليه صرتي ابعد؟؟

ليش ياقلبي كذا .. المفروض هذا الموضوع يخليك تقربي من ربك اكثر

وبعدين ههذي مو نهاية الدنيا
الله لانظر الى صور الناس ولكن ينظر الى قلوبهم

يااااما ناس مشوهين ومع ذلك عايشين حياتهم وواثقين في نفسهم

خلي نور الايمان هو اللي ينور حياتك

الجمال زاااائـــــــــــــــل ..وما يبقى غير العمل الطيب والسمعه الزينه


امك فخورة بيكي وتحبك كيف ما كنتي

بس انتي خذلتيها بتصرفاتك هذي
ارجعي لرب العالمين

وشوفي مستقبلك وكملي دراستك وما عليك من اللي يطنزون

رب العالمين قادر يغير عليهم لو تطنزوا عليك

وصدقيني ما حد بيطنز الا البعيد عن رب العالمين


لانهم يطنزون على خلقة ربي

ربي اللي خلقك وهو اللي يتولاك

والعمليات اللي سويتيها ماهي نهاية ككككل شي


يمكن لسى ماجا اللي رب العالمين بيخلي الشفا على يده


خلي عندك امل في كل شي

وصدقيني راح تكون حالت النفسيه مستقره وراضية وهذا اهم شي


الله يحفظك لامك ويهديك ويشفيك يااارب


__________________________________________________ __________

يا اختي العزيزة هل كنت تريدين نصيحتي اقربي من الله وشنو تقولين للناس يلي ما يشوفو دنيا او يقدرزن المشئ


__________________________________________________ __________

استغفري ربك امك بتموت اذا انتحرتي او طلعتي من البيت ساعتها بتسودين وجهها ووجه عايلتكم كلها وبتخربين

سمعة اهلك واخوانك واخواتك احمدي ربك ناس ماتقدر تمشي ناس ماتشوف ناس ماتسمع ناس ماتتكلم انتي

عندك كل شي تقربي من ربك وراح ترتاحين وتركي عنك البلاوي اللي تسويها وكلنا نسمع لك وكلنا صديقاتك

رجعي لدراستك ولاتهتمين لنظرة الناس جلسي مع اهلك تكلمي طلعي اللي بقلبك