عنوان الموضوع : أرجوكم عطوني رأيكم ماعندي أحد أستشيره وأثق برأيه. الطبيب يجيب
مقدم من طرف منتديات نساء الجزائر

أرجوكم عطوني رأيكم ماعندي أحد أستشيره وأثق برأيه.



مشكلتي.*
أنا معلمه وحاصله على الماجستير. تزوجت زوجي وهو من جنسيه عربيه وأنا سعوديه الجنسيه. فهو قريب لي ولكن صلة القرابه ليست قريبه جداً.
الأحداث أللي بقولها لكم تمثل الثلاثة الشهور الأولى من زواجي.*
الظروف الماديه لزوجي ضعيفه راتبه 2017 ريال. وقلت لنفسي أنا مو محتاجه وبالعكس بعين زوجي مع الأيام.

المهم
تخيلوا في الأسبوع الثالث من زواجي قال جهزي نفسك بنروح نسلم على خواتي ( خواته حريم متزوجات جو من السفر)
قلت رح أنت سلّم وأصلاً خواتك لا عزموني ولا شي والعروس معروف بعد زواجها بتنعزم.*
فجأة قام يسبني ويشتمني بعبارات والله ماتتخيلونها قال أنتي حقيره وحيوانه وبتمشين غصب عليك وأنتي ترفعين الظغط روحي لأهلك مابي هالزواج ( قال هالكلمه وهو طالع مع الباب ويالله سمعتها لأنه طلع من الغرفه ؟أنصدمت بكلامه ؟ توقعت يقول يابنت الحلال تعالي نسلم ولا راح نطول..؟

جلست أبكي وقول بنفسي أنا عروس من بدايه عرسي ازعل والله فضيحه.
المهم قلت أبلم الموضوع ولاني رايحه لأهلي. بعدها جا ولاتكلمنا أبد بعد أسبوع راضني بالكلام وقال أنا أسف ورضيت.
ولاحظت عليه أنه يتعامل معي بحنيه ومرات بعصبيه وجفا وحسيت كأنه خايف إني أشوف نفسي عليه بحكم إني معلمه وحاصله على الماجستير.
وربي مافكرت أنا بهذا الشي واعتبرته زوجي ونصفي الثاني. وللعلم أول ماتزوجته
كانت شقتنا أغلب أثاثها مستعمل ماتكلمت. بالعكس حسسته بالاحترام.

المهم
تعامله معي نوعاً ما حلو بعض الأحيان.. وبعد كذا شهر من عرسنا صار موقف تافه لايستحق الزعل وشتمني بنفس عباراته الماضيه؟
جلست أقول والله فشله ازعل واطلع من البيت وش بيقولون الناس عنّي؟
وللعلم ماكنت أسولف لخواتي عن حياتي لأني اتوقع الأهل من باب المحبه لي بيزعلون وأكيد بتتطور المسائل. وبنفس الوقت أنا معلمه بديرة واهلي بديرة ثانيه.وجلست أبكي وبعدها يومين مانكلم بعض ثم راضني وقال اسف بس، وقبلت أسفه.

بيوم من الأيام كنا جالسين بغرفة النوم ونسولف واخذتنا السوالف وتطرقت لشروطي بعقد الزواج وقلت أنا شرطت راتبي لي.
فجأة قال أنا ماتمسكني شروط شوفي إذا ماجبتي بطاقة صرافتك الحين بيدي
مالك قعده عندي وجهزي نفسك ع الصبح اوديك لأهلك وسبني وشتمني بالعبارات اللي قلتها بالأول !وطلع للصاله.
هذا الكلام بعد شهرين من زواجي.*
جلست اجمع اغراضي بشنطتي؟؟ ومحتارة ؟؟ بعد شهرين اترك بيتي والله فضيحه؟
رتبت شنطتي بعدها رجع زوجي وشاف شنطتي نام .. جيت وقلت يالله ودني لأهلي بعدها سكت وقال الصبح يصير خير. ثم قال أنا أحبك وجلس يسولف ولا اعتذر اعتذار صريح.
لميت الموضوع وسكت ومشت الحياة.
وبعد اسبوعين ثلاثه وبيوم من الأيام خلصت مقاضي البيت. قال تعالي نروح نتقضى. رحنا وعبينا سله مليانه.
قال لي بضحك أعملي حسابك إنتي بنحاسبين على السله؟ قلت ماعندي شي.
رجع قال انتي حاسبي عليها انا ماعندي
وحاسبت كسر خاطري. بعدين رحت للسياره من دخل باب السيارة قال لي ياحيوانه ياتافهه عندك فلوس وتقولين ماعندي أنتي منحطه وحقيره وسافله.
قلت له وش فيك هذا وانا عاطيتك ومحاسبه تقول كذا؟
قال والله راح أخذ بطاقة صرافتك ولاتشوفينها.

نزلت لشقتي وجلست ابكي وقررت اطلع من البيت بس فكرت بدوامي وابوي رجل كبير بالسن ومريض ( امي متوفيه )..
قلت ابي اسكت اليوم يمكن يجي يعتذر لي. والصبح داومت وكنت طالبه من وحده من المعلمات تجيب لي التحليل المنزلي للحمل ،، وطلعت حامل ... تعرفون متزاعله معه ولا قلت له اني حامل.
مر يومين لقيت وضع زوجي يسوء ولا مفكر يعتذر بالعكس مطنش ونفسه شينه ويتأخر بالأستراحه..وللعلم انا اللي من حقي ازعل ولاّ هو ماله حق. حسيت هالمرهزايد بوضعه وتعامله الشين!
واليوم الثاني الصبح كلمت خواتي لأني حسيت إن الأمور معه ماراح تعدي ؟ قلت لهن أنا مفكرة اطلع من البيت وقلت لهن المشكله.*
قالن لا لاتطلعين.. انتي لك يومين من مشكلتك عنده. انتظري اكيد بيتمادى ويغلط مره ثانيه لأن مافيه أمل وبكذا اطلعي من البيت.*

رجعت من الدوام الظهر وكنت تعبانه ظهري يعورني ونفسيتي تعبانه. وصلت البيت وهو جالس بالصاله. دخلت غرفتي ونمت بعد دقيقه جا وقال وين الغداء ؟جاني على السرير وشد شعرني وضربني ضرب الحاقد اللي مايخاف ربه.*

أخذت أغراضي وكلمت ابوي وجا من ديرتنا ورحت معه وجلست في بيتنا. عندنا بيت بديرة زوجي تعرفون اداوم مقدر اترك وظيفتي.
بعد ماطلعت ثاني يوم اتصلت اخته بس تبي تعرف انا حامل او لا .. لأنه كان شاك. وقلت لها أنا حامل.
ومضى شهر ماسأل ولا تكلم وبعد الشهر جا وجايب رجل معه يقرب له. وقابل ابوي.
المهم كل كلامه ونبرات صوته مافيها اعتذار بالعكس يقول ماصار شي والرجل اللي معه يدافع عنه ويقول وش فيها اذا انضربت المرأة عادي ووش فيها لو اخذ راتبها عادي زوجها ومن حقه؟؟

أبوي بعد ماسمع ذا الكلام ماعجبه وقال البنت مو راجعه.

بعدها جا زوجي ويكلم ابوي بهدؤ ماقال أنا غلطت ؟ اعتذر اعتذار مبطن مو مباشر.

قال لي ابوي وش رايك ترجعين ؟ ورفضت ارجع بسبب اسلوبه تخيلو جوالي معي ولا فكر يقول أسف او على الأقل حصل خير ؟
راحو .. وبعد شهر ارسل رجال يرضون وبنفس الوقت يهددون اذا مارجعت ممكن يروح للمحكمه ( طبعا ماقالوها نصاً بس هذا كان كان مفهوم من كلامهم )

تخيلوا تركني شهر وحاول يرضيني بس بالأسم ؟؟ لا كلمني ولا ارسل مسج لي ؟ وعلى طول قام يهدد كنّه ماصدق؟
بعدها جا وطلعت عليه ،،؟ تخيلو قلت برجع معك بس شروطي راتبي لي ولا تمنعنيمن أهلي.رفض يستجيب للشروط وطول صوته وقام يحاجج انا ظروفي الماديه صعبه واهلك مامنعك نشوف بعدين؟

بالله هذا اسلوب واحد يرضي؟؟ طابت نفسي قام قال ابوي حنا الحين بنسافر لديرتنا يقصد الإجازة الصيفيه هذي وبعدها بأذن الله بترجع البنت.
قال ابيها ترجع الحين.
سافرت أنا وأبوي.

بعدها اتصلت المحكمه علينا بخصوص قضيه رافعها علي ؟
وبعد العطله بروح للمحكمه وقراري الوحيد " أبي أخلعه وارجع له المهر "
لأن أفعاله لا تمت للعقل والأخلاق بشي.

>>>>> ردود الأعضـــــــــــــــــــاء على الموضوع <<<<<
==================================


يالله بجد شي محزن
الله يصبرك وصلي وادعي ماتعرفي ربي فين كاتب لك الخير
الله يوفقك يارب
لا وفوق هذا حامل صدقيني راح بعدين يعذبك وياخذ الولد منك الله يعينك بس


__________________________________________________ __________

الله يكون بعونك ويصبرك يا اختي الله يكتبلج اللي في الخير ويسهل امورك يارب


__________________________________________________ __________

الله يكون بعونك ويصبرك حبيبتى
موفقة يارب وربنا يعوضك خير


__________________________________________________ __________

اختي مع احترامي لك بس زوجك من احقر الشخصيات الي ممكن تمر علي الواحد

وواضح انه طمعان في فلوسك ووراتبك وماهمه لاولده ولايحزنون

حتي انتي واضح مايحبك وجالس يجاملك عشان الفلوس

شلون رجال طول بعرض وترضاها علي نفسك زوجتك تشتري اغراض البيت

بعد مو برضاها بالغصب اختي الحقي عمرك واخلعي نفسك منه بس


__________________________________________________ __________

الله يفرج همك والقرار الاول والاخير يعود لك
انت لي حالتك حالة مهما حسينا فيك ماراح نعيش المواقف لي مريتي بها
الله يكون بعونك انصحك اجلسي مع ابوك واهلك وان شاءالله بتوصلون لحل
حتي لوكان طلاقك يمكن هو خيرة لك استغفرالله العظيم