عنوان الموضوع : فضفضه مخنوقه -تم الاجابة
مقدم من طرف منتديات نساء الجزائر

فضفضه مخنوقه



اولا السلام عليكم ورحمه الله وبركاته

وينعادعليكم رمضان

بدخل طوالي سبحان الله يابنات كنت متفائله بالحييل اني راح انخطب بالصيفيه

ولسى عندي امل ربي مايخيب ظني ومتفائله اني راح انخطب قبل العيد والى الان ماكتب لي نصيب ولاتقدم لي احد بحياتي

لكن المشكله احاول ماخلي الزواج يشغل بالي بس عندي اهل الله يسامحهم حسسوني اني اقبح انسانه ع الوجود صح انا جمالي بسيط ويارب لك الحمد وسمراء لكن مايمنع الزواج


وكل ماتتريقوا عليه اني عنست ومحد تقدم لي قلت لهم بتشوفون قريب ماتنتهي هالسنه الا انا ببيت زوجي وانقهر لاسمعت من سنين نسمع هالكلام ماشفنا احد

كانهم غاسلين يدهم مني ودايم يقولون لو جاك واحد وافقي طوالي وانا اتنرفز ليش اشفيني

الحمد لله يارب خلقتي كامله مثل غيري ليش هالتحطيم وابين لهم اني مستحيل اوافق ع اي احد لازم انسان محترم واخلاق وراتبه محترم وابين انه ماهمني وواثقه من نفسي وانا من جوا مهزوزه حييل

ويقولون والله ع كذا ماراح تتزوجين وييني وبينكم انا كذابه بس عشان اقهرهم واسكتهم

ولاتلوموني ليش افكر بالزواج اولا انا تعبانه وابتلاني الله بامراض بالرحم والدكاتره مايقدرون يسوون اي شي لي وانا بنت

ولي سنين ع العلاج وسبحان الله لما اروح المستشفى قابلت اكثر من حرمه قالوا لي مرت عليهم حالات مثل حالتي وتزوجوا والحمد لله خفت حالتهم وحتى الدكاتره قالوا ان العلاج الزواج والحمل عشان تخف حالتي

وانا كنت يائسه حييل لكن لما سمعت هالشي زاد املي بربي

وعشان كذا ابي اتزوج رغم اني مو صغيره بانصف العشرين

وعارفه هالشي بفضل ربي سبحانه ومتى ماكتب لي بيجي نصيبي

لكن نفسيتي تتعب حييل مع اهلي واحد من اخواني متزوج دق ع اخوي يقول متى ببتزوج هذي وكلام ماينقال كانه يعايرني واكثر من مره يدقني بالكلام ويقول لامي اني بنشب بحلق اهلي وبعنس والله العالم اكيد يتكلم فيني عند زوجته
وانا مرره متضايقه منه تدرون ليش مو عشان سواد عيوني يبيني اطلع من البيت
ويستولي عليه وانا مرره منقهره منه طول عمره مايعرفنا ولايدق ولايسال واحنا اللي سوينا البيت مع ابوي وش اقولكم انا صح مو موظفه لكن كنت اجمع من مبلغ الجامعه وحرمت نفسي من اشياء كثيره من اللبس وكل شي عشان اسوي بيتنا والحين يبي يقلعني من بيتنا
وياخذه بارده مبرده وحتى انصدمت من اختي الكبيره تقول لاخوي ياليتها تزوجت من زمان روح اسحب لها عرسان تقصدني تدرون ياخوات اني احب اختي واغليها وكلمتها صدمتني
طبعا هم اخواني غير الاشقاء وصدمتي فيهم قويه هذا جزاء اني اخدمهم وانظف لهم ولعيالهم واهديهم يتكلمون علي ويتشمتون فيني لايكون قاعده ع قلبهم ولاببيوتهم

يوم الجمعه كنت بادعي ع اخوي ان الله يجعل بنته تعنس ويحرق قلبه مثل ماحرق قلبي لانه دايم يجيب هالسالفه وكاني عجوز بس تراجعت لاني عارفه الله سبحانه ينصر عبده وكما تدين تدان مايحتاج ادعي

تدرون اني اتمنى اتزوج انسان له سمعه ومكانه عشان اكسر عيونهم بس انتوا ماتعرفون اشلون طايحه من عينهم انا صح انا مو حلوه مثل خواتي لكن كل شي عند ربي مكتوب ليش التشمت مايعرفون ان الكلمه الطيبه صدقه وان المتشمت بترجع فيه

اعذروني يمكن موضوعي مخربط بس مره مقهوره

>>>>> ردود الأعضـــــــــــــــــــاء على الموضوع <<<<<
==================================


ياهلا والله يسعدني اكون اول وحدة ترد عليك شوفي يالغلا انتي تقولي انك بنص العشرين يعني مو هالكبر انا اعرف بنات واصلين للثلاثين والاربعين وربي ماكتب لهم وفي بنات تزوجوا صغار وتطلقوا هذا كله بيد الله سبحانة وتعالى فلا تزعلي نفسك ادعي ان الله يرزقك بابن الحلال اللي يصونك ومن لجأ لله مايرده خايب وبعدين يمكن خيرا من الله وخلي ثقتك بنفسك كبيرة من الداخل والخارج وبعدين اشغلي نفسك بشيء مفيد وصيري احسن منهم وخلهم هم يتفاجأوا بيكي هالشيء بيدك تحت "اسعى ياعبدي وانا اسعى معاك "
اما موضوع الزواج في علم الغيب ولا يعلم الغيب الا الله تعالى الله يرزقك باللي تتمنيه ولا تنسي هذا اختبار من رب العباد


__________________________________________________ __________

سبحان الله استغرب من تصرف اخوك وكآنك انتِ الي بتمنعي نصيبك من الزواج هذا قدر ونصيب أمر رب العالمين ليش يدخلونك فيه يقولون هذه متى تتزوج

عجبني تفاؤلك كوني دائما بهذا التفائل ( تفائلوا بالخير تجدوه ) واحسني الظن بالله

لآن الله يقول في حديثه القدسي آنا عند ظن عبدي بي )

ويااختي المسئلة مو جمال او قبح بقدر ماتكون نصيب

اسئل المولى الكريم ان يفرج همي وهمك يارحيم ياكريم


__________________________________________________ __________

اختي ,, ماشاء الله عليكي بيكفي طيبة قلبك وايمانك بالله ,, وربنا ان شاء الله ما رح يخيب ظنك ,, وان شاء الله بتفرحيناا عن قريب انك انخطبتي ,,, واحلى شي بكلامك انو بين انك انسانه راقيه حنونه وطيووبه وما رديتي الاسااائه ,,, اهم شي انت ضلي ادعي ربنا مع يقين الاجااابه واكثري من الاستغفار والصدقه ,,, وخليكي اجتماعيه وتواصلي مع الناس اطلعي اشتغلي ما تحبسي حالك بالبيت ,, ورنا يوفقك بابن الحلال يلي يهنيكي ويسعدك


__________________________________________________ __________

وعليكم السلام ورحمة الله وبركته اختي الغاليه حتئ انا مأبغئ الئ مطوع يعرف الدين صح بس مافكر اتزوج الحين الصبر اهم شئ تفائلي واخونكي مايخفون الله اسفه بس قهر بس انتي اختي قويه والله معكي اللهم ارزقها من حيث لاتعلم اللهم انصرها علئ من يضره اللهم صبرها اللهم فرج كربتها اللهم احفظها من كل سوء اللهم اشفها شفاء لايغدر بعده سقما اللهم امين وصلئ الله وسلم علئ اشرف الخلق محمد صلئ الله عليه وسلم
في امان الله إختي الغاليه


__________________________________________________ __________

الله يرزقك الزوج الصالح في هذاالشهر الفضيل ياااارب العالمين