عنوان الموضوع : زوجي .. ومشكلتي معاه كبيره -تم الاجابة
مقدم من طرف منتديات نساء الجزائر

زوجي .. ومشكلتي معاه كبيره



ماني عارفه من وين ابدأ الموضوع
والله تعبت مره من زوجي اول شي صلاته ما يصلي لين ازن عليه واشرطه عن الصلاه موجوده وتارك الصلاه والعذاب والقبر وكل شي والله مدري وش اسوي كل ما اقوله صلي يقوم كأنه مغصوب وكمل الناقص الحين مدري كيف صيام بدون صلاه قلتله دام ماتصلي وشله تصوم ماله داعي صيامك بدون صلاه واذا قومته الفجر يسكتني طيب طيب
واكثر شي يطنشني وينام ولا يسوي نفسه ما يسمع
ولدي الله يحميه ويوفقه يااارب ويجعله امام مسجد يااارب يحقق لي الامنيه ذي والله تعب مع ابوه تخيلو عمره 10 سنين يصحيه بنفسه بابا هيا المسجد نروح نصلي احيانا يستحي ويروح معاه مره وحده وبعدين يطنشه والله مليت ولدي كل الصلوات ماشاءالله تبارك الله
يصليها في المسجد واذا كان نايم وراحت عليه الصلاه يصلي في البيت ويقول ليش
ماصحيتيني والله اصحيه بس ما يقوم نومه ثقيل اذا كان سهران وقالي ماما ليش بابا ما يصلي زينا والله ماعرفت وش اقول غير الله يهديه ويصلحه ماعلينا من ولدي علي
من زوجي غير كذا نظاافه الشخصيه مررره عدم والله اني اكره اجلس جنبه مره جا من برا وتعرفون مع الحر كيف الواحد يتقرف من نفسه والمفروض ياخذ شاور لا هو جا على طول جلس قلتها متضايقه من الريحه ياخي روح خذلك شاور ريحتك قرفتني من جد والله ماقدرت اتحمل والله تقولون يمكن جرحتيه بالكلمه والله دايم اجيبها بإسلوب بس مافي فايده والله كل شي متوفر عطورات و مزيلات عرق لوشن معطرات جسم ودهن عود وانا اشتريها
بنفسي اقوله وش رايك في الريحه اشتريتها لك تعجبه بس نادره يحط منها
والله مره مليت منه والله ماكان كذا مدري وشفيه من جد تعبت معاااه خصوصا الصلاه ولا هو
مره طيب وحبوب بس والله مامنها فايده دام مافي طاعه لله تكفووون يالاداره نزلو الموضووع اعطوني حل وادعووووله والله هو مهو صغير تكفووون يا مشرفات نزلوا الموضوع بسرعه

>>>>> ردود الأعضـــــــــــــــــــاء على الموضوع <<<<<
==================================


ايه الله يعين بس


__________________________________________________ __________

الله يهديه ويهدي كل ازواجنا

مالنا الا ندعي لهم ربي اقدر منا


__________________________________________________ __________

اهم شي الصلاة ياقلبي انصحيه مايتركها لاتيأسين لحد مايهديه رب العالمين


__________________________________________________ __________

الله يهديه حاولي انك تذكرينه بالله


__________________________________________________ __________

الله يهديه وانتي ادعيله بقيام الليل ..