عنوان الموضوع : بيتي ينخرب ارجوكم النصيحة والدعاء مجابة
مقدم من طرف منتديات نساء الجزائر

بيتي ينخرب ارجوكم النصيحة والدعاء



السلام عليكم ورحمة الله اخواتي رغم ان فترة زواجي قصيرة الا انها قصة طويلة الخصها ان زوجي بدو يتزوج علي و بدا يحكي بالموضوع بعد 3 اشهر من الزواج اهلو كلهم معارضين وهو ما يغضب ابويه بس يضل يشوف ويسال عن عروس ويروح يخطبها وياخذ رقمها ويصير يحاكيها لما يكتشفو اهلو يخربو علي قبل خطب وحدة وضل شهر ونص يحاكيها وما كنت اعرف سبب زواجو قلت لاهلو اسالو اذا ما بدو اياني انا ما عندي مشكلة نترك بعض رفضو بشكل وتخانقو معو لما يعرفو بخطبتو حكو مع اهلها وخربو الزواج وتخانق مع اهلو بس خبرني عن سبب زواجو ان بدو يجاكر بوالدي ولما حس ان زواجو دمرني قال شو بدك قلت ما تتزوج قال ما بقدر( بدات عيونو تدمع وراسو يتالم) بعدها قال احبك وما اقدر ابعد عنك وكنت اموت بالسفر بس ما عدت اقدر افارقك واذا ما بدك هاي البنت انا رح اتركها بس بدي انتي تخطبيلي وعلى زوقك قلتله بدي تستنى لحتى احمل وبعدها ماحدا يقدر يجبرني على الطلاق( بس انا كان بدي ما اتركلو سبب لزواج لان مخبر العروس ان انا ما بجيب اولاد )وبعدها اجوا اهلو وتخانق معاهم وخيرهم اما اتزوج او اني اترك البلد ما ارجع ظب الشنتة وسافر بعدها اتصل فيني قال كلمي ابوي اذا يخليني اتزوج برجع واتصل في عمي وقلو طول مو انا عايش مافي زواج ورجع وصالحني وصارت حياتنا احلى وصار يجيب الهدايا ويعبر عن حبو وغرامو فيني وتعالجنا وصرت حامل بعد ما خبرتو الخبر السار قال مو قلتي بس احمل بخطبلك وبلش هو يدور عروس هلق لاقى عروس وقال بدي اخذها مطلقة وبشعة لحتى تكوني انتي الاحلى بدي تكوني شريكتى وصديقتي وتقفي ورا ضهري وتسنديني باخذها بشعة لحتى ما تغاري قلت تسكن لوحدا وما شوفها قال لا ما بقدر ابعد عنك معك وصدمني الصدمة وبعد ما تصاح مع ابي قال لقيت مطلقة وبشعة ومعلمة انابدي رواتب بدي وحدة لحتى تسدد الديون الي علينا وبدنا نعيش عيشة رفاهية ملاحظة هو ترك دراستو وصار يشتغل معي بمجال عملي الخاص اللي عمي انشاو اللي لحتى ما اشتغل عند رجال غريب ولحتى ساعد جوزي اللي حاليا رافض يشتغل وان يكون الو شغل خاص ودايما اخجل علي من كلام الناس مع ان كتير فهيم بس ليش هيك صارت افكارو ما بعرف اسفة طولت عليكن بس من قهري دايما ابكي رغم ان عمي وعدني ان اذا اجت العروس للبيت رح يرجعها وفعلا هلق عم يحاولو يخربوها بس من غير ما يحس عليهم بس انا هلق مو عارفة شو قرر مادام فضل المادة على مشاعري بفكر اني اتطلق بس بحبو وبحس ان في شي مو طبيعي ليتصرف هيك وهو على فكرة دايما بيحاكي بنات بس ما بقصر من حقوقي ما يضرب ولا يشتم وما نو بخيل غيور علي وبدافع عني بسسسسسسسسسسس بدو يتزوج

>>>>> ردود الأعضـــــــــــــــــــاء على الموضوع <<<<<
==================================


الله يسعددك ويوافقكك


__________________________________________________ __________

استغفر الله العظيم !! حياتك مو طبيعيه كلهــآآ !!
استخيري كثير !
كيف ترضى انه يكلم بنات بس المهم يغار ويدافع ؟
مدري ايش اقولك
اذا تزوج وخلاص الله يعنيك بنفتح عليكي بارب مارح ييتسكر !


__________________________________________________ __________

ليش تحملي منو وهو بدو يتزوج وبدور على عروس كان طلبتي الطلاق وخلصتي منو والله برزقك باحسن ان شالله

هو غريب بس انتي اغرب ليش راضية بتصرفاتو !!!!!!!!


__________________________________________________ __________

شوفي يا اختي انتي تقدري تحسمي الامر اذا انتي ترضين بالتعدد وتقدري مرا اخرى تشاركك بزوجك طيب خليه يتزوج عادي بس يعدل بينكم وكفى
واذا انتي مو قادرة على التعدد وما تقدري زوجك يتزوج عليك احسمي الامر قلو اذا تتزوج انا اطلق واذا حاببني وما حابب اننا نطلقو ماتتزوج وبسسسسسسسسسس يعني كل شي بيدكي
وماتنسي انو الله حللو 4 نسوان يقدر يتزوج
انا عن وجهة نضري اقبل التعدد مع انو اكيد الغيرة فيها فيها لكن هذا حقه الشرعي والرجال اذا دخل الزواج براسو ماينساه ابداااا ويتزوج يتزوج
والله يوفقك والله المستعان
اما عن مسالة البنات انو يحاكيهم هذا شي انتي الي سمحتيلو اول مرة لو انتي ماسمحتيلو وحسمتي الامر معو وكنتي تصرفتي معو من اول مرة جيدا ووقفتيه عند حدو لما حاكى البنات
المهم نبهييه وحذريه انو مايعيد يتكلم مع بنات وانو هذا شي حرام وانوعلى الاقل يحترمك ويحترم مشاعرك فكيف انتي زوجتو وهو يكلم بنات يعني انتي مو مكفياتو
وكمان اساليه انت ليش بدك تتزوج اذا عن الاولاد انتي حملتي واذا امر شخصي فانتي تقدري تعرفي صح هو ليش بدو يتزوج؟؟؟؟؟؟؟
انا مافهمت
والله يعينك وعليك بالدعاء والاستغفار والدعاء في قيام الليل فنحن في رمضان والله يستجيب دعوة الداعي اذا دعاه واكثري من الاستغفار اكثي
وانتي تشتغلي وانتي جالسة وانتي نايمة وووو استغفري كثيرا
واذا في جديد طمنينا ولازم تكوني جدية في كلامك وحااااسمة
ونصيحتي لك خلي فكرة الطلاق بعيدة عن ذهنك لا تفكري فيها بس خوفيه حتى مايكررها ويخونك اوكى
امااني انصحك بالطلاق فهذا لا ارضاه لكي ولا لغيرك فلا انصحك به ابداااا هو يحبك وانتي تحبيه ليش تطلقي من عندو


__________________________________________________ __________

الله يهديه مو عارفه ليش تسكتي على موضوع زواجه حتى ليش تناقشيه بهيك موضوع وكمان بدو يتزوج لسبب حقير جدا "اسفه على التعبير " يعني بس علشان المصاري حراااااااااااام يستغل وحده بس علشان مرتبها وليش يتزوج وانتي مو مقصره معه !!!
اقراءي سورة البقره في بيتك وان شالله تنحل امورك واكثري من الاستغفار