عنوان الموضوع : يخون زوجته و يستغل البنات لراحته حسبي الله عليه .. مجابة
مقدم من طرف منتديات نساء الجزائر

يخون زوجته و يستغل البنات لراحته حسبي الله عليه ..



السلام عليكم ..

بدخل في المشكله على طوول و ابغى نصائحكم ..

أنا كنت مرتبطه بـ شاب عرفته في أحد المنتديات < بس تركته والحمد لله و اسأل الله الثبات وان ينزع محبته من قلبي وفكري وعقلي .
عرف يلعب بعقلي وفهمني انه شاب غير متزوج < ما راح ادخل في تفاصيل العلاقة لأني
تركته وابي انساه وانسى اللي خلفوه و انا تركته لوجه الله و لزوجته اللي معذبها ولاهي
عنها .
انا قطعت تواصلي معه نهائياً ولله الحمد و غيرت حساب واسم في المنتدى اللي كنت فيه ولاحظت انه لا زال يلعب بذيله ويحاول يتقرب من بعض البنات و زوجته يا غافلين لكم الله !
وانا خايفه والله
على بنات الناس لا يصير لهم مثل ما صار لي و يخليهم يتعلقون فيه النذل الواطي لأنه فنان في الكلام و يعرف كيف يجذب ويلفت الإنتباه بأسلوبه الراقي < تحت السواهي دوااااااااااهي .


لا تقولوا ارسل مسجات للبنات لأني ما اضمن . لو اي وحده عطته خبر بيدري اني ورا السالفه وانا اخاف على نفسي وسمعتي ومابي انضر .

احياناً افكر ارسل لزوجته لأني تتواجد بنفس الموقع افكر انبهها عن سوالف زوجها
بس اخاف تصير مشكله توصل للطلاق لا سمح الله .


شنو شوركم ؟؟؟ اطنش واخليه يلعب بذيله ويستغل البنات لراحته ؟؟؟ ولا ..؟؟؟؟



حسبي الله ونعم الوكيل عليك وعلى كل خاين مثلك .....

>>>>> ردود الأعضـــــــــــــــــــاء على الموضوع <<<<<
==================================


انا لومكانك بحذرها وبفهمها انه
اذا استعجلت بأتخاذ اي قرار بتكون هي الندمانة
ورح تخسر زوجها وبيتها ويمكن يكون عنده اطفال
واذا ممكن اتخليها تستفيد من مواضيع وخبرة الدكتورة
ناعمة الهاشمي في التعامل مع الزوج الخائن
لتسترد زوجها وكرامتها وفهميها انه الزوج
انسان ضعيف ومسكين وازا شاف اي لعبة بينبسط فيها
متل الاطفال وبعد فترة بيمل وبيرجع لموطنه الاصلي
وهو زوجته طبعا واذا استعجلت وطلبت الطلاق رح تندم
وممكن تراجع نفسها ويكون عندها نقاط سلبية وتكسبي فيها اجر
وتلحق حالها ...........


__________________________________________________ __________

معقوله زوجته ماتحس بخيانه زوجها الها!!! اكيد عارفه ومطنشه وانصخك انك تطنشي لان ماحد بصدقك مالك خص فيهم انصحك تتركي النوقع


__________________________________________________ __________

اصلا انتي ليش مشاركة في منتدى مختلط اتركي المنتدى وانجي بنفسك الواحد ماياتمن عدينو


__________________________________________________ __________

حسبنا الله ونعم الوكيل فيه


__________________________________________________ __________

انقذي البنات يااا اختتتتي والله حرااااام

مااابا يصييير لهم مثل اللي صاااار لي وبعدين يندمووون

حسبي الله ونعم الوكيل ع هاي الأأشكــــال

خبرري زوووجتهـ وخبرري البنااات وخلييهم يعرفوون من اهي زوجتهـ عشاان يصدقوووون و مااحد بيعررف

أنج وراا هالموضووع

بس دخيلج انقذي البناات منهـ حرااام