عنوان الموضوع : اثر عملية جراحية -تم الاجابة
مقدم من طرف منتديات نساء الجزائر

اثر عملية جراحية



السلام عليكم
باختصار يا بنات انا سويت عملية جراحية لاستئصال المرارة قبل 6 سنوات و الآن عمري 25 سنة
و لسة أثر العملية ظاهر ببطني
و المشكلة إني انخطبت قبل شهرين عقبالكم كلكم يا رب ،، و خطيبي بركز على الشكل كتير
يعني ما عندي جرأة احكيلو اني عملت عملية مرارة لأني متأكدة إنو رح يحكيلي فرجيني محلها و يمكن يعصب و يقلي ليش ما حكيتيلي من زمان و بخاف تأثر على علاقتنا هاي الشغلة
و الله سببلي هاد الموضوع عقدة نفسية
المهم صبايا الله يخليكم تحكولي إذا وحدة منكم سوت تجميل لأثر أي عملية تحكيلي تجربتها أو إذا ممكن تحكولي عن الطرق الأكثر أمان لإزالتها و عن أسماء أطباء مشهورين بهذا المجال من الأردن و الله يوفقكم بكل مجالات حياتكم و يفرجها عليكم يا رب

>>>>> ردود الأعضـــــــــــــــــــاء على الموضوع <<<<<
==================================


مبروووووك ع الخطبة تانيا نشالله الاخوات يفيدوكي انا ماعندي اي فكرة بس ماحبيت ادخل و ئطلع من غير مارد عليكي


__________________________________________________ __________

حبيبتي اذا انت بالاردن فموضوعك سهل بس ممكن يكلفك مبلغ من المال يعني متل عمليات الليزر وعمليات التجميل منتشره ومعروفه وكتير ناس عملتها وكمان ما بتخوف .
وجهة نظري انه احكيلي لخطيبك عن العمليه وانه مكانها معلم واذا بحبك ومتعلق فيكي المفروض ما يدقق كتير على الموضوع لان مافي بني ادم كامل الكمال لله تعالى .. وكمان ممكن انتي محمله الموضوع زيادة يعني ممكن خطيبك مايهمه وعادي فالافضل انك تخبريه وعلى كلا الجهتين هو راح يعرف هلأ ولا بعدين فخبريه هلأ احسنلك . ومبرووووك والله يتمملك على خير


__________________________________________________ __________

المشاركة الأصلية كتبت بواسطة tine قلب pals
حبيبتي اذا انت بالاردن فموضوعك سهل بس ممكن يكلفك مبلغ من المال يعني متل عمليات الليزر وعمليات التجميل منتشره ومعروفه وكتير ناس عملتها وكمان ما بتخوف .
وجهة نظري انه احكيلي لخطيبك عن العمليه وانه مكانها معلم واذا بحبك ومتعلق فيكي المفروض ما يدقق كتير على الموضوع لان مافي بني ادم كامل الكمال لله تعالى .. وكمان ممكن انتي محمله الموضوع زيادة يعني ممكن خطيبك مايهمه وعادي فالافضل انك تخبريه وعلى كلا الجهتين هو راح يعرف هلأ ولا بعدين فخبريه هلأ احسنلك . ومبرووووك والله يتمملك على خير

يسلمو حبيبتي عالرد بس أوكي أنا بعرف انو الموضوع سهل و الأردن متقدم طبياً بس أنا ما بعرف وين فيه مراكز متخصصة و مجربة أو دكاترة شاطرين بهاد الخصوص و ما بدي أسأل لأني ما بدي حدا يعرف
و من ناحية التدقيق فخطيبي كتير بدقق عالشكل بصراحة و لو ما كان بدقق ما كنت فكرت أعمل العملية أصلاً
هوي أكيد رح يعرف عاجلاً أم آجلاً و أنا بدي بأقرب وقت أحكيلو مشان لو فرضاً سألني إذا إلها أثر أحكيلو لأ و أكون صادقة فيما لو طلب مني يشوفها مثلاً.. و لأنو مكانها واضح كتير
فـ سؤالي لو بدي أفصلو أكتر : شو أفضل طريقة لإزالة أثر عملية جراحية و أسماء أطباء مجربين بهاد المجال في الأردن ..
و الله يجزي اللي بتساعدني الجنة


__________________________________________________ __________

سبحان الله و بحمده .. سبحان الله العظيم ..


__________________________________________________ __________

ليش هيك ما حدا عم برد علي ؟