عنوان الموضوع : صدمتي في اختي الكبيره....!!! -لصحتك
مقدم من طرف منتديات نساء الجزائر

صدمتي في اختي الكبيره....!!!



... السلام عليكم ورحمة الله وبركاته ...


اخواتي اتمنى تساعدووني بمشكلتي >>انا فتاةعمري 20 سنه اناا اصغر اخواتي واختي الكبيره عمرها 38 سنه متزوجه وعندها عيال الله يهديهم ويحفظهم وهيا الزوجه الاولى وزوجها يوم عندها ويوم عند الثانيه وماشاء الله عليهاا محافظه على قيام الليل لانو زوجها بصراحه ظلمها بزواجته وانصدمت بسس الحممدلله ربي قواها وانا اعتبرها مثال للصبر ووربي عوضها بقد صبرهاا وبما انها هيا الكبيره اعتبرها امي الثانيه اناا اخد رايها بكل شي واي مشكله تصير لاازم اعرف وجهت نظرها بسسس يااخواتي اناا انصدممت في اختي ...........!!!

بجد اناا خجلانه وموعارفه من ووين ابدا ...؟؟

اختي يابنات عندها بلاك بيري واناا اسستخدمه معاها لاني اضفت صديقاتي عندها وبماانو ماعندي بلاك دااايما امسك جوالها وهيا ماكان عندها اي مشكله في كداا بسس في يوم من الايام ووحده من صديقاتها غيرت البلاك حقها وباعت جوالها وواختي ماحذت البن القديم حق صديقتها واللي اخذه رجال المهم من كثر ماانا واختي نصارح بعض قالت لي شووفي هذا رجال وشوفي كلامه غريب ابغا احذفه علميني كيف احذف وعلمتها وعلى اساس تحذفه ومررت ايام ومسكت جوالها ولقيت لسسه الرجال مضاف عندها ولقيت محادثه منه وواضح من كلامه انو اختي اعطتته ووجه طبعاا شوويه انصدمت وقلت خليني اسالها ليه ماحذفتيه سالتها قااالت لاا لاا هذاك حذفته>> بسس انا عارفه انه نفسه لانو نفس البن بسس الاسم اتغيرووقتها زعلت منها وماقدرت اجادلها اكثر من كدا......
ليييييييييييييه اختي كذبت عليه...?? اناا متاكده انوونفس الرجال والله نفس الاسلوب ونفسس البن ونفسس انوواع الروابط اللي يرسلها>>مررره مقهوره منها ومووقادره اصارح احد حتى اخواتي البقيه خفت تلقى كلام منهم يجرحها ومهما كان هيا الكبيره >>لانو عارفه رح يصدقوني لانو يعرفوني مااكذب واي شي مايعجبني اقووله بسس ذي المره غير مووقادره قلبي
مقبووض وخاايفه ... قلت ماارح اقدر اتكلم بسس بجلس ادعي لها انوو ربي يصرفها عنه ويصرفه عنها...
وكل مرره امسك جوالها القى كلاام بااااايخ انقهر واحااول مااصدق اللي تشوفه عيني واحاول ارجع طبيعيه لاني بجد مووعارفه اقولهاا ليه تسسوي كدا ؟؟ ولااقادره اكلم احد خاايفه تطيح من عينهم زي ماطاحت من عيني
بس كانت الصدمه الكبيره لياا انها ترسل له صورهاا وتقووله هدا واناا حامل وكلاام غبي تقووله حبيبي ويقولها حبيبتي ويقولها صحيتي ولاا لسسه وهياا نفسس الشي ويرسل لها روابط افلام هنديه وافلام سكسيه ووربي يابنات جلسست ارجف ووكان نفسسي اخذ الجوال واحطه في المغسله وافتح المويه عليه عشان يخرب وماتقدر تووصل للرجال واقوول انو عيالها الصغار اللي غسلو الجوال بالمويه >>بسس قلت حرااام كداا رح اكدب وحااولت امسسك نفسسي ومن وقتها مووقادره احط عيني بعينها احسس اني كارهه اختي ويديني مربطه يااربي موومصدقه هدي اختي اللي تخاف ربها وتصوم وتقووم الليل وتصلي بجدد موومستوعبه....؟؟؟
>> واناا دحين عندها في بيتها قلت بساعدها في عيالها عشان قربت اختباراتها في الجامعه وهيا تقفل الغرفه بحجة المذاكره واناا متاكده تكلمه واتاكدت اكثرر لم دحين خرجت عشان تصحي عيالهاا للمدرسه ووجها اثار المكياج وشعرها مفتووح وكمان زووجها موعندها في البيت عند زوجته الثانيه>>لم شوفتها خجلت وقلت ياترى اش كانت تسسوي ......؟؟؟؟
اساله كثيرشوشتني قلت ماالي غير ادخل واسال صديقاتي واخواتي في المنتدى وان شاء الله يعطووني الحل باذن الله

>> بنات اناا قلبي يعورني واحسس اني مجروحه ومووعارفه اش اسسوي سااعدووني يابنات ابغاا رايكم انتوو كبار وتعرفون الصح منن الغلط ابغى حل للمشكله بدون مااجرحها ولااتعرف انو اناا اختها الصغيركشفتها>>>بنات تكفوووووووون لااتبخلون عليه برايكم>> بلييييييييييييز بدون تجريح مهما كان هدي اختي وماارضى عليها

>>>>> ردود الأعضـــــــــــــــــــاء على الموضوع <<<<<
==================================


حبيبتي اذا الشغله مرتبطه فقط بالبن والزفت بيري بسيطه ارميه بالزباله من غير ماتحس فيج وخليها تظن انه ضاع..بس خوفج لاتكون الشغله تطورت اكثر من كونه بن بالذات اختج تمر بحاله نفسيه وواضح عليها تعاني من فراغ ولا احد فيكم قادر يحتوي اللي فيها او يوقف جنبها مثل ماهي محتاجه فعلا..اختي انا ما ألومها مسكينه عانت ظلم وظيم بسبب زوجها الاناني..اللي ماخاف ربه في أمانة الناس حطوها برقبته يحصنها ويحميها ويحافظ عليها،،الظاهر مو بس زوجها ظلمها حتى انتوا شفتوها محتسبه وصابره ومصليه صايمه قلتوا بس قدرت تسيطر على مشاكلها ونسيتوا ان الحرمه كائن ضعيف وعاطفي يحتاج دوم احد يكون حواليه يناقشه ويهتم فيه ويسأله عن اللي مضايقه وعن احتياجاته..لو وحده من خواتها قدرت تخليها تفتح قلبها وتكون جدا قريبه منها وحاولت تساعدها تخرج كربون صدرها وتبوح وتحتويها وتعينها فعلا على ملئ الفراغ والقهر اللي تركه زوجها صدقيني ماكانت اصلا احتاجت بلاك بيري يسليها وينسيها..اختج من الاول كانت محتاجه تبوح بس مالقت من فهمها صح منكم لاترجعون تلومونها أنا ما أدافع عنها بس أوضحلج اللي قاعد يصير وياها..بإمكانج تكونين الصديقه الصدوق لها وتجين تسوين عليها تمثيليه بسيطه وتسوين انج متضايقه لان وحده من صديقاتج كانت على علاقه مع رجال ولا احد يدري بس انكشفت والحرمه انفضحت وتدمرت حياتها بعد ماكان يضرب فيها المثل..والناس بدال ماكانوا يلومون زوجها الكل صار معاه ويقول معاه حق بكل اللي يسويه فيها وتستاهل ماجاها..خوفيها وارمي بكلامج على تصرفاتها وانسبيها لوحده ثانيه صدقيني بتخاف..او بامكانج تتصلين على الاخ المستريح بالسالفه كلها من خط غير معروف وتهددينه انهم انفضحوا وراح تبلغين الهيئه عليه ونفس الشي اتصلي عليها وغيري صوتج وقوليلها انها انفضحت والهيئه راح تسوي شغلها معاها هي بتكون احرص وحده تبعد عنه وبتراجع نفسها ياحبيبتي تلاحقي اختج قبل قوات الاوان ر يحرصكم ويمنع عنكم كل ضرر موفقه واسفه طولت عليج بس قاعده الصبح ورايقه قلت اتفلسف شوي


__________________________________________________ __________

اكيد هي تبي اترد خيانة زوجها لها لانها حست بفراغ عاطفي شوفي حل معاها وراعي شعورها ممكن فترة وتعدي المهم الموضوع ما يتمادى


__________________________________________________ __________

كلام اختي حروف عين العقل


__________________________________________________ __________

احسن حل الزباله حطيه في اخر الزباله وخليها تحوس ولا تلقاه واذا اسالتك قويلي سويه هالشي قدام تضيع عيالها وزوجها وتخرب على سمعتكم .......&&


__________________________________________________ __________

صارحيها حبيبتي وذكريها بالله حتى لو أكبر منك بكل هالعمر
النصيحة ما بدها كبير أو صغير...
لا تخليها تلقي بنفسها إلى التهلكة..
ووالله ما شاء الله عليك إنت صغيرة فعمرك بس عاقلة الله يبارك
الله يحفظك ويقويك
اقرإي عليها كلام الله وستتأثر بإذن الله وترجع
بسم الله الرحمان الرحيم:
<<وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63) وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (64) وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا (65) إِنَّهَا سَاءَتْ مُسْتَقَرًّا وَمُقَامًا (66) وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا (67) وَالَّذِينَ لَا يَدْعُونَ مَعَ اللَّهِ إِلَهًا آَخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا (68) يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا (69) إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا (70) وَمَنْ تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا (71) وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا (72) وَالَّذِينَ إِذَا ذُكِّرُوا بِآَيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا (73) وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا (74) أُولَئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا (75) خَالِدِينَ فِيهَا حَسُنَتْ مُسْتَقَرًّا وَمُقَامًا (76)>>

أسأل الله أن يعفو عنا و يوفقنا جميعا لما يحبه ويرضاه