مملكه وأريد الطلاق !! الطبيب يجيب
عنوان الموضوع : مملكه وأريد الطلاق !! الطبيب يجيب
مقدم من طرف منتديات نساء الجزائر
مملكه وأريد الطلاق !!
السلام عليكم
أولا الي تبي ترد بإسلوبَ حياها وإلي ماعندها غير الشتم والسب اقول لها تتفضل مشكوره ماابيها ترد
انا يااخواتي مملكه تقريباً من شهر من انسان انا الي اصريت عليه مع ان الكل كان واقف ضدي وفي الخطوبه كانت في مشاكل كثيييره بينه وبين امي
والحقيقه هو الغلطان فيهـآ
أول المشاكل في فترة الخطوبة :
المهر مهورنا من 25 لفوق وهو يبي يدفع 15 !!
امي رفضت وانا كمان رفضت لأن هالايام 15 ماتسوي شي
قال اوك 20 ولكن امك رخصتك وباعتك بالرخيص ومن هالكلام
بعدها اتصل على امي قال بكره جهزوا شهود امي الت له طيب المهر مجهز بيتك الفرح قال لاتضغطي علي قالت انا ماابي يصير شي قبل ماتجهز نفسك قال لاتضغطي علي ياام فلان (مايرضى ينادي امي لاعمه ولاخاله )امي قالت طيب بس جهز المهر نستلمه قدام الشيخ قال لا عشره الحين و10 بعد الملكه ! امي قالت كيف مااقدر واعمامها بيخاصموا وانا مااقدر قال اذا سألوا قولي سلمني 20 قالت مكتوب بالعقد قال لا حتى الشيخ نقول سلمتك 20 ! امي رفضت اكيييد قال خلاص مع السلامه ومافي نصيب! يستهبل المهم بعدها اتصل وقال اوكي بس جهزوا الشهود امي قالت من وين العريس هو الي يجهز قال ماعندي ومااحب احد يطلع على اموري !! امي قالت ابوك ازواج اخواتك اخوانك قال ماابي احد يعرف بأموري الخاصه (نفسي اعرف اي امور خاصه الي مايبي حتى ابوه يعرفها ) امي قالت خلاص شاهد من عندك وشاهد من عندنا رضي بعد ماتكلم ونرفز ومدري ايش المهم كان فيه لف ودوران وماخلاني حتى اشرط في المحكمه امي قالت بس بيت مستقل قال لا المهم وملكنا بعد مشاكل ياكثرها بعد المحكمه صار يتكلم على اهلي وخاصه امي يقول مااطيقها اكرهامع ان قلبها ابيض وربي وماقالت الا الشي الصح مارضي اسوي ملكه الا في البيت ابوه جا وخاصمه قدامي قال ولدي مخليني غريب يابنات احس كأني مصيبه ومايبي احد يدري عني
مايبغى يسوي الا الي في راسه كلام اهلي بالطوفه وابوه يالله يالله يخليني اتغطى حتى من ابوه !! واخوه عمره 8 سنوات تخيلوا الكل قال شكله مريض نفسي اخوالي يكلموه يقولوا متى الفرح طيب لقيت بيت مايرضى يتكلم يقول خير خير
سب امي قدامها وهذا الي حز بنفسي قال اذا طلقت بنتك اعرفي انه بسببك !
بكيت يومها وربي شفت دموعها ذلت نفسها وهو برضو مايطيقها !!
كل ماقلت له شي قال اتصلي على اختي وقوليلها لاتشغليني بشي !!
كأني بتزوج اخته! وكل شوي يقول خلاص مافي نصيب وربي وانا اكرهه بس اخاف الناس يتكلموا علي اولا لأني انا تمسكت فيه ثانيا لأني انا مملكه قبل وبصير مطلقه مرتين صعبه وربي
وربي ولاكأني متزوجه لايهدي ولايصرف ولا يكلم ولايرسل !!
و24 ساعه معصب ويبغاني بدون شخصيه ورأي مايبي يسمعه
وفي شبكتي قدام ابوه قال هيا تدري اني بتزوج عليها مره ثانيه !! صدمني يابناتلسه ماتزوجنا ويقول كذا وابوه ذوق ورد عليه ورجع يتغزل في سكرتيرته قدامي وانا سكت برضو وابوه رد عليه تخيلوا في شبكتي كأنه يبي يقهرني
من جد صرت احس ان عنده حاله نفسيه حتى ابوه وخواته قالوا الله يعينك عليه
بس مو قادره اتخيل نفسي مع انسان ماعنده مشاعر مثله انصحوني اتطلق ولا ايش اسوي
>>>>> ردود الأعضـــــــــــــــــــاء على الموضوع <<<<<
==================================
والله لو مكانك من البدايه ارفضو
__________________________________________________ __________
أوف أوف آيش هذآ...؟ أعوذ بالله من الشيطآن
آيش اللي حآدك ي بنت النآس توآفقي عليه من البدايه , ذلك وذل أمك
وبخيل وهمجي ومآعنده ذره آحترآم , حتى أهله مآيبغاهم يعرفوا ايش ترجين من هالعينه مع آحترآمي لك
ايش انتي تبغين تتزوجين والسسلام والا ايه , اذا كان بدايتها كذا
كيف بعدين ,
من أبسط حقوقك مهر وبيت وحتى مهرك مره مره متوآضع مالو داعي يسوي هـ الزوبعه الحقير هذآآ
..
والله أنا من رأيي تطلبين الطلاق ب اسرع وقت والله يرزقك ب الزوج الصآلح
ورغم اني متأكده انو اذا طلبتي الطلاق راح يذلك ويعلقك بس خلك عند موقفك وادعي داااايم ان الله يفكك منه ع خيييييير ويرزقك ب اللي يقدرك ويسسسسعدك ان شااءالله
..
والله من القهر نسيت باسبورد عضويتي ودخلت ب مشكلتي
__________________________________________________ __________
اللي هذا اوله ينعاف تاليه ,, هذا بايعك وبرخيييص بعد ,, ياحياتي افتكي منه قبل لايجيك اطفال وتتورطين صدق وترى المطلقة من الملكة لها معامله غير لانها لازالت بنت ,, الله يعوضك باللي يقدرك ويحترم اهلك
__________________________________________________ __________
شوفي يا عسل بعد الكلام اللى قلتلية وكتبتيه بصراحه لو انا مكانك ماقاعد معاه ولا دقيقه
(( اولا باين انه انسان بخيل .. وشكله عنده حاله نفسيه .. والادها والامر انه سب امك بصراحه هادى فوق كل شئ اداما احترم امك صدقنى ماراح يحترمك ولا يقدرك ..وكمانا اخواته قالو لك الله يعينك عليه ..))
شوفي يا قلبي مو عيب تكونى ملكتى مرتين صدقنى مررره مو عيب وما عليكى من كلام الناس لانو كلامهم لا يدوي ولا يجيب مهما سوتى ومهما الصار الناس تتكلم
اهم شي انتى في قرارت نفسك تقدري تعيشي مع انسان زى كدا انتى دحين لحالك لا عندك اولاد ولاشئ انا اقول الحقي على نفسك قبل لا يوقع الراس فى الفاس
على قولتهم انتى دحين فى البر وبعدين يا عمري الكتاب واظح من عنوانه
(( انا راح اقولك شئ اولا : استخيري كثير ثانيا : فكري كويس وسيبي كلام الناس على جنب فكري فى مصلحتكى انتى واهلك وبسسس ))
انا عارفه انى طولت عليكى بس معليه استحملنى لانو ما ابغاكى تندمى بعدييين
.................................................. .................................................. .......
راح اقولك شئ وهادا الشئ حطيه فى راسك عدل ..
انتى قلتى فى البديا انو اهلك رافضين وما يبغوه صح وانتى اصرتى عليه
احنا البنات كدا نصر على شي وبعدين نندم عليه ترا اهلك هما ادرا بمصلحتك هما يشوفو شئ احنا ما نشوفو صدقنى هما يتمنو لنا الخير من كل قلبهم ويبغونا نعشين مبسوطين ومرتاحين ومو معلقوله لو اتقدم لكى الشخص اللى هما شايفونو مناسب لكى راح يرفضو صدقنى بالعكس راح يفرحو من كل قلبهم انتى بس لا تستعجلى على نصيبك
واتمنى تطمنينا ايش يصير معاكى لانو بجد حاااسه فيكى كثير ورجاااء لا تفكري فى كلام الناس ابداا
وربي يكتب لكى اللى فيلو الخير ياااارب عاجلا غير اجل يارب العالمين
__________________________________________________ __________
اختي فكري وامعني النظر في هذا الامر
حقيقتا هالشخص صعب المعاشره .... ولكن لاتستعجلي استخيري ربك ووكلي امرك اليه ...
والله يكتبلك اللي فيه خير
رد مع اقتباس
