عنوان الموضوع : كيف ارجع ثقتي بزوجي !!! -تم الاجابة
مقدم من طرف منتديات نساء الجزائر

كيف ارجع ثقتي بزوجي !!!



::


و يتجدد فلم الرجال و خيانتهم حسبي الله و نعم الوكيل

طبعا انا متزوجة لي 5 سنوات عندي بنت وولد الحمد لله

لما كنت حامل بولدي مرا كنت اشك بزوجي مع أني ما لحظت تغير علي

زوجي رجل يصلي و حتى الوتر ما يتركة الله يهديه و يثبتة

بس ذبحني الشك و الوسواس أنة يكلم

كذا مرا اسوي مشاكل معاه بس السوية طيب معي و كل فترا هدايا و كلام حلو معي

وانا بالشهور الاخيرة من الحمل لقيت له حساب في القيس بوك الاخ كاتب أنة عزوبي تضاربت معاه قفل حاسبة و بعد فترة سوا له معرف ثاني

وبعد سنة من ولادتي دخلت و لقيت الباسوورد مفتوح لقيت له رسائل مع بنات حب و قلوب و أشعار و اهداءات أغاني و كمان عزوبي و بحب له وحدة
و يكملها تلفون اذا رحت عند أهلي و بدو أمة من صباح رب العالمين سوالف مع البنات

كرهته مؤ قادره أنسى اللي سواه مستحيل أثق فيه

و الكلام اللي كتبة للبنت كلة محفور بقلبي كل ما اغمض عيني أفتكرة

كيف اكذب على نفسي و ارجع أثق فيه

إيه و عندة كذا شريحة مطلعها بالسر و صاحبة اقرب قريب له متزوج اثنين
و فاتح بيته دعارة و يدخل و يجيب بنات و لقيت له رسالة يقول اذا جبت بنات
قول لي ، طبعا حلف لي انو ما قيد نام مع بنت بس ايش اللي يثبت الله يصبر قلبي هذا و يصلي و يخاف الله و يمثل أنة يحبني و علاقتنا طيبة مؤ من الأزواج اللي مضاربات و نقار

طولت عليكم بس اكتب و قلبي محروق حتى الدموع ما تنزل و تريحني


محتاجة ردودكم انتظر كم



::

>>>>> ردود الأعضـــــــــــــــــــاء على الموضوع <<<<<
==================================


مالك الا طريق واحد

بث الشكايه لله

لانه هو مالك ناصية زوجك

واستودعيه الله كل صبح وكل ليل

واملي فراغ حياته

الرجل مايتجه لهالطريق

الا من الفراغ العاطفي

كثفي جرعات الحب والغرام واغرقيه فيها

طالما الحياة بينكم طيبه فالطريق سالك باذن الله

ولا تعرجين على اخطاءه وزلاته كثير

اعطيه جرعات متتابعه من الحب واشغليه بك

ولاتذكرينه بخطئه بكثر العتب واللوم

بس محتاجه صبر ثم صبر ثم صبر

حتى تسيطرين على اعصابك وردود فعلك

حاولي تبعدينه عن صديق السوء هذا

ومالك الا شي واحد

(الجئي لله)

حل المشكله عنده وهو كريم سبحانه

المهم : لاتخربين بيتك بالعصبيه وانفلات الاعصاب وتقدمين رجلك

لقمة سائغه لساقطات النت


__________________________________________________ __________

الله يكون بعونك

الخيانه صعب تتنسي



عزيزتي هذا الحل السحري لكل المشاكل مجربته كثير بمشاكلي مع زوجي واهلي وصحتي وكل انواع المشاكل
وسبحان الله كيف تنحل المشاكل وتذوب قدامه


الاول كرري -حسبي الله الذي لا اله الا هو عليه توكلت وهو رب العرش العظيم-
7 مرات بنيه ان يكفيكي الله شر ما اهمك



الثاني :
الدعاء بدور الذكر يعني سجلي بتحفيظ واثناء درس القران ارفعي يدك واتضرعي لله بالدعاء
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِذَا مَرَرْتُمْ بِرِيَاضِ الْجَنَّةِ فَارْتَعُوا " . قَالُوا : يَا رَسُولَ اللَّهِ وَمَا رِيَاضُ الْجَنَّةِ ؟ قَالَ : " مَجَالِسُ الذِّكْرِ " .
وتشوفي ان شاء الله كيف تتيسر


__________________________________________________ __________

لاتهدي من احببت فالله يهدي من يشاء،، ياعمري مو بزر او واحد طفل بتعلمينه الغلط والصح .. وشرط اذا كلمتيه وخوفتيه من العواقب بتلاقينه حافظ احاديث وأيات قرآنيه اكثر منج بعد ،، بس شنو بتسوين كلمتيه وتطاقيتي معاه؟؟ جاب نتيجه؟؟!! انا اقول ياقلبي كل اللي يسويه لعب واكاذيب قاعد يتسلى انتي نصحتيه وسويتي اللي عليج سمع منج كان بها ماسمع ذنبه على جنبه وربي بيحاسبه هو مو انتي.. كل واحد معلق من عرقوبه هو .. ياعمري ادري الخيانه صعبه وانج تشوفينه يكلم غيرج اصعب والخيال وابليس مايقصر يلعب في راسج ويحطلج افلام، بالنهايه لج حل من اثنين بعد كل اللي سويتيه.. يا تعيشين حياتج تصيرين ذكيه وتحاولين تكسبينه من صوبج ولاعاد تكلمينه عن تصرفاته وهو بيجيه يوم ويمل ويردلج مهما طالت مدة خيانته وصدقيني هالبنات اللي هو يكلمهم ويعطونه وجه عمره مايحترمهم او يقدر يأمنهم على سر والدليل من اولها كاذب عليهم وقايلهم عزوبي عشان ماينشبون له.. والله مجرد طق حنك ومضيعة وقت لاتسوين لهم اعتبار او مكانه وتروحين انتي تخلين لهم مكانه غصب عنده بتصرفاتج،، والله ياقلبي احس مع عصر العولمه والنت المفتوح واللي قاعد يصير حوالينا صعب ان الرجل مايخون ويعيش الصياعه الا من رحم الله ،، ياعمري دامه معوضج الحب والكلام الزين والهدايا هذا فعلا يحبج ولج مكانه عنده واسألي كثير من الحريم اللي زوجها يخونها لانه متوفر له غيرها والله انه يكشت فيها ولا يطقلها خبر ان رضت ولا انرضت ماهمه ،، حرام تخسرين بيتج وزوجج وتحسسين الاولاد ان بينكم مشاكل ،، احتوي هالزوج حتى بهفواته وغلطاته .. ياقلبي انتي ام عياله مصيره بيرجع لج انتي ،، دايم اذا صليتي لاتنسينه من دعائج في ان الله يحفظ جوارحه وقلبه ودااائما ودعيه رب العباد بالداخله والطالعه ،، ولاتشغلين تفكيرج في بنات رخيصات بايعات انفسهم في مواقع اباحيه والعياذ بالله الله يشغلهم باعمارهم مثل ماهم كل همهم يتقنصون الرجال ،، افهمي ياعمري علي عدل ولاتحملين الموضوع اكثر مما يستحق ،، او روحي للحل الثاني وانفصلي وفكي راسج بس تحملي اللي راح يجيكم انتي وعيالج عقبها،، صدقيني مافيه بيت خالي من المشاكل وانا اعتبر مشكلتج من اصغر المشاكل لانها وهميه ومبنيه على اكاذيب يعني مو حقيقه ابد،، خليج وحده عاقله ومخها كبير وخليج انتي المسيطره على الوضع وخيرته هالزوج بيرد لج صدقيني .. بس كبري راسج ولا تحطين نفسج في مقارنه مع بنات بياعات هوى وكلام واعراضهم سبيل لمن هب ودب.. والعياذ بالله .. وبالنسبه لصديقه انتي خوفي زوجج من الروحه لعنده لو انمسك من الهيئه فضيحه وعار عليه ساعتها مايقدر يقول عزوبي ،، هذا اللي فعلا الواحد يخاف منه ،، ولو اني مكانج وعرفت له توقيت يجمع فيه زبالة المجتمع بلغت عليه وفكيت الناس من شره لانه يستاهل اللي يلعب باعراض الناس وعليه من الله مايستحق،، حبيبتي مابي اكثر عليج الهرجه وطولت عليج وسعي الصدر وحاولي تحتوين زوجج قدر المستطاع وربي يسخره لج ويهديه ويبعد عنه شياطين الجان والانس اللهم امين.. موفقه.


__________________________________________________ __________

يا حبيبتي ادعي ربي يسخره لك


__________________________________________________ __________

مممم أنا بقولك طريقه :
وهي انك تفتحين حساب جديد فـ الفيس بوك و وتحطين اسمك ريمم او اي اسم مجهول
تكلمينه ،،
لكن الله اعلم عن شنو تكلمينه
انتي وافكارج ،، ممكن تسئلينه وتتعرفين ع حياته اكثر
وممكن ترسلين له كل شوي مقاطع دينيه او مثلا تنصحينه

وممكن...