عنوان الموضوع : تعبت
مقدم من طرف منتديات نساء الجزائر

تعبت



السلام عليكم ورحمة الله وبركاته
كيفكم حبايبي ان شاء الله منيحين
ابدخل في المشكله بنات انا متزوجه صار لي 10شهور والحين حامل في الشهر السادس كنت طوال ال10 شهور ساكنه عند اهلي عشان اخلص دراستي والحمدلله خلصت دراسه وبهالاجازه رحت مع زوجي عند اهله طبعا اهلي بمنطقه واهله بمنطقه الموهم زوجي طالب عسكري يعني بدوره عسكريه مااشوفه غير خميس وجمعه
طبعا انا الحين عند اهله لي غرفه وابوه الي هوا عمي متزوج 2 وحده بدور والثانيه بدور طبعا البيت مسلح انا عند الثانيه لي غرفه
انا مره ماني مرتاحه من عمتي الي هي ام زوجي نظراتها لي كرهه بس تجاملني عشاني حامل دايم عمي وحريمه هواش بيت نفسيه كلن نفسه بخشمه اذا قعدت مع ام زوجي تطيح في الثانيه حش والعكس
الموهم المشكله الي مضايقتني انا انسانه مااحب الازعاج اعشق الهدوء احب اخذ راحتي في غرفتي بس عمتي ماهي عاطيتني فرصه ترسل بنتها تنام عندي وانا ماابغى احد وبنتها عارفه تقول امي ترفض لازم انام عندك طيب انا ابي البس ابي اسوي اشياء خاصه فيني تعبت والله كفايه المشاكل الي متحملتها في بيت اهلي
تعرفون ايش مصبرني زوجي هو الي مصبرني لانو طالب عسكري وفي دوره ومايملك غير المكافئه وانا صابره
والله اني مع اهله مثل الحلاوه دايم اتحاشاهم عشان ما تطلع مني كلمه وتزعل عمتي مواعين اغسلها اكل اطبخ كناسة اكنس تدق علي جوال عشان انزل اطبخ معاها الغداء والله مايستاهل بس وش نسوي
الموهم يالغوالي اذا ما تعتبرون كلامي مشكله اعتبروه مجرد فضفضه وحده مقهوره

>>>>> ردود الأعضـــــــــــــــــــاء على الموضوع <<<<<
==================================


وعليكم السلام والرحمة واكرام

ربي يوفقك ويقومك بالسلامة يا رب ويسهل لك ولادتك

بالعكس الأفضل أحد ينام معاك أعف شوية يضايق بس صدقيني انها افضل

ربي يعينك حاولي تفرفشين وتدخلين شوية مرح بأجوائك مع البنات اجمعيهم وحاولي

تعملي لكم جو وهيك وربي يعينك وحاولي تفضفضين معانا هون ربنا يعينك ويفرج همك


__________________________________________________ __________

ماللك الا الصبر وانشالله تنفرج بس خليكي هاديه علشان مايدوروعليكي الزله


__________________________________________________ __________

اصبري لو تحبي زوجك حتى يرجع وبعديها لو مو مستحمله خيليه يروح ياجرلك شقه ولما انتي الحين لوحدك وهو بيدرس ليش ماتروحين بيت اهلك حتى هو يرجع يكون افضل


__________________________________________________ __________

وعليكم السلام والرحمه
والله باين عليك من اسلوبك راقيه ومهذبه ماشاء الله
يقولون لاجل عين تكرم مدينه
عشانه مو عشان احد وقبله رب العالمين
اتحملي وخاصة ان وضع زوجك صعب وطالب يعني انتي مجبره ولستي مخيره
وصدقيني الصبر نهايتة حلوه
كم من نفق مظلم كان نهايتة نور وضياء
وانتبهي تشتكي له عشانه مايشل همك وهو بعيد ويصير يفكر فيك وفي مشاكلكم
خاصة وانه بعيد عنك
وصدقيني تراه مو مرتاح هو بعد فلا تزيدين عليه همه
واذا جاك احتويه ونسيه هم السفر والبعاد..


__________________________________________________ __________

الله يهون عليك حبيبتي

بس لاتتعودين وتعودينهم على الكرف

وانت حامل ومحتاجه الراحه

انت مرة ولد منتيب شغاله

طايحه بالبيت وانت حامل

هالحين لو صار شي بالجنين من ورى التعب والمشقه

ترى بعدين بتصيرلك مشاكل لو عودتيهم على الخدمه

مره تعذري بظهرك ومره تعذري بمغص


والبنت الي تجي عندك

قصدهم حراسه عشان م تصير علاقه بينك وبين الجاره الي غرفتك عندها

انت حاولي تكونين حمامة سلام

ومحضر خير

يعني قولي ذي قالت عنك (اي كلمة طيبه تشوفينها مناسبه وتعرفين ممكن تقرب القلوب)

ولاجيتي عند الثانيه نفس الشي انسبي لها كلمة طيبه لعل وعسى تهدا القلوب لو بعض الشي

والبودي قارد الي عندك

قولي لها بصنعة لطافه

معليش زهقانه من هدومي وبخففها

الحمل مضيق انفاسي

بعد اذنك ي قمر البنات

وزحلقيها

قوليلها انا متعوده اسكر غرفتي

والبس ملابس خفيفه شوي

وبصراحه وجودك مو مخليني اخذ راحتي

وعادي

الي م يستحي منك لا تستحي منه

وانتبهي من انهم يسيطرون عليك ويلغونك

نعم خلك حشيمه وقدري الكبير والصغير

وخلك وجه سمح مبارك

يجمع م يفرق

بس حقك وماضاع

ومن بدري بدري

الله يساعدك ويساعدنا