عنوان الموضوع : زوجي ووالدي الطبيب يجيب
مقدم من طرف منتديات نساء الجزائر

زوجي ووالدي



السلام عليكم سيداتي

الرجاء انكم تساعدوني بحل هذه المشكله

انا متملكة من 6 شهور تقريبا وزاجي بعد3 شهور علاقتي بزوجي طيبة والحمد لله وخلال هذه الستة الاشهر ما اختلفنا ولاصارت بيننا مشاكل الا بهذا الموضوع وكل مره تكون المشكله نفسها



انا امي وابوي منفصلين من قبل مولدي
ابوي رماني عند اهل امي لاصرف عني ولاسئل عني ولمن بدأت اكبر وشاف اني بديت اكون صداقة مع اخوي اللي اصغر مني سوالي مشكله مالها اساس ومنعني من زيارة بيته -اتخيلو منعني من زيارته-وياما مرت علي مواقف زي الزفت من ناحيته اتخيلو صار عندي نزيف بالشبكية وكنت مهددة بالعما ولمن قلتله قالي بالحرف الواحد:طيب شوفي ايش يصير معاكي وبلغيني
يعني ولا سلامتك ماقال ولا عاد سئل ايش صار فيني بعدها


وتدور الدنيا وسبحان الله اتقدم لي ولد صديقه اللي الروح بالروح
ومن يوم كتب الكتاب ناداني ابوي وقالي كلام في ما معناه اني زوجتك اياه مضطر وانه كان يبيه لوحدة من بناته من زوجته الحاليه لكن ما قدر ياخده لهم

وقال لي هذا الكلام قدام زوجته وبنته الثانيه


سكت وانطميت ماكانه قال شي حبيت على راسه ومشيت

وسوالي مشاكل مالها اول من اخر علشان ملكتي وبالنهايه سوالي هيه صغيره ومقربعه وهو اختي اللي اصغر مني سوالها ملكتها باكبر قاعه بمدينتنا وانا مو بس ملكة مبهدله الا مشاكل قسما بالله يوم ملكتي الكوافيرة تشتغل بشعري وهيا تطبطب عليا وتحاول تهديني وانا بس ابكي

غير انو اجبرني يوم كتب كتابي ويوم شبكتي اني ابيت عند زوجته مو عند امي

وبعد ملكتي بدأت اسمع عن الحكاوي عنه من جهه اهل زوجي

وقد ايش هوه انسان طيب وحنون وكريم
واخت زوجي تقلي عن الهدية اللي جابها لها بمناسبة تخرجها و انا يوم قلتله اني اتخرجت ولا حتى مبروك ماقالها لي




من بعدها حكم علي انو زيارات زوجي لي ماتكون الا عنده بالبيت وماتكون ببيت امي

قلت طيب وفعلا بدأت الزيارات هناك وانا طبعا كارهتها كره الموت

وشوي ما الاقي غير زوجته تدقني بالكلام قدام الناس اني كنت ما اجي وما اسئل الان حفضل رايحة جايه عليها علسان زيارات زوجي

سكت مارديت وما وضحت اني كنت اجي ازور الى ما الوالد المحترم منعني من زياراته

الزيارة اللي بعدها يمسكني بابا على جنب ويخاصمني ليش ما سلمت عليه اول ما دخل الغرفه -طبعا قدام زوجي- وانا والله سلمت عليه قبلها بشوي

الزيارة اللي بعدها جالس معايا ومع زوجي وينتقد بشكلي وجسمي وشوي يغير السالفه ويسبسب باهل امي وخيلاني


كرهت الزيارات عنده تكثر زاكثر وكلمن زوجي قلت له ماما عازمتك عالعشاء تعالي عندها
ومرة على مره حولت الزيارات لبيت امي

ابوه -طيب وحنون وانا كثير احترمه-ماخد مقلب كبير بابوي اللي هوه صديقة وبس يدق زوجي بالكلام ويضغط عليه باني لازم تكون الزيارات عند ابوي ببيته

قد اتشاكلنا انا وزوجي كثير بسبب ابوي وزياراته

بس اليوم ارسلي رساله : فضي نفسك يوم الاثنين علشان زيارة ببيت ابوكي

قمت انا رديت عليه : طيب

قام ارسلي :ان شاء الله ما تكون طيب هذه تصريفه

سكت فتره لاني كنت متنرفزه وشايله هم الزيارة وبعدين ارسلت له:
نحت امرك ..سمعا وطاعة..اختار اللي تعجبك

سكت وماعاد رد بعدها حط بالحاله حقته بالواتس اب شي يشير لاني زعلته

اتصلت عليه مارد على اتصالي


ياناس افتوني ايش اسوي

والله كرهت دنيتي

يعني لو كنت قلت له لا يزعل لكن قلت له طيب وهو حاسس انا قد ايش الموضوع تقيل عليا يزعل ليش؟

وعالعموم هوه جده متزوج على جدته واول ما املكنا جده عرض عليه يسكن بالشقه المقابله لشقة مرته مجانا وهو استثقلها وقال لي صعب اجاور مرة جدي

وباكثر من مناسبه لمن يناثشني بمشكله بيت بابا اتمنى اقله

ليه مستغرب اني ما ابي ابيت ببيت زوجه ابوي اذا انت ماتبي تسكن قدام مرت جدك


لكني اتراجع لاني دايم قدامه اكتم غيظي واسوي نفسي اني احي ابوي واهله وانو مرت ابويا طيبة وانها ما تئذيني لاني ما ابيه يحس اني اكره اهل ابويا

>>>>> ردود الأعضـــــــــــــــــــاء على الموضوع <<<<<
==================================


up up upup up up


__________________________________________________ __________

الله يكون بعونك ويبعدعنك انتي وزوجك المشاكل ويتمم زواجكم وتسكنون ببيتكم وتنبسطي انتي وهو اللهم اامين ....
وانصحك نصيحه الي هي التفاهم مع زوجك من البدايه مهما كان هذا أبوك وماتقدرين تعصينه ..! والنسبه لزوجك اتفاهمي معاه وقوليله على مشاكلكم مو كل شيء طبعآ بس من ناحية انك تتضايقي من مرت ابوك يعني مسألة تفضفضي لزوجك انا اشوف عادي لمتى تخبيــن؟؟؟ وهذا شعورك اي بنت بتحس فيه تجآآه مرت ابوها !! طبعا مو كل زوجات الأب في زوجآت الله يسعدهم وكأنهم اخواتك !! ؟ وضحيله كل شييء بانك متضايقه من مرت ابوك وبأنك تتمنين انه لما يبي يزورك وتجلسون مع بعض ياليت يكون عند والدتك وهذا مايمنه انه يزور والدك ببيته ّ!!
!!واذا المسأله كم ساعه بتجلسينها انتي وهوفي بيت ابوك وبعدين ترجعين لأمك .. فحآولي تصبرين ولا تعطينها بال مرت أبوك هذي طنشيهآآ الحقرآن يقطع المصرآن والحمد لله انك مو عايشه معها بنفس البيت الله يخليلك الوالده والوالد كمان اصبري واحتسبي الأجر هذا ابوك مثل ماقلتلك أهم شيئ لأتأثر عليك مشاكلك الأن مع زوجك حاولي تفصلين مابينها وبين علآقتك مع زوجك كلها 3 شهور وتتزوجين وتروحين ان شاء الله مع زوجك ببيتكم مستقل وبتصير هاالأيام كلها ذكريآآـت فحاولي تهدّين وتريحين بالك الحين وأهم شيء الأستغفار وبالتوفيق ياآآرب.


__________________________________________________ __________

بسم الله الرحمن الرحيم
انا رديت لكن الرد شكله طار ..
ياماما كلمي امك تعزم اهله عندها عشان يتعرفون عليها اكثر وتكسر كل الكلام اللي انقال ضدها ..
وتكسب ام الوالد الامهات اا تقربو من بعض راح تنتهي مشاكلك ..
خطيبك دلليه ودلعيه حتى تضمنينه بصفك بما يرضي الله .. واهتمي بحالك جدا لبسك ريحتك شعرك حتى مشيتك .. خليه يتعلق فيك خليك كريمه بعاطفتك حنونه مؤدبه في ردودك احترميه وبيني ايضا قوتك في شخصيه جذابه كوني محاوره مؤدبه وذكيه تكبرين في عينه اكثر ..
حين يتواصلون امهم وامك راح تطيح عقبات كثيره بينكم .. ويتقرب من امك اكثر خصوصا اذا مدحتها امه والله الله لاوصيك خلي امك تحطها بعيونها من تدخل الين تطلع .. وتلمح لام خطيبك بانها من تعبت عليك وان والدك اتصاله معكم كان شبه معدوم .. وهذي الحقيقه .. حتى تتضح لهم الامور ...
تصرفي بذكاء معهم واكسبيهم .. خصوصا امه امه امه ... وبعد كذا تستطيعين ان تفاتحينه ان يراك في بيت امك .. لانك تتضايقين من بيت والدك ولك اسباب لاتستطيعين شرحها له ... والله يصخر قلبه لك ..


__________________________________________________ __________

ماليه كفو..وصغيرة مجروحة


اشكركم على ردودكم


لكن حابه اوضح :
امي وام الولد متواصلين ولعلاقة بينهم طيبه لكن المشكله ان امي انسانه غير اجتماعية ومالها كثير بالمجاملات بعكس زوجه اببوي انسانه مره اجتماعية وتعرف كثير للمجاملات والشكليات الاجتماعية

بالاضافه لان الصداقه بين ابوي وابوه من صغرهم فحماتي تعرف زوجه ابوي من زمان من اول ما اتزوجت

بالاضافه لان زوجه ابوي -حاولت اتفادا الكلمه لكن ماقدرت-منافقه جدا جدا جدا يعني قدام الكل والناس وحتى ابوي ماتقول غير اني بنتها وانها تحبني وتخاف علي مثل بناتها وتتصرف على هذا الاساس لكن اذيتها ومشاكلها من تحت لتحت

حتى انا لمن اجلس اتحاور معاها كلامها زي العسل لكن بين الكلام الدقدقة والسم


فانا احس ان اهل زوجس شايفينها مره طيبه حتى زوجي قد قال لي فلانه اللي هي مرت ابوي مره طيبه ولا قد شفت انسانه اطيب منها



فانا حسيت اني لو ذميتها او دخلت معاها بحرب فالمعركة خسرانه من جهتي

وان الافضل لي اسكت وما ابين اذيتها لي على الاقل ببداية زواجي الى ما اهل زوجي يتعودو عليا ويعرفوني على حقيقتي-انا ما امدح نفسي لكن ما احب المشاكل ولا لي فيها -

ولمن اصير انا الاقرب لهم منها وانا اللي يعرفوني اكثر اخلي اذيتها تبان يعني ماحشاكلها ولا حتكلم فيها لكن ماحخفي وضعي معاها








ومن ناحية ثانية


انا ماعندي اشقاء ولا شقيقات
وتوني عروسه يعني باين زوجي طيب لكنه مها كان رجال والرجال ماله امان


اخاف بيوم احتاج لسند واخوان
علشان كدا حريصه انو ما يحس انو في عدم ارتياح بيني وبين اهل ابوي

ولا ودي يعرف انو ابوي كان راميني ومايصرف علي علشان مايحتقرني


والله مره محتارة ومو عارفه ايش اسوي


__________________________________________________ __________

الله يعينك وييسر أمرك ومثل ماقالوا الاخوات 3 اشهر وتعدي