عنوان الموضوع : كيف اعود كما كنت..فلقد تعبت(انا وزوجي) -لصحتك
مقدم من طرف منتديات نساء الجزائر

كيف اعود كما كنت..فلقد تعبت(انا وزوجي)



السلام عليكم ورحمة الله وبركاته
اسمحو لي اتكلم بالعاميه
لانه الاسهل والاقرب لقلوبنا للاسف..

مشكلتي بدأت من اول ايام زواجنا
كنت عفويه وطيبه وطيبتي ضيعتني انا البنت الكبيره بين اخواني وعندي خوات وكنت احبهم لدرجة اشوفهم زي بناتي
وكانت ثقتي بنفسي معدومه وكنت اتمنى القى الزوج اللي يحبني لذاتي وبالطبع كنت اشوف نفسي اقل من عاديه على كلام امي وكلامه اللي زي السم ينزل علي كل صبح ومساء الله يسامحها
المهم بعد زواجي كان زوجي يسالني من احلى وحده فيكم فكنت اقول كلنا ماعلينا فكان يلف دايم ويدور بالاسئله
ولما يسب اختي اللي بعدي اقول بالعكس هي حلوه بس لو تسمن شوي ومن هالكلام
بالطبع زوجي قد لمح اختي باول ايام زواجنا فهو شافها
المهم كان دايم يرمي كلام انه مو مقتنع فيني وانه المفروض الواحد ماياخذ الاولى ياخذ الثانيه ومن هالكلام اللي يوجع
وصبرت سنين على كلامه لين يوم من الايام اكتشفت انه يميل لاختي يعني بكل صراحه يتمناها
بالطبع ماصرح بس قريته بورقه كان كاتبها عن سلبياته ويبي يتخلص منها
المهم مرت الايام وقلنا خلاص الرجال تعدل وبداء يشوف فيني محاسني وبداء مدح اللي حولي لي يزيده تمسك فيني
بس للاسف مو حب كثر ماهو خوف من تفريط بشيء حلو يملكه
تحملت منه من الكلام مايهز جبال وكنت اصبر واقول مسيره يعرف قيمتي خاصه اني كنت اشوف الجوانب الحميده بشخصيته
مرت الايام مابين مد وجزر
لين جاء ذاك اليوم اللي شكيت بوضعه وعرفت انه يكلم
وسمعت صوت البنت وبيني وبينكم شكيت بالصوت
وبغيت اموت وحلفته اذا كنت اعرفها وحلف اني مااعرفها ولاتربطني فيها اي صله
ومن بكرى راح جاب لي هديه جوال متواضع وشكيت بامره اعرفه مايجيب لي شيء من نفسه الا وراء بلاء اعظم
وبالفعل بعدخمس شهور من الشك والريبه والمشاهد اللي تكون قدامي واستنكرها وحيره وضياع واتهام بالجنون والتهيوات
جت الطامه اعترفت اقرب الناس لي اعترفت اختي مو اللي كان يميل لها لا اللي اصغر منها كان يكلمها
عمرها وقت السالفه (18سنه) و(عمره 32سنه)
وانا ماانصدمت لاني كنت شاكه وحاسه بس ابغى الدليل
واجهته بالبدايه ضربني كف وجع لي وجهي كم يوم ولما قلت له ان هذا كلام اختي نفسه
سكت وعصب وهاوش وقال خلاص انا صرت مااكلمها ومن هالكلام اللي يوجع القلب
وقال انه مجرد كلام ومايعني شيء له وانها كان عندها مشكله وكان يحاول يحلها
ومن هالخرابيط

(تنويهحنا اسره محافظه يعني ماعندنا اختلاط وعبايتنا ساتره..بالطبع قلت هالكلام علشان لاتجي وحده وتقول يمكن وضعكم فري ولا من هالكلام )

المهم زعلت وطلبت اروح لاهلي وحنا بالطريق صار يعتذر ويترجى وافقت ارجع بشرط مايقرب لي لين اعالج جروحي بنفسي وافق ورجعت لبيتي وبنفس اليوم جاء يطالب بحقوقه الشرعيه(انه يجامعني) فقلت له وين شرطي قال خلاص انسي فشديت معاه بالكلام وتركته فصار يهاوش فقلت له خلاص اتركني وانا وقتها كنت صادقه نفسي طابت ومصدومه وبالفعل طلقني وراح كلم على اخواني وقال لهم اني طلقت اختكم وجاب اسباب انا ماحبيتها وكلمني اخوي وصار يلومني هنا صرت ابكي مابين خيانه زوج وغدر اخت وطلاق وظلم وبعد ملامه
فقلت لخوي السالفه واختي هناك قالت لامي والكل درى من اهلي وبسرعه التم الموضوع وثاني يوم جاب فتوى ورجعنا لبعض زوجين طبيعين على حساب صحتي النفسيه
وحملت بعدها على طول بثالث طفل لي وبكيت كثير وسالت الله الخيره بعد ثلاث سنوات مابين احسان الظن فيه والخوف وعدم الاحساس بالامان كنت احاول واحاول واجاهد وربي يعلم وشكثر تعبت بالاخير كان ينطوي على نفسه بغرفه منزويه بالبيت بحجه العمل وكنت اعرف ان عنده ضغط عمل فكنت اهيئ له الجو والتمس له الاعذار لين بالصدفه اكتشفت انه عنده ايميل ثاني انا هنا صرت وحده ثانيه طلبت من وحده تضيفه عندها وتكلمه ابشوف كم من الوقت يقعد ووش يقول وايش طبيعة علاقاته مررت الايام وعرفت اللي ماحبيت اني اعرفه زوجي عنده درزن بنات مابين بائعات هوى ومابين راغبات بالحب ولاتقولون ليه سويتي كذا لاني ابغى اعرف لما كنت اسهر معاه علشان عمله المزعوم وكنت اغفي وانام بالساعات احيانا ولايحط علي لو غطاء علشان مين ؟بالطبع هو مايحاول اني اتنبه علشان مايقطع خرابيطه المهم واجهته واعترف وكنت انا القويه هنا لن الاثبات معي وانا اكذب مامسكت عليه شيء ملموس مجرد كلام ينقل لي المهم طلبت منه يفتح الماسنجر وفتحه لي
ودخلت على البريد وليتني لم ادخل وجدت رساله هو مرسله لايميل اختي وكاتب انه مشتاق ولما ردت عليه تسال عن من يكون قام يذكرها بموعد لقاهم
انا هنا وقفت وقلت يابن الناس اللي بيننا انتهى
بالطبع بعد تعب وكلام يطول شرحه ماوصلت لحل يرضيني وصار هاجسي الطلاق وبس
مرضت والله مرضت ونفسيتي تعبت صارت دمار اللي يشوفني يقول هذي مبسوطه وتضحك لاكن جواتي حطام
تصدقون بالله والله مابكيت من قوة صدمتي مابكيت انغسل كل شيء له بداخلي عشت معاه اسواء ايام حياتي اتعامل معاه عادي وبداخلي حيره وضياع وكرره ..لاثقه ولاامان ولا ود..صرت مااطيقه ..اتحمله بالغصب
جلست عند اهلي فتره والوضع زاد رحت لاستشاريه نفسيه صرفت لي مضاد اكتئاب تحسنت شوي وصرت اتقبل كلامه بس الى الان احس بغربه فضيعه
حاولت انتحر ثلاث مرات كان الضغط مابين امي وزوجي(على فكره توني امس دريت ان مضادات الاكتئاب قد تعطي دافع قوي للانتحار)والعياذ بالله والله يابنات انا مو كذا علشان كذا حسيت ان هالادويه ماتنفعني بالعكس وتركتها مرت الايام ورجعت لبيتي وكل هدفي نفسي وبيتي وعيالي بس الحطام اللي بداخلي وفقدان الاحساس جاب لي مشاكل كثيره اولها دخلت الشات ودخلت النت لوق ودخلت الفيس بوك تعرفت على شباب وكلمت كذا واحد بشكل عشوائي صرت اتخبط زي المجنونه اخدر الامي بجروح جديده
كنت البس ثوب مو ثوبي يعلم الله اني من زواجي عمري ماخنت زوجي بنظره لرجل غريب بس اللي صار لي ماابرر لنفسي لاني عارفه اني غلطانه بس زوجي كان دافع ...ياخواتي احس اني تشوهت ماعدت انا هي انا نفسي ارجع زي اول بالطبع تركت الاشياء هذي بس الندم مازال هو المسيطر والتعب خاصه اني مازلت اكلم واحد واكلمه كصديق وانا عارفه انه حتى لو صديق غلط
يابنات انا والله ماكتبت مشكلتي الا لما عرفت اني بدخل بمعرف غير معرفي واني بسمع ردود تنقدني وتوجهني
انا ضايعه ومشكلة زوجي مع اختي تزيد جروحي
صدقوني احاول انسى واسلى وانا اعقل من اني ادقق بالاشياء الصغيره بس كلما حاولت انسى ويرجع الوضع طبيعي تتجدد امور تزيد الامر سوء
زوجي كل مره يغلط يرجع يبيني زي الزر يضغط عليه وارجع لطبيعتي يبيني بيوم انسى والله ماابالغ
بنات بالله لو دريتي ان زوجك صار بينه وبين اختك علاقة جنس وش يكون احساسك؟
انا مو متاكده لاكن احساسي مايخيب على حسب اللي وصلني بس الاكيد انه ضمها وباسها..
والله اني ميته من الداخل
انا مو مدح لنفسي على قدر من الجمال ولله الحمد ومثاليه ببيتي وكل اللي حولنا يثنون على حياتنا ومشاكلي دايم احلها بيني وبينه واهله كسبتهم بطيبة قلبي وربي يشهد وكل اللي حولي يحبوني
وهو عارف هالشيء وخايف انه يخسرني بس مع هذا يرجع يلذذ بتعذيبي
شورو علي وش اسوي..
يكفي اني كتبت وفضفت بمشكلتي يمكن بين اصواتكم القى صوت لي انا ضيعته يوعيني ويساعدني..
واسفه على لخبطت الكلام وطول الحديث..

>>>>> ردود الأعضـــــــــــــــــــاء على الموضوع <<<<<
==================================


الله يعينك يااختي ماني عارفه وش اقول ادعيله ان الله يسخره لك
وبصراحه اختك هذي وحده حقيييييييييره اسمحيلي ليش تخرب بيتك وتكلم زوجك الجائي الي الله حل مشكلتك عنده انا مثلك مريت بخيانه وماحلهاالا ربي سبحانها


__________________________________________________ __________

ااااااااااااااه حبيبتى
كلامك ومشاعرك مجروحه جدا
بيدك انتى كل شئ
لا حول ولا قوة الا بالله
هدديه انك راح تتركينه نهائى بدون رجعه اذا ظل على هذا الحال
اما اختك خبرى امك بالقصه
اختك صغيره وفى سن مراهقه ومشاعرها متلخبطه
صارحى امك بكل القصه ممكن يكون بيدها حل
اما زوجك فالحل بيدك انتى هدديه بانك ستتركينه
الله يفك كربك


__________________________________________________ __________

الله يعينك
اختك؟؟
زوجك ؟؟ بس الله يهديه
مادام انتوا من عايله محافظه كيف تحاولين بالانتحار ؟
ابعدي هالافكار منك نهائي وانت مؤمنه وعارفه انو في يوم حساب وعقاب

اذا صرت ماتحبين زوجك شوفي الاشياء الحلوه فيك وحاولي اطوريها كملي دراستك او ...
اقري كتب اهتمي بالعلم وبعيالك يعني عالاقل ارضي ذاتك
ويارب يسعدك


__________________________________________________ __________

الله يكون بعونك


__________________________________________________ __________

ياعزيزتي
يااااااااااعزيزتي
بالله اش قلتي لنفسك؟
كل هذه المعاناة تحملتيها وكمان طلقك وطلع اسباب وهميه امام اهلك وانو مايحبك ومن هالخرابيط
وانت نسيتي تعملي حاجه وحده بسيطه جدا
بسييييييييييييييييييييييييطه جدا
جدا
ومن بداية المشكله
تروحي لبيت اهلك
وتستدعي كل اخوانك واخواتك وامك هذه اللي كانت تعايرك بانك اقل اخواتك وفرحانه ببناتها الاخريات الجميلات
تجمعي كل العائله
وتنادي على اختك اللي تكلم زوجك
وتصفعيها الصفعه اللي تكسر كل اسنانها
وتلتفتي لامك وتقوليلها يا امي ربي بنتك زين وبعدين تعالي عاتبيني لان رب العالمين ماخلقني جميله
وين عايشين احنا؟؟
يعني حتى بنات الهوى اعذروني على اللفظ ايضا مايسوون اللي تسويه اختك
فيه اخت تعاشر او تصادق زوج اختها؟؟
احنا اللي نعرفه انه زوج الاخت هو بمثابة اخ
هذا واحنا من وسط مو معزولين فيه البنات عن الشباب
يعني احنا وسطنا فيه اختلاط
وعمل مع الرجال ودراسه جامعيه مختلطه شباب وبنات
والحجاب مالبسوه بناتنا الا بالكبر
يعني باول حياتنا كنا سافرات
ومتبرجات
ومع هذا نعرف حدود الله وان زوج الاخت هو بمثابة محرم
ولانفكر فيه الا بعد ممات الاخت
الله اكبر
الله اكبر على هيك بشر
والله العظيم ارجف وانا اكتب
لاتواخذوني لو طلعت من طوري
ايش هالانحلال
ايش هالتسيب؟
خلصوا الرجال ومابقى الا زوج الاخت اخطفه من اختي؟
عزيزتي
كل السيدات الفاضلات اللي قبلي واللي بعدي راح ينصحوك بالدعاء والاستغفار وقيام الليل عشان ربنا يهدي زوجك
وانا اقول لك نفس كلامهم ولكن بعد ذلك انزعيه مثلما تنزعين الجزمه اكرمكم الله
وخلي اختك تجي تربي اولادك بعد طلاقك
واذا مالقيتي احد يعطيك الخبز اللي تاكليه؟
روحي قفي بباب الجامع والناس تتصدق عليك وتشبع بطنك ولا تبقي بهالانحلال والقذاره اللي فيها اختك وزوجك
صحيح احنا باخر زمن

تحياتييييييييييييييييييييييييييييي