عنوان الموضوع : ياناس ياعالم يا امه محمد ساعدوني الطبيب يجيب
مقدم من طرف منتديات نساء الجزائر

ياناس ياعالم يا امه محمد ساعدوني



السلام عليكم ورحمة الله وبركاته
هاي المرة الثانية الي اطرح بيها مشكلتي في هذا القسم انا بنت من العراق عمري 24 سنه عشت حياتي كلها راضية عن نفسي لان اني ذكية جدا ومتفوقه بالدراسه عشت 23 سنه من عمري في هدوء وسلام مع اني فقدت والدتي لما كان عمري سنتين ووالدي مصاب بالكابة المزمنه يعني هاملنا وعندي اخ اصغر مني بسنه
مشكلتي ماعرف شنو الي صارلي بالسنه الاخيرة تخرجت من الجامعه وصرت مهندسه وقعدت بالبيت بعد شهر من تخرجي سويت عمليه لتصحيح الانحراف بالفك ومن تلك اللحظة حياتي انقلبت
صرت اكره شكلي ياناس ما اطيق شكلي وما اكدر اطالع بالمرايه يجيني انهيار عصبي وما افكر غير بس بالموت
ليش هذا الديصير بيه مو حرام؟ بنت شابه تكره نفسها لهالدرجة
جربت كل الحلول حاولت انتحر ومامتت
رحت طبيب نفسي وصفلي علاج ومانفع
شو الحل؟ برايكم ازور طبيب تجميل؟
الناس كلها تقول اني صرت احلى ومع هذا اني اشوف العكس مدا اكدر اتقبل نفسي
اسفه ع الاطاله بس ماعرف المن اشكي مشكلتي

>>>>> ردود الأعضـــــــــــــــــــاء على الموضوع <<<<<
==================================


الله يعينك يأختي


__________________________________________________ __________

هاي شبيج ورده

اكو عراقيه بلدنيه محلوة ؟

يابه يكفيج انتي عراقيه

هاي شنو لعد وين العراقيه الماجده ؟؟

عيني انتي حلج بيدج

تدرين شنوه

انج تتقبلين روحج مثل ماانتي

من تباوعين عله روحج

كولي الدعاء : الحمدلله الذي حسن خلقي وكرم صورة وجهي فحسنها اللهم كما حسنت خلقي فحسن خُلقي

وعوفي عنج الوسواس عله صفحه

هاي شبينه ورده

لاتظلين بالوسواس شتردين بعد

عراقيه وذكيه ومهندسه وورده مال الله

يابه كل اداسوي ماله مناسبه

الله منطيج نعم كومه انوب انرد ردود عله الشكل ممتقبلينه

يمعوده تقبلي باعي عله روحج وكولي الدعاء الكتلج من ساع وتالي كولي :

من اروح فدوه لهلكمر اطلع بالمرايه.... تقصدين روحج طبعاً

تره مدا اشاقا اني دااحجي الصدوك والله

ردديها وعوفي العلاج النفسي تره يسوي ادمان

حرامات ورده باول عمرج

وماريد اسمع منج حجي بهاي الموضوع

اني متأكده ان الشمس تخجل من جمال العراقيه


__________________________________________________ __________

والله العظيم بجيتيني هسه تسلميلي ياعمري ياريت لو اكدر بس الموضوع مو بيدي ادعيلي عفيه


__________________________________________________ __________

بالله اشلون موبيدج

ينرادلج كتله غير

عيوني انتي

ابدي بداية لو بسيطه

كلشي ينبع من الداخل ورده

مستحيل تقنعين الناس بفد شي انتي ممقتنعه بي

ومن اتكونين هيج انتي تنطين رساله للعالم اني محلوة

ميصير هيج

انتي ددكولين العالم كلهه تكول صرت احله

شتردين بعد

انتي بس ينقصج ثقه بنفسج


__________________________________________________ __________

حبيبتي
طبيبعي التغير الجديد ما راح يتقبلو عقلك بسهوله
وانتي بنفسك تقولين الكل يقول لك صرتي اجمل
يعني اكيد صرتي اجمل
تقبلي شكلك الجديد
وثقي بنفسك الله يوفقك يارب