عنوان الموضوع : حسبنا الله ونعم الوكيل علي ابوي خلاني امشي بالغلط -لصحتك
مقدم من طرف منتديات نساء الجزائر

حسبنا الله ونعم الوكيل علي ابوي خلاني امشي بالغلط



السلام عليكم انا عمري 19 سنه وساكنه عن خالي انا وامي وخواني وابوي هاجر امي له 9 سنوات ولا يدري عنا ولا شي وخالي يتحرش فيني تحرش جنسي هو وولده وانا ابتعد عنهم قد مااقدر ولمن كلمت ابوي قالي اصبري الله يفرجها وابوي انسان مقتدر ولا متزوج علي امي ولا شي جالس بشقه لحاله لا كن مايحب المسأوليه وانا انسانه لمن صرت اخاف علي نفسي صرت امشي بالغلط واكون علاقات وانا مدري وش اسوي واطلع واروح وتعرفت لي علي واحد يخاف الله وكونا علاقه صداقه والصداقه تحولت حب بعد سنتين من العلاقه قررنا ننزوج وهو جاء وخطبني من خالي وشافني شوفه شرعيه نجي لبوي قالي شيلي فكرت الزواج من راسك لمن هاذا ولا من غيره ولمن كلمته قلت له ابي اتزوج وابعد عن خالي وولده قالي عيب عليك تطلبين مني الزواج تتوقعون اروح اطلبه من واحد بالشارع انا كرهت ابوي علي الي سواه فيني وفي امي وخواني اهرب من بيت خالي لاكن وين بروح اخاف ابي استر علي نفسي دعواتكم لي والرجال ينتظرني له سنه الحين وهو خاطبني ويبيني بأي وسيله
يارب سامحني واغفرلي ذنوبي



خواتي عطوني حل ابي اسمع حل يريحني من العذاب الي انا فيه

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم

يستطيع خالك ان يصبح ولي لك في المحكمه واذا اعترض والدك على زواجك تتوجه امك للمحكمه وسيكون القاضي ولي امر لك ويزوجك بعد ان يشوف اسباب رفض والدك اذا اسبابه فقط رفض من غير وجه حق سيزوجك القاضي .. رغم عنه .. خصوصا انك تربيتي بعيد عنه .. لان والدك ماعنده سبب يرفض الولد ..
توكلي على الله .. لكن استخيري .. واستشيري امك اولا واخير ..


__________________________________________________ __________

الله يصلح حالك


__________________________________________________ __________

لايجوز ان يمنعك والدك من الزواج ( بل الواجب في مثل حالتك ان تتزوجي مادام الرجل كفوء ) مع تحفظي بهذه العلاقة الهاتفية !!

وخالك ان لم يرتدع هو وولدة ، اخبري امك عنه واخوانك بذالك ( وهددية بالهيئة او المحكمة )

خليهم يجلدونه هو وابنه ( لعلهم يصحوا من غفلتهم ) كيف خالك في مقام والدك يفعل مثل هذه الأفعال ؟

سبحان الله والله المستعان زمن فتن !!


__________________________________________________ __________

يالله الله يكون بعونك ياقلبي خالك وولد خالك هدديهم أنك راح تبلغين الهيئه واهي بطريقتها تعاقبهم بالجلد خليهم يتأدبون وأما أبوك الله يسامحه غلط اللي سواه
وانتي تقدرين تتزوجين اذا اقترحتي ع أمك تروحون المحكمه والقاضي يزوجكم مع انه من الأساس علاقتك غلط لأن زي ماعرفك بيعرف غيرك عشر اذا انتي اول وحده عرفها بحياته كانت صعبه عليه عشان كذا اخذ الموضوع بجديه بس خلاصفرضا تزوجتوا بيصير الموضوع سهل عليه يتعرف ع مليون غيرك استخيري استخيري استخيري ماخاب من استخار الله يكون بعونك اما انك تتزوجين بس عشان تفتكين من خالك وولده فزي ماقلت لك قولي لأمك وفهميهم انك راح تبلغين عنهم وراح ترتاحين نفسيا ولاتقطين عمرك هالقكه وتتزوجين من واحد متعرفه عليه بالجوال الله يهديك بس


__________________________________________________ __________

روحي انتي وامك المحكمه وبيزوجك القاضي غصب عن والدك ما دام مافيه سبب مقنع