عنوان الموضوع : عدم اهتمام خطيبي لي الطبيب يجيب
مقدم من طرف منتديات نساء الجزائر

عدم اهتمام خطيبي لي



السلام عليكم ورحمة الله وبركاته ..

كيف حالكم , عساكم طيبين ..

اول شي انا مخطوبة .. يعني لسه ماتزوجنا فعلي ,

اول مانخطبت كان خطيبي معي بكل وقت يسأل عني وعن اخباري
حتى عن اكلي يسأل ,

وانا نفس شي ما اتركه ابداً وابادله نفس الشعور ..

للمعلومية انا ما اشوفه بس اكلمه من وقت لثاني عالجوال ,

كنا لما نسولف حتى سوالفنا خفيفة وبينا حدود ونضحك

جد حبيته وتعلقت فيه

بس مع الأيام بدا يقل اهتمامه بشكل تدريجي

يعني صح مرات اكلمه وبعد السوالف اسكت , احس خلصت سوالفتي :$
وهو يلومني على هالشي بس احاول قد ما اقدر اسعده واكلمه واهتم فيه ,
واسأله كيف دراسته واختباراته ,
ومرة كتب لي ان احبك , سامحيني على تقصيري معك انتي تستاهلي اكثر واحسن من كذا بعدين كتب أسف مرة ثانيه , واحبك < كنت نايمه قريتها لما صحيت
وقلتله ان انا من جد احتاج اهتمامه ومايمنع هالشي انه يطلع ويستانس بس ماينساني !


ماتتخيلون قد ايش حبيته وهو كان يحبني
بس مدري ليش قل اهتمامه لدرجة ان صار مايسأل !
والحين فترة اختبارات وهو لسه مابدت اختباراته .. مايسأل عني
مايسأل ذاكرت ولا ماذاكرت , مايسأل شسويت بإمتحاني وكيف كان ,
عكس قبل ! يسأل واول ماتطلعين قوليلي ايش سويتي

الحين ابد مدري ياعالم شفيه ! والله العظيم انّي لسه مهتمه به واقول بسكت عنه فتره مابكلمه يمكن يرجع لي بس قلت لا هو يحبني وقمت اعشم نفسي ,

هو يحب السفر ! من قبل قبل مايسافر بأسبوع ولا بأسبوعين يقول لي , الحين يسافر بدون مايقول لي , اكتشف من البيبي بالوقت اللي بالبروفايل حقه !

ياعالم وش السالفه , حاولت قد ما اقدر بس مافيه فايده

اكلمه اهتم به اسأل عن صحته للحين , دايما اوصيه على نفسه وابيّن لك وش قد احبه

البارح , فصلت خدمته واليوم رجع ومسوي سكرين كابتشر لمدري من مرسل له " بتفعلها ولا افعلها لك " ؟
والخط مزخرف هالشي شككني يعني احس الاولاد بالعادة مايهتمون بهالشي ,
بعدين هو رد احتمال افعلها بعد الاختبارات , وباقي الكلام اللي هو كاتبه مغطيه عشان محد يقراه

بعدين نفس الشخص رد مو بكيفك والباقي مشفر نفس الشي ,

بعدين هذا الشخص نفسه ارسل له بطاقات تفعيل الخدمة ولما فعلها كاتب ببروفايله فديتك ومدري ايش , هو بالعادة لما يمدح شخص ولا شي يكتب اسمه الحين ابد ويرسل برودكاست وكاتب اهداء للي فعل لي الخدمة ,
وبعد ماتغير لما يكلمني يكلمني بأسلوب شباب هذا اسلوب التحطيم ومدري شلون !


مدري هذا شك او هوس لآن صار مايهتم فيني , قولوا لي وش الحل ,,
هو شخصيته قوية وانا ضعيفه بالنسبه له , انا تخنقني العبره على اقل شي واسامح ولا ازعل منه ولا من اي احد , اخاف يقول لي كلام وانسى كل اللي في بالي واحن واسكت

وش الحل

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

اول شي انا مخطوبة .. يعني لسه ماتزوجنا فعلي ,

مافهمت يعني تم العقد اللي هو عقد القران ولا باقي ..؟؟

ان شاء الله الاخوات يفيدونك..
للرفع..



...


__________________________________________________ __________

اتركيه لا تغلطين نفس غلطتي
كان زوجي وقت الخطوبه ما يهتم وبعد الزواج كاني قطعة اثاث عنده
وانا الحين مطلقه من يومين
وانا اللي طلبت الانفصال عنه الانه مو كفو


__________________________________________________ __________

اذا منتي عاقدة قرانك مايجوز تكلمينه اما اذا عاقدين فخليه فترة وطنشي وانتبهي لدراستك ماينفعك الاهي . يعني اثقلي , اثقلي . بعدين هو الي بيجيك بعض الرجال طبعهم كذا يشوف نفسه ويتغلى . وبالتوفيق


__________________________________________________ __________

أنت مخطوبة من مدة طويلة ؟
أحيانا الخطوبة الطويلة تعمل ملل أو روتين
خففي اتصالاتك معه ،، خليها كل فترة وفترة
اكيد حيصير يشتاقلك ويشتاق يحكي معك


__________________________________________________ __________

اتركيه فترررره خليه يحس بدمه

كم عمره ؟؟

خلك جبل ثقيييييييله ولاتدقين

يتدلع ويتغلى على امه مو علينا هههههههه