قررت اتطلق وهذي أسبابي ومحتاجة مشورتكم -لصحتك

[aksachli]

عنوان الموضوع : قررت اتطلق وهذي أسبابي ومحتاجة مشورتكم -لصحتك
مقدم من طرف منتديات نساء الجزائر

قررت اتطلق وهذي أسبابي ومحتاجة مشورتكم



السلام عليكم ورحمة الله
انا تقدملي شخص بدا لأهلي انه انسان كفو ومحافظ على دينه وصلاته مع انه ماكان موظف وشهادته ثانويه وكنت رافضته لهذي الأسباب لأني ابي واحد جامعي مثلي وطموح لأني كنت ناوية اكمل دراستي بس اقنعوني انه ميسور الحال وان عنده اعمال حره وان الشهاده مو ضروريه وياما ناس معاهم دكتوراه وصعب التفاهم معاهم وعلى هذا الأساس وافقت وتحت ضغط من اهلي واستمر زواجي ست سنوات ..
المشكلة بدت من أول يوم عرفته اكتشفت انه شخص بسيط جداً بتفكيره اقصد يتصرف مثل الشيبان بالضبط ونظرته لي اني انخلقت للطبخ والحمل وبس
النقاش بيننا معدوم على أتفه الأمور.. انسان متردد متهور مزاجي يعاني من عقدة النقص اللي يهذلتني وانا احاول اعالجها فيه ومانفع
بالنسبة للوظيفه هو عاطل ويحاول يكسب من معاملات او دلالات اراضي يعني يوم عنده فلوس وعشره لا وماعمري كلفت عليه ولاطلبته شي
اما بالنسبه للجماع هو جداً خجول وصامت وجاهل مايعرف من امور الجنس والمداعبه شي وماعنده اسلوب يبي يخلص وهو مستحي وينام واكتشفت انه يعاني من ضعف انتصاب وسرعة قذف ويتعب بسرعه وماعنده نيه يتعالج او يتغذى بشي يقويه ومرت الأيام وحاولت اتأقلم ع الوضع وارضى بنصيبي وكنت انا من يتولى غالباً موضوع الفراش واساعده عشان مااتعب وامل من السالفه بكبرها وهذا اللي صار لي مع مرور الوقت لأني نادراً ألقى راحتي معاه وتكون عن طريق يده.. واللي زاد المشكلة اني انسانه متطلبه وكنت اتمنى حياة جنسية افضل من كذا .. صرت اجامله واكتم بنفسي ومابينت له معاناتي لأني ماابحسسه بالنقص ولأنه مثل ماقلت نظرته بدائيه للمرأه ولو قلت له انا احب كذا او ابي كذا يعيب علي ويعتبرني ماتربيت ويمكن يشك فيني ففضلت السكوت وومع الوقت كرهت الجنس جداً وصرت انفر منه وامتنع عنه..
وحتى اهم شي كنت احلم فيه واتمناه انه يضمني كان يرفضه ويتحجج مره يقول مكتوم مره جسمي حار وهو يبي البراد ومره شبعان لاتضغطين على بطني ومن هالأعذار .. يمكن تستغربون كلامه بس قلت لكم بدائي وجاهل وماعنده اسلوب حتى السلام وهو داخل البيت مايسلم ولايحط عينه بعيني ..
النقاش بيننا معدوم وكل ماحاولت اتفاهم معاه على اي شي يصعد الموضوع ويقلبها مشكله وبالأخير تنتهي بطردي .. دايم يطردني بمجرد مايعصب لأتفه سبب وهذي الأسباب خلتني ماافكر بالإنجاب لين تستقر امورنا وارتاح معاه لأنه كان دايم يهددني بالطلاق..
تقولون وش صبرك .. اقول ظروفي عند اهلي قبل اتزوج كانت سيئه وزوجوني يبون الفكه والخلاص مني وكنت اخاف ارجع ويخذلوني هذا في البدايه
وبعدين انا تعودت عليه وصرت ارحمه واشوف طيبه هو معدنه طيب وحنون لكن احساسه بالنقص معي خلاه يظلمني مع اني والله ماعمري تكبرت عليه او حسسته بأي شي وحتى شهادتي اللي تفضلني عليه ماكملت دراسه ولاتوظفت
مرت الست سنوات على هالمنوال وبكل سنه يقول نفس الجمله انا طول السنه ماعمري يوم فرحت فيه وانتي معي واذا سألته عن السبب يقول كلك على بعضك غلط ولازم تروحين عند اهلك واطنش ماكأني سمعته لين جا يوم قبل شهرين عصب على مشكلة تافهه جداً واتصل على ابوي وقاله تعال خذ
بنتك وجا اخذني ولليوم انا عند اهلي وطلبت الطلاق ..
اهلي الحين اختلف رايهم عن زمان وصاروا متعاطفين الحمدلله معي جداً وحسوا انهم ظلموني وماحاولوا يضغطون علي بالرجوع
المشكلة ان زوجي كل الست سنوات يعاملني بجفا ويتمنى اليوم اللي افارقه فيه واطلع من البيت وبعد ماانطردت وتحقق حلمه تغير جذرياً وندم حسب مااشوف بمسجاته واتصالاته يقول ارجعي والله ماتندمين وانا احبك واموت فيك ومن هالكلام اللي عمري ماسمعت حرف منه وانا عنده ويطلبني اعطيه فرصه ثانيه وانا اقول ماعاد بقى بعمري وقت للتجارب وهذا غير اهلي اللي بيحتقروني ولاراح يساعدوني لو رجعت لهم مره ثانيه لأنهم رافضين ارجع له بالذات وانا ماعندي اطفال منه..

ذبحني هالآدمي بتردده ومزاجيته ست سنوات ليل نهار يطلب مني اروح بيت اهلي واتطلق ولما صار اللي يبي وبكيفه هو اللي اتصل وطرردني تغير رايه ويبي يرجعني

الزبدة .. احس اني انا وياه ضحايا غباءه وكل يوم يرسل مسجاته وابكي حزن على نفسي وعلى تصرفاته وبديت احن له بس كرامتي راحت وانا تحطمت وتعبت نفسياً معاه .. بعد اللي قلته هل افتح المجال معه مره ثانيه واتجاوب معاه وللا اقسى وانساه واستمر على موقفي بالطلاق واقول مصلحتي انا وياه هو يرتاح مني ومن عقدة النقص وانا ارتاح من التحطيم كل يوم ولأني اخاف انه بس عشان فاقدني بالبيت يقول كذا ولو رجعت بيكون مؤدب معي شهر وبعدها يرجع لعوايده .. تكفون عطوني رايكم بكل أمانه وجزاكم الله خير

أختكم ؛

>>>>> ردود الأعضـــــــــــــــــــاء على الموضوع <<<<<
==================================

شوفي ياعسل اولا الله يعينك ويفرج همك ويستر عليكي دنيا واخره
ثانيا لو عمرك صغير وتعرفي انه ممكن تتزوجي من بعده لا ترجعي له لانه اللي ماتغير في 6 سنوات ماراح يتغير في يوم وليله
والاهم من هذا لا لا لا ترجعي بدون رضى اهلك لانه لو رجعتي وهم مو راضين موقفك صعب جدا لو رجعتي لهم مره ثانيه
استخيري والله ييسرلك

__________________________________________________ __________

طيب يالغاليه ليش ماتشوفين وترجعين له
يعني تعطينه اخر فرصه يمكن حس بغيابك غلطته
وانتي قدري المده مشى عدل اوكي
مامشى ارجعي لااهلك ويمكن يجيك نصيب ثاني
بس حطي ببالك ان كل الررجال مافيهم اللي كامل
فيهم كذا وكذا والله يكتب اللي فيه الخير
وصلي استخارة

__________________________________________________ __________

اول شي استخيري ثم استخيري ..
واكثري من الـإستغفار..
بنهبك على نطقه مهمه جدااا بالنسبه للتعليم

انا زوجي معه الماجستير اقسم بالله كانه معه ابتدائي
لاتعامل ولاطيبه ولاشي وشايف نفسه علي بعد مع انه ماعنده لااسلوب ولااخلاق ولاحسن معامله لابشكل عام ولاخاص
اقسم بالله تمنيت اخذ جاهل على الاقل اعلق سبب هل تصرفات الجهل ولااخذ متعلم وكذه..

الله يسهلك..

__________________________________________________ __________

حبيبتي ~

الطلاق امر صعب جدا
دوري له ايجابيات بتحصلين اكيد
تكلمي معه بوضوح عن كل الامور الي كارهتها
واطلبي التغيير منه
وشوفي اذا صاار في تحسن الله يكتب لك الي فيه الخير
واذا لا
القراار بيدك
اتمنى تفكري عدل قبل تاخذين اي قراار
واستخيري افضل

__________________________________________________ __________

والله يا حبيبتي مدري وش اقولك ...
يا قلبي استخيري الله ..بعدين اكيد هو فاقد حسك بالبيت اخت زوجة اخوي كذا زيك تمام وكل ما طردها ببيت اهلها يرجع يتأسف ويقول ما عاد اعيدها ويرجع لعااادته والحين تطلقت وعندها بنت قالت خلاص ذيل الكلب عمره ما ينعدل اكرمكم الله
بس نصيحتي اعطيه فرصه اخيييره كم شهر لو رجع لعوايده خلاص الحقي نفسك بصراحه وربي يسهلك امورك