عنوان الموضوع : مادري انا اللي خطأ والا الخطأ في الناس -تم الاجابة
مقدم من طرف منتديات نساء الجزائر

مادري انا اللي خطأ والا الخطأ في الناس



السلام عليكم ورحمة الله وبركاته،،
وربي حالتي النفسيه في الحضيض من هالموضوع تكفون اقرءو الموضوع كامل وحلوا مشكلتي اتمنى كل من يدخل يرد ويخفف عني لو بدعوه،،
بقول لكم قصتي وساعدوني ،
انا طالبه سنة اولى جامعه وتعرفون جامعات الرياض كبيره،
اكتفيت بصحباتي اللي معاي في المدرسه ولا تعرفت على احد من الجامعه
في اول الامر كان كل شي تمام بس بعدين صحباتي تعرفوا على بنات وحبوا هالبنات ،،وصرت احسني ثقيله عليهم كل وحده منهم تبي تروح مع حبيبتها وانا معاهم لزقه مايدرون فين يحطوني ،، المهم ان صحباتي صاير بينهم اسرار واشياء مايبوني اسمعها وربي شعور يقتل اذا حسيت اللي حولك مايبغونك تسمعين وش يقلون،،
المهم دائما يقون لي لازم تحبين وتخاوين زينا،
انا عارفه نفسي مستحيل اسوي علاقة مع اي بنت واخاف الله ابوي ملتزم وله منصب في الهيئه،ومربيني عدل
بس اخاف انحرف وربي افكار تجيني الشيطان يلف راسي لف
واقول لنفسي لو اسلك طريقهم يمكن اصير متفتحه الحين مو بس صحباتي اللي مايبغوني اسمع كلامهم حتى بنات اقاربي يتكلمون بصوت واطي اذا كنت جالسه معاهم ..
شعور غريب اتمنى الارض تبلعني ولا يسوون هالحركات ،،
طيب وش ذنبي ذنبي علشاني اخاف ربي ولا احب حركات البنات البايخه،،
انا الحين فقدت ثقتي بنفسي احس ماعاد لي شخصيه احسني مكروهه من الجميع ،،مع ان هذا غلط انا اعرف اني محبوبه
بس مادري ليه يجيني هالشعور مع ان صديقاتي كثير ويقدروني ويقلون احنا نستحي لانك الوحيده اللي ماتحبين
بس انا لما اشوفهم يتكلمون بصوت واطي اقول لو اصير زيههم ماراح ينطشوني وبيتكلمون معاي .
المشكله مافيه بنت الحين ماتحب حتى وحده من اقاربي ملتزمه مررة ودائما تنصحني عن الحب وتقول اتمنى ماتجربينه لقيتها هي بنفسها تحب وربي صدمتي فيها قلبت موازيني
الحين ابي اعرف احد مر بمشكلتي،،
وش الحل والله اني استغفر وادعي والحمد لله مااترك قراءة القران ولا الصلاة
بس انا ماكنت كذا الحين صرت حساسه كل حركة تأثر فيني
وليه اذا تكلموا يتكلمون بكلام واطي،،
ليه مايبوني اسمع ،،
انا مو فتانه ولا حب انقل الكلام ،،بس
البنات الحين يبون وحده تحب علشان تفهمهم ..
فيه احد مثل شخصيتي مايحب هالحركات ،،فيه احد حس بالتجاهل من الناس
يمكن كلامي مو مرتب اعتذر بس ،،صرت احس اني انسانه مالي مكان
بهالدنيا انسانه ثقيله ع الجميع،،

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
للرفع ..


...


__________________________________________________ __________

حبيبتي انت لازم تلاقي رفيقة تكون ملتزمة و تكون مثل اختك مو ضروري انو كل البنات سيئين اصلا انت عم تضري حالك بابتعادك عن الناس لازم انك تخالطي المجتمع بس طبعا مو اس شخص بس اللي سيرتو منيحة و تقبلي مروري


__________________________________________________ __________

انتي الصح وهم الغلطانين

لا تسوي مثلهم وطناشهم لك وكلامهم بصوت واطي هذا لانهم يستحون منك ويعرفون انهم ع خطا


نصيحه لك اختي اجعلي القران هو رفيقك في اي مكان اذا حسيتي انك وحيده والكل مطنشك اقراي قران حملي القران بجوالك وابدائي اقرائي فيه اختميه كل اسبوعين مره او كل شهر

صدقيني ماراح تحسين با الوحده ابد وراح تشعرين بساعده كثير

وش تبين با السوالف مع زميلاتك كلها حش ونميمه وكلها وساخه في وساخه


__________________________________________________ __________

وش تبي فيهم اتركيهم ولا تعبري اي احد منهم وش لك بلحرام الي مثلهم مفروض انتي من نفسك تتركيهم وتحاولي تتعرفي على بنات مثلك وخليك واثقة من نفسك انهم هم الي على غلط وانتي ااصح
الله يبعد عنك شرهم وخليك قريبه من الله ولا توسوسي الوسواس من عمل الشيطان
لو انا مثلك والله حتى ماعبرهم بقلبي ولا بذكرهم لا بخير ولا بشر
ولو انتي تحبيهم صدق ذكريهم باالله وان الي بيعملوه حرام
انت ذكرتي ان ابوك له منصب في الهيئه خليه يجيب لك كتب ووزعيها عليهم يمكن ربي يهديهم على يدينك ويرجعو عن الغلط
ا


__________________________________________________ __________

البرتقال العفن ماينحط مع البرتقال العدل ليه ؟؟!

اعتقد الاجابه واضحه ! =)

وانتي مثل الشي حبيبتي

انا اشوف تغيرين ربعج لان الدنيا ماتوقف على حتت بني آدم ^.^

دام عندهم حبايب وانتي ماتحبين هالشي وعارفين انج ماترضين

تتوقعين لييه يتساسرون !!!!!!!!

ببساطه لانهم دارين انج لو تدرين بتنتقدينهم وبيطيحون من عينج هذا اقل شي

وانا لو اني بمكانج بمشي موقف موقفين بس بعدها ماراح اسكت وبقولهم ويل لكل همزة ٍٍلمزه

واذا في هم حيا بيتسنعون وبيعتذرون ولا راح يعيدونهاا :*