عنوان الموضوع : حياتي ضاعت وهمومي زادت ساعدني ياخواتي ولاقولي حل الطبيب يجيب
مقدم من طرف منتديات نساء الجزائر

حياتي ضاعت وهمومي زادت ساعدني ياخواتي ولاقولي حل



بسم الله الرحمن الرحيم
أتمنى من الأدارة ماتحذف موضوعي لأني التجأت لكم بعد الله وأبي العون منكن ياخوات
والله العظيم أن هالكلام اللي راح أقوله مايعلم فيه الا انتن ياخواتي من بعد الله عز وجل ..انا تشجعت أقول قصت حياتي من لما شفت المشاكل اللي تنكتب والحلول اللي منكن ..تشجعت وتفائلت كثير أني الاقي منكن المساعدة والعون بعد الله سبحانه ..أنا راح اقول كل شي ويشهد الله أني ماراح أزود أو أنقص شي والله ودي لو فيه تسجيل صوت لصوتي يمكن يكون أسرع تأثير بس عندي أحساس أنكن راح تقرأن مشكلتي بعقولكن وقلوبكن أمانه لاتتركني
انا حاسه أنه حياتي كلها غلط بغلط وأني كنت ضحيه
ماراح اطول عليكن راح أبدأ
أنا فتاة عمري 23أسرتي هي أبوي متزوج 3 حريم
مرته الاولى وهي مطلقه حاليآ لها 7بنات و5أولاد
وأمي الثانيه لها 5أولاد وبنتين اللي هي أنا وأختي الصغيره وزوجتة الثالثه قبل فترة تزوجها
راح أبدأ بأبوي عشان تفهمون حياتي ..أبوي رجل تقريبآ عمرة بال60 وحيد الأم والأب له أخون وخوات من أبوة ..توفت أمه وهو عمرة تقريبآ 6 سنوات وعاش يتيم كان جدي الله يرحمة يخليه يرعى بالغنم ودخل المدرسة بس طلع من أول سنه ماكمل هو أمي مايعرف يقرأ أو يكتب
كانت جدته تربيه وجده لما توفو وصار عمرة بال15 سافر وتعرفون هالسن ايش يصير فيه ..الله يهدي أبوي قلن آمين ..المهم سافر لكل مكان برا وداخل المملكة كل الديار راح لها يشتغل بس بالمقابل عاش مرحلة الضياع تعرف على ناس كثيره كان مايصلي والله يهديه عمل معاصي كثيره ..وصار ياكل حبوب مخدره على اساس أنه ماينام بالشغل وأدمن عليها يعني صار لازم ياكلها يوميآ المهم أنه عمل ذنوب ومعاصي كثيييره تشيب بالراس الله يهديه والله أني أبكي وأنااكتب مقهورة أني أقول عن أبوي هالكلام والله ماني قادرة أكمل احس أنه راح ينزل من عيني زيادة يعني ذنوووب عظيمة ولاحول ولاقوة الا بالله .وبعد مده من سفرة وروحاته وجياته رجع لقريتهم ولقى أهلة خاطبين له تزوج بس ماكان يحب زوجته على كلامة لنا أنه مايحبها المهم جابت منه 5أولاد و7بنات وبعد ثامن مولود له راح وتزوج امي وهو سائل عنها وعاجبته وياااليته ماتزوجها وياليتني ماجيت على هالدنيا ,تزوج أمي وأمي كانت من قبيله وأبوي من قبيله ..وكان الاغلبية من أهل أبوي مايحبون أمي طبعآ كانو ساكنين بقرية ولما صار عمري 3 سنين نقلنا للمدينه ..ومن هنا بدأت مشكلة حياتي العظيمه ومن هنا بدأ الألم آآآآه ليتني ماطلعت على هالدنيا ..سكنا بالمدينه وكان أبوي مش عادل بين حريمه كان يحب أمي أكثر وكان عندها طول الوقت مما زاد كرههم لنا ..مع أنه أبوي طبعه شيييين مرررة عصبي عصبي عصبي بشكل غريب ..المهم كنا ساكنين فبيت واحد ودايمآ مشاكل وخناق بيننها حنا يالاولاد كنا صغار بس أخواني من أبوي اكبر منا
ولما وعيت ووعى عقلي صارت لي أول حادثة أغتصاب حسبي الله ونعم الوكيل من الكلب أخوي من أبوي الحيوان المنحط الوقح حسبي الله عليه تخيلو أنا كنت صغيرة وماعرف ولاأدري وش السالفه ..وأحط اللوم على امي اللي مااهتمت فيني ولاقالت لي وش الصح ووشو الخطأ حسبي الله عليهم كلهم ..أساسآ كان بيتنا كله وصخ من ناحية الاخلاق ؟انا أحس أنه الله يعاقب أبوي فينا عن جد يابنات أبوي عمل ذنوب عظيمه الله يسامحه كانه دهورنا ودمرنا وصرنا ضحية عمايله كان شمات مايخلي أحد بحال سبيله ولاخلى حرمة الا وأتهمها بشرفها والله يحز بخاطري أقول هالكلام بس غصب عني عجزت وانا صابرة وساكته ومالقيت الا انتن افضفض لكن
المهم لما أغتصبني الكلب قال لاتعلمين أحد وانا طبعآ لأني ماعرف شي سكتت ..وياليتني ماسكتت بس والله العظيم كنت طففله ومافهم شي والمشكله انه تمادى الحيوان وأغتصبني أكثر من مرة وكان يسكتني بلعبة والله أذكر مرة جيت عندأمي وكانو كلهم جالسين أهلي بالمجلس وأنا خايفه ولاصقه بأمي واوريها ايش أعطاني كان معطيني حلاو وكنت أبغاها تسالني ليش اعطاك بس ماسألتني وهو الحيوان مبسوط واتوقع انه من كرهه لأمي كان حاب ينتقم مع أنه والله يشهد كانت طيبه معاهم بس ماعرفت تحافظ علي آه ليتني مت وأنا صغيرة أريح لي من العذاب اللي عايشه فيه وتقريبآ أغتصبني 3 مرات ..وأكثر من مرة كان يدخل صبعه بقوة فيني وكنت اتاألم وأحاول أهرب بس موقادرة ..و؟أمي تاركتني
كبرت وكبر همي ,,وأنا أتوقع أن الله يعاقب أبوي على فعايله أنا عشت فبيئة وصخه كان كل اللي حولي تفكيرهم بالجنس وانا مادري وش السالفه كل أهل البيت صار وكبار بنات وعيال دايمآ يسوون حركات وصخه والله العظيم ياخواتي هذا اللي كان يصير واحد يغتصب الثاني ولما كنا نروح لخوالي نفس الحكايه وكان وحد من عيال خالي حسبي الله عليه وصخخخ بكل ماتحملة الكلمة من معنى اذا جينا كان يناديني ويحاول يسوي فيني حركات وانا خايفه لين ماأغتصبني الثاني حسبي الله عليهم الكلاب
حتى بنات خوالي كنا صغار وكانو ينادوني ووحده منهم تسوي العاده السريه قدامي وأقسم لكم بالله كنت صغيره ولاأدري وش يسوون
ولما صرت برابع وقعت بالعادة السريه ليش مادري والله العظيم مادري وانا ماعرف شي عن الشهوة او الجنس بس كأنه الله يعاقب أهلي والله ماكنت ادري بس كذا فتنه وأستمريت فيها لين ماجيت المتوسط ونقلنا فبيت ثاني لما دريو أهلي أنه الكلب كان يعتدي بعد على أخوي الصغير ولما شفت صياح امي وخناق أبوي وضربه للكلب أخوي من أبوي خفت كثييير وسكتت وماقدرت اقول لأمي وش صار فيني وطلعنا فبيت لحالنا وانا بأول متوسط ..وعشت حياتي وكنت امارس العادة السريه فتنه والله فتنه ايه صح قبل لاننقل شافتني أمي وانا أعمل العادة وضربتني بس ياليتها ذبحتني لأنها مافهمتني أنه البنت تخرب ولا شي الضرب مو اسلوب
ياليتها قالت لي أنه البنت مايصلح تسوي كذا ياليت ياليت والله أني اذا تذكرت حياتي ودي اذبح نفسي عشت بمجتمع وصخ وقذر ..كنت أسوي العادة بأستمرار حتى لما كنت أروح لدورة المياة أكرمكن الله كنت أشوف اشيأء بيضاء تطلع مني ولاادري وشي حتى فترة كنت لما ادخل الحمام اقضي حاجتي كان يجيني الم فضيع ماأقدر أسوي شي الا وأنا ضاغطة عالمنطقه بقوه عشان ماأحس بالألم ..وأتوقع اني مش بكر على اللي صار لي ..وتركت العادة السريه وأن بثاني متوسط ...وكنت انام بغرفه لحالي وكانت عندي الشغاله وأخوي الصغير هو طفل منغولي ومن لما جابته أمي ونا متعلقه فيه بالمرة جابته وأنا بأول ابتدائي وتعلقت فيه والمهم صار ينام عندي وكل ش عندي وهو الحين عمره 17 سنه بس جسمه صغير اللي يشوفه يحسب انه طفل بثاني ابتدائي ..المهم مرة من المرات كنت نايمه الصبح بالغرفه والشغاله نازله أمي راحت أرسلت واحد من أخواني اكبر مني بسنه يصحيني للمدرسة أنا كنت بثاي متوسط وهو بثالث متوسط الله ياخذه انشالله وأنا بفراشي حسيت بشي وانا أفتح عيوني الا هو حاط يده عالمنطقة الحساسه وأنا كنت متغطية بالبطانيه خفت وهو لما شافني أرتبك الكلب ونزل وأنا كنت خاااايفه بقوووة ومادري شسوي نزلت ولا قلت لأمي ليومكم هذا ولاأكلمة واكرهه كرة الموت وكل ماصليت أدعي عليهم هالثلاثه اللي دمرو حياتي كلللها وهدمو فرحتي ...
كلهم دمرو حياتي اهلي وأمي وأبوي وخوالي وكل شي حواليني كرهته
مرت الأيام والسنين وانا ساكته وصابرة وأدعي ربي كل ماصليت تحطتم وتعبت وكل ليله كل ليله أبكي ولما جيت ثالث ثانوي خطبني ولد خالتي خفففت كثثثير وبكيييت وقلت لأمي لا مو موافقه مع أني والله يشهد كنت اموت فيه لما كنت صغيره كان يشتري كل شي وكان حبوب مرة هو وأخوانه وخواته لين ماتعلقت فيه وصرت أحبة كنت أحس معه بالحنان والراحه ولما كبرت وتغطيت عنه زاد حبة أكبر وأكبر بس لما أتذكر واقعي المرير أصييييح وأحس أني ماأستاهله وكنت اتخيل ايش راح يكون موقفه لما يعرف أني ماني بكر ..ورفضته وبعد سنتين تزوج بنت خالي وأنهرت لدرجه ماتتخيلونها وأكذب عليكن اذا قلت نسيته او مااحبة بس الشكوى لله ..كان بيتنا كلله مشاكل وخناق وأبوي الله يهديه كان مايصلي وبس زعلان ودايمآ يزعل على امي اذا تأخرت وماجته للغرفه بدري كنا كلنا نعرف أنه همه الفراش والجماع هذا كان هم أبوي وكان بس ماسكلي خلق الله ويضحك عليهم ويشمت بأعراضهم وكان بس يدعي علينا بس يدعي تخيلو مرة من المرات كنا بعطلة صيفيه وانا بثاني جامعه كنا سهرانين بالليل ونلعب انا وأختي الصغيرة وأخواني الصغار وصرخو هم انا ماكنت أصرخ هو سمع الصراخ ونزل من الدرج وناداني وجلس يخانق وكنت أقوله مو أنا وكان يتدعى علي بأعلى صوت والله بأعلى صوت كان يقولي الله ياخذك الله يفضحك بشبابك ياعلك للسرطان اللي يذبحك كانت الساعه 3 الفجر انا رحت لغرفتي وجلست أبكيييييييييييييييي والله بكيت لين مانمت ولاحسيت بحالي انقهرت أبو يدعي على بنته بالفضيحه وكان دايمآ يدعي علينا ويدعي علي أنه الله مايوفقني بحياتي ودراستي وبزواجي مايدري اني كرهت عيال آدم كلهم بسبب حياتي اللي عشتها ..وكان يدعي على أمي أمي تبهذلت معاه صار فيها السكر والضغظ والبهاق الله يعوضنا بالجنه ماعمرنا حسينا معه بالحنا أبد مأأذكر أني ضميته أو جلست بحضنه مرت علي فترة صرت أكررررهه والحييين بعد ماتزوج الحمدللله أرتحنا شوي
والله فيه أشياء كثيرة ماقلتها أدري ولا 10 صفحات يكفن بس انا والله من الضيقه اللي فيني التجأت لكن بعد الله أبيكن تساعدني والمشكلة انه بعد مادعى علي بالسرطان والعياذ بالله ..بعدها بفترة حسيت بورمة بصدري تحت الحلمة وليومكم هذا وهي فيني وتؤلمني كثير لها 4 سنين بصدري قلت لأمي بالبدايه وأمي خبرت أبوي وأخوي وطنشو قلت بما أنهم ماهتمو .
صرت اتناسى أمر الورمة كانت أحيانآ تسبب لي نغزات مؤلمة بس اروح لغرفتي وأبكي وأصلي وأدعي ويصير عندي ما زمزم وأغسل فيه ويكون عندي زيت مقري فيه أدهن صدري منه وأرتاح شوب بس انا ماأستمر
...المهم أنا الحييين كارهه نفسي وأهلي وحياتي يائسة من كل شي الا رمن رحمة ربي ..أحس أني ماني مثل البنات وفيني القولون العصبي ودايمآ زعلانه ودايمآ ابكي ومرة نفسيتي تعبانه وزيادة على كذا معي التهابات مهبليه ورائحة كريهه تطلع من مهبلي لما أقضي حاجتي أكرمكم الله وقلت لأمي أكثر من مرة بس مافيه فايدة مرة سوت لي مادري ايش خلطة مع زيت وقالت حطيها عالفوطة اذا غسلتي بس مافيه فايدة وصرت أنقع مرة بعلب وأغسل فيها وأغسل بملح بس مافيه فايدة
والله تعبت وبطني كبير شوي مش على جسمي وأقول لأمي دايمآ تقول مادري وش اسوي فيك هو من القولون والأنتفاخ يبين كبير ودي مثل البنات
آه والله مادري شسوي ...خايفه أهلي يغصبوني ويزوجوني غصب وأجيب الفضيحه وأعرف الناس ايش راح يقولون بيقولون أمها ماعرفت تربيها ماراح يدرون عن حياتي ..والمشكله الكبيرة أنه ولد خالتي عرفت من فترة انه يحبني وقايل راح يتزوجني وهو ولد ماشالله دين وأخلاق وقبل كم يوم توظف والله كل ماصليت أدعي أنه محد يخطبني ولاأتزوج ..ومرة بنت عمي قالت لي أن أخوها يحبني من وحنا صغار والله أني أتعذب اذا قالو لي هالكلام ..انا أساسآ متعقدة من الزواج أولها مابي أخون اللي بياخذني وثانيآ أنا تعقدت صرت أكرة الرجال اذا تذكرت الجماع
..وعندي أخوي المنغولي متعلق فيني مرة بشكل ماتصورونة ينام عندي وأنا أغيرله وأغسلةوأعطية أكله وانا آخذه على نفسي وعد قدام ربي أني ماأتركة أبد وأهتم فيه وأعالجه حرام وش ذنبه أرحمه مسكين وأهلي ماعالجوة ولاأهتمو فيه ..وودي أكسب فيه أجر وانشالله أنه يشفعلي يوم الحساب قلن أنشالله ...بس مهمومة صرت ماأطلع ولاأروح ولاأحب أطلع من زمان عن الناس وكلن يقول عني معقدة ...أنا مو معقدة أول يوم احب الطلعات كان أبوي يحط مية مشكلة ومشكلة ويعيفني بالروحات كلها
تخيلو كان ليلة عيد يسوي أي مشكلة عشان يحلف انه مانروح أنا وأختي ونجلس نصيح أنا وأختي واذا وافق بعد معاناة نروح بس يومين وهاليومين بس يكلم ويخانق
والله أني عشت بمعاناة ماتكفيها كتابتي ..ياخواتي ويأمهاتي مليييت مليت من كل شي
الحين عرفتن مضمون حياتي ..انا خايفه الحين لأني خلصت دراسة هالترم وخايفه مادري وش راح يصير لي
ساعدني بدعوة بحل مناسب كنت دايمآ أتمنى أني أروح لطبيب نفسي أشرحلة حالتي والله أني كل ليلة اذا دخلت غرفتي وسكرت الباب تذكرت كل شي وجلست أصيح وأنام وأنا أصيح أدعي ربي لو ليلة أنام بدون دموع حتى بالنوم ماأرتاح ...والمشكلة انه هالكلاب تزوجو وجاهم عيال وانا كل يوم أعيش بخوف ودموع وهم
شورن علي ياخواتي
انا حاسة اني مش بكر أحس أنه لحمي من داخل مفتوح ...
أنا مابي اتزوج بس أبي اموت وانا شريفه وطاهرة
مع أني العام تقريبآ حسيت بالم مثل الم الدورة وعلى بالي هي جتني ورحت للحمام أكرمكن الله ولقيت دم خفيف على ملابسي وغيرت وحطيت الفوطة وبعدها ماجتني الدورة الا بعد أسبوعين تقريبآ
قلن لي وش أسوي انا مافيه امل أروح للمستشفى ولاأبي أروح خايفة أساسآ ماقدر من أهلي يجلسون يسألون مية سؤال وسؤال لين مايعرفون وين أنا رايحه وبعدين مستحيل أقول لأمي أمي من النوع الجاهل شوي ودايمآ هي بصف الولد ماعمرها وقفت معي عشان كذا تعقدت زيادة وكرهت العيال زيادة من معاملة أمي ...والله أني تبت وندماااانه وربي يعلم ..والله أني اذا شفت الأطفال أبكي من داخل ودي أرجع طفله واعيش البراءة من جديد ..دايمآ أهلي يخانقوني اذا شافوني مع عيال أخوي أو أي طفل وطفلة ويضحكون علي يقولون الطول طول نخلة والعقل عقل صخلة وهم مايدرون عن الحرقه اللي بداخلي...

والحين بعد ماقريتن مختصر حياتي أبي فزعتكن بعد الله ساعدني تكفن باللي تقدرن عليه بدعوة بحل بطريقه مناسبه ..انا مهمومة وماني عارفة وين أروح بين شرفي وبين الورم اللي بصدري وبين التهاباتي وبين نفسيتي اللي بالأرض والقولون اللي كل يوم متعبني
مادري شسوي المشكلة ماعندي أحد مقرب أبد أبد ولاأثق بأحد أبد وصرت اخاف من كل شي
أمانه معكن ساعدني وقفن بجنبي أعطني حلول أبحثن لي عن حلول
وانا سمعت أنه فيه تحاميل ترجع البكارة ..أبي وقفتكن معي أنا ماأقدر أروح لطبيب نفسي ولا أقدر أروح لمستفى ولا حتى طبيبة شعبيه ..اللي تقدر منكن تسألي او تبحثلي عن طريقة وتخبرني الله يرفع قدركن ساعدني
تكفن أبي أموت شريفه ..ادعن لي من قلب بالفرج وراحة البال
والف شكر لكن ياللي قريتن قصتي للنهايه
والسلام عليكم ورحمة الله
أختكن المهمومه لاتنسني

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته ....ياحبيبتي من جد حزنتيني وحسيت كاني عايشة معك هالمعاناة الله يكون في عونك لكن شوفي حبيبتي انتي غلطتي من البداية بسكوتك وكان المفروض تعلمي امك بس حصل الي حصل المهم الحين انك مايصير تضيعين الباقي من عمرك وسط هالعايلة المعقدة لازم تتزوجين وتشوفين حالك .
روحي اعرضي نفسك على دكتورة نساء وهي بتقولك اذا انت بكر والا لا ويمكن يكون عندك التهابات هي الي مسببة الريحة خلي الدكتورة تعطيك علاج .
الله يكون في عونك ولن انساك من الدعاء


__________________________________________________ __________

أسأل الله العلي القدير يارب يارب يارب يارب يارب اللهم أني اسألك بنوور وجهك اللذي ملأ أركان عرشك أن تفتح لها أبواب رحمتك وأبواب السعاده والفرح ويعوضك عن كل هم شلتيه حبيبتي الله لا يبتلي عبد ألا أذاكان يحبه ولي يصير لك كله تخفيف من ذنوبك أكثري من الأستغفار ودعاء وأذاتقدم لك رجل خلوق وملتزم وافقي بس أشترطي يكون أخوك الصغير ماتتركينه يعني بين كل فتره وفتره يكون معاك وأتوقع أبوك أذاهذا أسلوبه مابيهتم بأخوك سواء معاك أولا وأمك أقنعيها لأنه متعلق فيك وأنتي الي تهتمي فيه بس أهم شيء أنك تلتزمي بالدعاء وكثرة الأستغفار وأشربي ماء زمزم بنية أنك تكوني بكر واغتسلي به
والله ربي مارح يضيعك دامك معاه وأقسم بجلال الله لوأنتي مع الله ودايم تدعين ماراح يخيب أملك وبتشوفين بتعدي ذاك الليله على خير والله سمعت كثير بنات كانو زيك وخايفين والله سمعت دكتور وهو يطمنهم بأنهم بأذن الله ماراح يكشفونهو أزواجهم ماراح ينتبهو بس يتوبو ويدعو ويستغفرو بالنسبه للأفرازات أنتي حاولي تهتمي بنفسك يعني دايم أغتسلي ماء دافيء وملح دائم ونشفي المنطقه بعددخولك من الحمام دائم وأثناء الدورد لاتمشي بدون نعال خاصه بالسراميك ولاتشربي غازات ولا تتعرضي للبروده خاصه رجولك ورأسك لاتغسلي شعرك أول ثلاث أيام من الدوره وأطلعي في المنتديات عن الأشياء هذي الأهتمام بالمنطقه الحساسه وماراح أنساك من دعائي ربي يكون بعونك حياتي كوني مع ربك دائما


__________________________________________________ __________

لا حول ولا قوة الا بالله ا اختي كان الله في عونك بالنسبة للالتهابات اغلي البقدونس واشربي ماءه فانه جيد للالتهابات اما بخصوص الورم يجب ان تقولي لامك وتلحي عليها حتى تذهبي للطبيب وبخصوص العذرية ادا كنتي متاكدة انك مو بنت انا مرة قرات عن واحدة تزوجت خامس يوم بالدورة وكانت مو بنت وما كشفها زوجها ومشت الامور واتمنى من الله ان تكون عنايتك باخيكي المنغولي ستر ورحمة لك من الذي حصل وربنا يستر عليكي ويسهل امرك وعليكي بالاستغفار وقراءه القران الكريم وحاولي انك تنسي اللي صار وتعيشي حياتك وربنا يوفقك


__________________________________________________ __________

والله مشوااااااار حياتك محزن الله يجعله في ميزان حسناتك

الحل الوحيد اختي الجأي الى الله بقلبك الصدوق وهو لن يخيبك فهو ارحم بنا من امهاتنا وابائنا ابكي وانطرحي بين يديه واساله تفريج الهم والرزق الطيب
اسال الله العظيم بمنه وجودة وفضلة ان يسعدك سعادة الدارين ويبدل حزنك قرح امين


__________________________________________________ __________

ياقلبي وربي اني ابكي يالله قد ايش تحملتي..
بالنسبه للبكاره انا مااعرف شي يرجعك بكر اذا ماكنتي بكر بس راح ابحث..

يااارب يااارب يكون في عونك ياروحي

وبالنسبه للورم روحي المستشفى ولاتهملي نفسك

الله يكون في عونك

موقادره استوعب الي صار لك في حياتك

بادعيلك انا باسوي عمره وماراح انساكي ياقلبي

ربي يسعدك