عنوان الموضوع : اتهموني بالجنون وانا بكامل قواي العقليه !!! -لصحتك
مقدم من طرف منتديات نساء الجزائر

اتهموني بالجنون وانا بكامل قواي العقليه !!!



السلام عليكم ورحمة الله وبركاته
كيفكم ؟
بدخل في المشكله على طول , انا بنت عمري 17 سنه
بين عائله تتكون من 4 بنات وولدين
2 منهم متزوجات
علاقتي مع اختي الكبيره علاقه جدا بارده , ما احب اسولف معاها لأن كل شي عندها غلط وماتتقبل مني شي لأني في نظرها طايشه وممكن اسوي اي شي
واختي اللي اصغر منها تشكي لي وتفضفض لي واحل انا وياها مشاكلها سوا يعني بالعربي انا قريبه منها بس هي مو قريبه مني ولا احب اقولها شي , لييه ؟ لأنها تتمهزل علي بمجرد ما اشكي لها وتجلس تتريق على مشاكلي وفضفضتي خصوصا لما اقولها تعالي بقولك شي , تقول اووفففف ماعندك سالفه اكيد بسرعه اختصري ,, عشان كذا ما اقولها ولا شي ولا بيوم افكر اقولها لأنها ببساطه ماتقدرني ولا تفهمني
هذولا المتزوجات
اما اللي مو متزوجه ومعي ,, اكبر مني هي ,, قبل فتره عرفت انها تكلم واحد وبعدتها عنه و خليتها تنساه تقريبا لأني اخاف عليها ولأن ابوي وامي كبار في السن لو عرفو وربي لينجلطون ( بعيد الشر )
وهي معاملتها معي زي الزفففت مرره خايسسسه ,, تبغى كل شي على كيفها و برضو تتريق علي بس وتحطم ثقتي في نفسي .. ودايم تقول لي هالعباره " الله ياخذك ويفكني منك قريب "
وانا والله انقهر انقهر انقهر
وامي ابدددا امي ماتفهمني وتعتبرني انسانه صااااااااايعه وتشك فيني لأبعد حد لدرجة والله تجي وانا عاللاب وتقول لي مع مين ؟ اقولها صحباتي مثلا , تقول الله العالم ,, اقولها تشكين بتربيتك ؟ تقول انا ربيت بس ماطلعتي على تربيتي
غير انها كارفتني كرف في البيت وانا انسانه عندي اختبارات لما اقولها عندي اختبارات تقول الله من زين درجاتك كذا ولا كذا فاشله ياغبيه تعالي بس ,,
واختي متربعه على كفوف الراحه لا تشتغل ولا شي كل شي فوق راسي وفوق هذا يقولون للناس اني ما اشتغل واني ماسوي شي , وربي شوهو صورتي قدام كل الناس ماخلو احد ماقالو له اني انا بس جالسه واختي اللي تشتغل ,, والسبب ان اهلي يفضلونها علي كثير بكل شي وبأي شي ..
ولا ابوي دايم لما مثلا اتضارب انا واخوي او انا واخواتي " زي ماهو في كل بيت " يقول لي ياليتني ماشفتك في حياتي وياليتك مو بنتي انتي بالذات لأن انتي اللي تبدين لهم
لأني على قوله راعية مشاكل ,, وانا والله مو كذا بالعكس انا اللي يبداها معي ما اسكت له لو زوودها .. بس وربي تحرقني دعواته علي ولما اقوله لا تدعي انت اب ودعوتك تستجاب , يقول دام دعوتي عليك يارب تستجاب
بداية السنه نقلوني من المدرسه بدون علمي فجأه اليوم الثاني ابوي وداني مدرسه جديده وقال يلا انزلي ذي مدرستك .. انا انصدممت وقمت ابككي
وماتأقلمت مع البنات ابدا وفقدت صديقااااااااااتي
اجلس مع البنات والله بينهم شي غير طبيعي من مجااااامله وكذب ونفاق
وانا مره ما اقبل اسلوب الوقااااحه مرره ... او احد يقل ادبه علي ابدا و اذا تنرفزت يبان على وجهي بشكل غير طبيعي
وما احب احتك فيهم مره بس مظاهر عشان ما اجلس لحالي فقققط
الله يشهد علي اني اصلح بينهم واهون بيناتهم بين بس انا مين لي ياناس
صحباتي القدامى اغلبهم تخلو عني بعد ماتركتهم وهذا اثر علي اكثر
مابقى لي الا وحده من صديقاتي اللي اعتبرها اقرب من نفسي , صرت اتضايق لما يمر يوم ما اكلمها واخاف عليها ومستعده اضحي بأي شي بس ما افقدها
وبعدين من 4 سنوات تقريبا او 5 اسولف مع نفسي دايممما , احب اتكلم مع نفسي وبالساعاااات واتخيل ناس انا اعرفهم واتكلم ومندفففففعه وهالسنه زدت زدت زدت بشكل مو طبيعي صرت حتى لما ينامون كلهم اجلس بالصاله واتكلم مع نفسي
بس مو قدام اهلي لأني ادري بيتمسخرو علي لو قلت شي , واحيان اتضايق واتخيل ناس وابكككي واشككي وكأن قدامي احد وانا ماحد حولي !
اختي شافتني مره وانا اكلم نفسي ومسخرتهم كلهم علي قالت لهم اني مجنووونه
والحين صارو يقولون لي يالمجنونه ويالغبيه
وبالمدرسه وربي اكون اتكلم مع احد مثلا والف وجهي واشوف احد من صحباتي القدامى او معلماتي وانفجع وأدقق بالنظر واطلع اتخيل او يتهيأ لي
واخواني الصغار وما ادراك ما اخواني الصغار
توأم ودايم نتهاوش انا وهم وطبعا انا ماا احتك فيهم فيكونون هم الغلطانين
و يروحون يشتكون لأمي وامي تقول لهم ماعليكم فيها هذي غبيه انتو كبار وعاقلين خلوها ذي متخلفه
ويجون يقولون لي امي تقول انتي متخلفه خلاص ماعلينا فيك
ويروحون وانا انحررررررررررررررررررقققق
الحين امي بدال لاتخليهم يحترموني تزيد تكرهم فيني ؟؟
والله كرهت نفسي حتى وربي صرت ابكي لا شعوريييييا
معاملة اهلي زيييي الزفت .. و صحباتي فاقدتهم وهما مافكرو فيني و صحباتي الجدد مافيهم خير وربي يجاهرون حتى بالمعصيه
والله انا تعبت والناس ينسحبون من حياتي واحد ورى الثاني
تعبت ياناس واللللله تعبت , طبعا واكيد هذا غير حياتي الباقيه ومشاكلي الثانيه وهمومي
حبيت حب فاشل , وخيانه من اقرب صديقه , وتهديد بالقتل لمدة سنتين ولازال , و طعن في عرضي

ياناس وش اسوي بنفسي انا ! احترمت اهلي وقدرتهم وصارحتهم وتريقو علي وطنشوني و يمسكوني على اتفه شي اتهزأ عليه أتتتتتتفه شي
احترمت صحباتي وتركوني ,, بمجرد مانقلت عرفت انهم مو صحبات كذا بإختصار !
مليييييت وربي مليت
واسفه لو طولت .. بس مجرد فضفضه ولا تقولو مجنونه مثلهم انا مو مجنونه والله بالعكس بس انا مالقيت مكان اكتب فيه غير هنا ..

استودعتكم الله

>>>>> ردود الأعضـــــــــــــــــــاء على الموضوع <<<<<
==================================


يَ عمري والله قطعتي قلبي ..
الله يعينك والله مَ أدري وش السبب وشي غريب صرآحه !
..
بس صحبآتك الجدد معقوله مَ فيه ولا وحده فيهم تعتبر إنسآنه صآلحه وطيبه
حآولي تتعرفين ع وحده منهم ، لآن صدقيني صعب تعيشين كذا الانسان يحتاج احد
يفضفض له ؛

وبَ النسبة لَ خوآتك وآهلك لييه كذآ مَ فيه سبب يعني !

آدعي ربك و قومي الليل
وربي يعينك خيتو
والله اذا آحب عبدأ إبتلآه = )

مودتي لك ()


__________________________________________________ __________

‏ حبيبتي حياتي أنتي ‏...‏ أول شي حطي ف بالك إن الدنيا هاذي مب دايمة ما هي إلا



‏ مجرد طريق للآخرة ‏،،‏ وحافظي على صلاتك ولا تتركينها أبد ‏،،‏ وادعي إن الله يهديهم


‏ لج ويعاملوك زين ‏،،‏ وحاولي تغيرين اسلوبك معهم يعني بينك وبين نفسك بالأمانة إذا



‏ إنتي أسلوبك زين معاهم من البداية وللآن غيريه بس مو لدرجة الوقاحة بس كوني


‏ حازمة معاهم ‏،،‏ أما إذا أنتي متعودة تعاملينهم بشدة وكره فغيريه إيه إنسي إللي فات



‏ وابدي من جديد ‏،،،‏ يعني عامليهم باسلوب مو متعودين تعاملينهم فيه وانشالله بيتغير



‏ الوضع ويصيرو يحترموك أكثر ‏.....


‏ أفدااااااااك اعتبرتك مثل أختي يمكن لأننا بنفس العمر ‏‏"سبع تعشر‏" ههههههههههه ‏


__________________________________________________ __________

حبيبتي ادعي ربك وقرأي قران اكثري من الاستغفار وان شالله بتفررج


__________________________________________________ __________

الله معاك حبيبتي طيب انا بس ابي اسال كم سؤال واذا تبين كلميني ع الخاص وسرك في بير
1- من متى اهلك يعامونك كذا
2- التهديد بالقتل حبيبتي هذا شيء ماينسكت عنه
3-الطعن بالعرض انتي عارفه من يقول عنك كذا ولا لا
4-الخايانه من الصديقه يمكن اثرت عليك
(اذا كل الناس راحوا من حولك ومافي احد يسمعك او يصدقك او تبين تشتكين له وتحسين مافي احد جمبك في حال من الاحوال فاعلمي ان الله يسمعك متى ماردتي تشيكن له في السجود تدعين ان الله يفرج مابك من الكروب فاعلمي اذا همستي للارض هناك من في السماء وهو الله عز وجل يسمعك)




الله يسعدك ردي على الاسئله


__________________________________________________ __________

الله یکون بعوونج یا قلبی
شوفي ياخيتي ترررا كل هل نآآس ماينفعوووونج وانتي عاارفه ومجربه هل شي حتي اممج وابووج باجر عند القبر بيدفنونج ويروحون لحال سبيلهممم اسمعي دعااء الحززين والله انه ع الجججرح
دام كل الدنيآ تخلت عليج تاكيد في حد مووتآركك ولآآ راح يتركك حآلكك لاننك من رووحه سبحآآنه ماراح يتركك ابد تااكدي
نصيحتي لجج يااختي تقربي من الله اشغلي كل وقتكك في عبادته وطاعته واطلبي يآخذج لعنده عشان ترتاحين من كل هل دنيا وهمومهآآ
الله يجعلناا واياج ممن رآآضي عليهمم الرحممن ويقبض ارووآحنآ لعنده ويجعلنااا خالدين في جنآنه قولي امممين امممممممممين يارب العاالمين
مووووفقه يارب