عنوان الموضوع : عمتي ام زوجي تبي تخرب بيتي -لصحتك
مقدم من طرف منتديات نساء الجزائر

عمتي ام زوجي تبي تخرب بيتي



السلام عليكم ورحمة الله وبركاته
عزيزاتي العضوات داخله على الله ثم عليكم
بتكلم عن نفسي شوي انا متزوجة وأم لطفلين ومتهنيه مع زوجي والحمد لله موضع زوجي المادي الحمد لله مستور بس وضع أهلي اعلى
أبوي توفى قبل سنة تقريبا وترك لنا حلال بيتين وعمارة قررت أمي توزع الحلال وباعت بيت والعمارة وكل خذ نصيبه عندي أخت وأخ واحد المهم خذت نصيبي وعرضت على زوجي أني اشتري بيت كبير ونسكن فيه
في البداية زوجي ما وافق لانه بفلوسي وان هو الريال ومن هالكاام فعرض علي انه يساهم في البيت بس هم ما عنده أصر ياخذ قرض عشان نتشارك في البيت وهذا اللي صار بس خليته ياأثث البيت وبس اما البيت انا اللي شريته وسجلته باسمي واتفقت معاه انه يقول جدام هله ان هو اللي شرا البيت عشان ما يقولون حلال مرته
المشكله ان امه وأبوه ساكنين باليجار فعرضت عليه انهم يسكنون معانافالبيت بما ان البيت واسع فوافق
وخلال ايام كانوا عندي بالبيت وارتاحو كثييييير
عمتي ماشاء الله عليها ما صدقت لقنتها من الله قامت تدخل في كل كبيرة وصغيرة وابغي تلغي وجودي فالبيت وقامت تتحكم في كل شي اول يومين اشحلاتها وبعدين قامت جلبت الصالة فوق تحت وانا يبت مهندس ديكور ودفعت مبلغ وقدره وقلت ما عليه وسكت
دخلت غرفتي وحطت عينها على طقم الغرفة بعد ما عليه ويبت لها اخوه
طلبت خدامه لها بروحها مع ان البيت فيه ثلاثة وقلت لها خذي وحدة منهم قالت لا أبا وحدة من برع البلاد جاب لها زوجي وووووووو
بس اللي ما تحملته انه تتضايق لمن يزور نئ صديقاتي وما تخلينا بروحنا الا تقعد معنا وتسولف كن البيت لها بروحها وانا الضيفة عندها
لما يرد زوجي من دوامه تقعد تتطلب وتحن وهات وجيب وأاشمعنا مرتك امس جبت لها وانا امك وتصعد تعلي صوتها وتصارخ وانا ما اتحمل انا احب الهدووووووء والصوت العالي ينرفزني ويطلعني عن طوري تعبت والله تعبت
انا ما أكرهت بالعكس احترمها واسوي اللي تقولي عليه بس أنمر منها وأروج غرفتي اصييييييييح لين اشبع
مليت من الوضع حتى عيالي تدخل في أكلهم وشربهم ولبسهم
اما عمي يحليله طيب وااااااايد وعلى قد حاله
هي تفكر انها جالسة بجلال ولدها وجالسة تتأمر وانا ساكته بس لين متى
والله مرات تستفزني وامسك نفسي ابغي اروغها برع بس عادتها مثل أمي
زوجي دائماً يعتذر لي بالنيابة عن امه وانا امشيها بس وبعدين
شورو علي بلييييييز

>>>>> ردود الأعضـــــــــــــــــــاء على الموضوع <<<<<
==================================


يامن شـــــــــرى له من حـــــــــلاله علـــــــــة


__________________________________________________ __________

اولا الله يرحم والدك ويسكنه فسيح جناته , ويبارك لك في بيتك ،ماقول الا الله يعينك انتي ما قصرتي وسويتي باصلك بس والله يليتك من البدايه يوم انك ناويه تسكنينهم معك انك خذتي بيت فيه دور او شقه مسروقة وخليتيهم فيها افضل منها خذيني آجرهم ومنها ريحتي راسك لانه بصراحه مافيه أحسن من راحة الواحد في بيته ' وما قول الا الله يهدي عمتك ويصبرك


__________________________________________________ __________

هو مالك الا انك تظلين تعتبرينها مثل امك لين الله يهديها

زوجي دائماً يعتذر لي بالنيابة عن امه

ويكفي انك الان كبيره بعين زوجك وكلما لك وتكبرين بسكوتك عنها


__________________________________________________ __________

الله يعينك..
اذا تقدري اقسمي البيت وحطي لهم غرفة وحمام ومطبخ بس يكون مفصووول عن بيتك عشان تاخذين راحتك..


__________________________________________________ __________

ماعليه تحمليها شكواج لله مالج الا الاجر وطالما الزوج مو مقصر وقاعد يعتذر عنها الحمدلله رايته بيضا واحمدي ربج الحلال حلالج وحطي في بالج مهما طالت الا مايجي فراق تحمليها واحتسبي الاجر .. بس خلي زوجج يكلمها تخف عليج شوي وياليت لو يصير معاها خبر ان البيت بيتج شوي راح ترحمج من سطوتها ،، وبتحسب ساعتها الف حساب على كلامها بذمتج شنو استفدتي انتي وشنو فيها ان البيت بيتج ومكتوب باسمج انتي شاريته بورثج يعني اهله بسزعلون مثلا،؟؟ هذا دليل على انج بنت اصل ومن حقج ينكتب باسمج ولا ينطرون فعلا ينكتب باسم ولدهم عشان ساعتها يقضبونج الباب ،، من اولها مفروض قلتوا الصج حتى لما جبتيهم كان راح تبين كبيره قدام الناس وقدامهم وراح تبين طيبج معاهم ،، انتي شوفي وضعج وشوفي اذا فيج تبلغينها الحقيقه عشان ساعتها تغير معاملتها وياج .. موفقه وربي يسهل امورج..