عنوان الموضوع : ..كلام امي مضايقني .. مجابة
مقدم من طرف منتديات نساء الجزائر

..كلام امي مضايقني ..



مساء الخير كيفكم يا احلى بنات منتدى
عندي مشكله وحابه اشوف ردودكم
بإختصااااااار
انا بنت عمري 22 حساسه كثييييييير دايم اي شي في بيتنا او بيني انا وامي تقوله لخالاتي يعني كل شي يسير ببيتنا يروح لهم
انا دايم اقول لأمي مواي شي ينقال لهم ووالله مو عن شي بس اضايق من بعض التعليقاااات مره اسلوبهم استهزائي ويتحججون بالمزح
انا نفسيتي تعبت الحين سرت اضايق وازعل والكل حس بس ماهمهم يعني من قدامي كلام ومن ورايه استهزاء بحجه المزح
وانا اكره الحركه هاذي
انا سرت اتخاصم مع امي دايم
بسبب هاذا الشي وامي تقول انتي حقوده وحسوده قلبك اسود وانا والله قلبي مجرررررررروح مااحب احد يعلق عليه
اضايق بسرعه
امي تقول انا حسووده واغار وكلام كثير بس وربي من داخلي غير
طبعا كثرت المشاكل بسبب هاذا الشي الحين اي شي يسير ع طول انبه امي اقول لا احد يدري امي تتضايق من كلامي بس اش اسوي اي شي ببيتنا ماابي احد يطلع عليه
دايم اقول لأمي اذا تزوجت مستحيل اطلع اي شي بينا
وامي تقول من حسدك ومن حقدك
طيب انا والله اي كلمه تجرحني اش اسوي
صارت امي بعيده عني بسبب هاذا الشي
تعبت وربي
ردووووبلييييز وعواتكم لي بزوااااااج
يا اداره نزلوا الموووضوع

>>>>> ردود الأعضـــــــــــــــــــاء على الموضوع <<<<<
==================================


معاج حق تزعلين من هالنقطه بس لا تيأسين دايم انصحيها وحاولي تنبهينها وانا كنت اشوف وحده من حمواتي نفس حالة امج واشوف التريقه عليها واتضايق لحد ماصار الكل يمون عليها وعلى زوجها يتمسخرون عليها ولا تقدر ترد هي اللي خلتهم يتمادون لانها كانت ماتخبي عن خواتها شي ونصحتها لوجه الله تحفظ اسرار بيتها ولا عاد تخلي زوجها على لسانهم بالطالع والنازل واذا هي حابه تعرف غلطها قلت لها في مره حاولي تجيبين طاري زوج وحده من خواتج او حاولي تدخلين بشكل مباشر وتعلقين على حياتهم وبتشوفين بعينج الهجوم كيف راح يكون ومثل ماقلت لها مجرد جابت الطاري عطتها اختها على راسها ومنها توبت وصارت مو اي شي تقوله لهم ولاعاد تتشكوى من زوجها قدامهم وتنزل من قيمته ودايم تشكرني اني نصحتها ووقفت جنبها وخليتها تشوف الغلط بعينها وتبعد عنه ،، انتي جربي مع امج مره ومرتين وثلاث وانصحيها من باب الاقناع مو فرض الرأي وقوليلها قصص عن الحريم اللي مايحفظون اسرار بيوتهم شلون ممكن تجيهم مصايب وبيجي يوم تعرف قيمة كلامج ياغلاهم ،، موفقه وربي يهدي بالج امين..


__________________________________________________ __________

والله مدري وش اقولك .. الله يهديها فعلا شي يضيق الصدر .. ويا شين الي يعلقون ويتمسخرون على خلق الله يحسبونهم ما يحسون

الله يكون بعونك


__________________________________________________ __________

حبيبتي ممكن تجلسي تتفاهمي مع امك وتقولي لها انو هذي اسرار بيتنا مو كل شي نقوله حتى لو اقرب الناس لنا

وانتي ياعمري مو كل شي تتحسسي منه بعض الامور العاديه لما يمزحو خذي الامر بمرح ولا تزعلي

ويارب يوفقك ويسعدك ويهديك ويحقق امنياتك


__________________________________________________ __________

معاك حق مو أي كلام ينقال
الله يهديها


__________________________________________________ __________

عاد الحريم ياحبهم للتشكي
لاتتحسسين واجد حبيبتي ترى هذا طبع اغلب الحريم
تحب تبين انها عكس ماهي بالواقع عشان تستعطف الناس
وماتدري ان بعض العيون لها بالمرصاد
وفيه ناس ياحبهم للشماته وخاصه القرايب
يستانسون يوم يعرفون تفاصيل عن حياة احد يلتمون حولها كأنها وجبه دسمه
وانتي مالك الا الصبر هذي امك
انا امي تقريبا كانت مثلك
لكن جتها صفعه قويه من خالتي وتابت من عقبها ماقامت تتكلم الا بالامور العامه السطحيه اللي تحصل بكل بيت
الخلاصه
من كل اللي قلته
مو عيب نشارك الناس افراحهم واحزانهم
بس مانتعمق واحنا نسولف عن حياتنا عشان ماتصيبنا زله
وعاد بعض الزلات تجر لسقطات كبيره
فأحذروا احذروا كلكم من فلتان اللسان ترى والله مايرحم