عنوان الموضوع : تكفون تراها ضريحه فيني .. -تم الاجابة
مقدم من طرف منتديات نساء الجزائر

تكفون تراها ضريحه فيني ..



مرحباً بكل السيدات
اطرح لكم مشكلتي أتمنى إنكم تساعدوني

أنا أبلغ من العمر 20سنه
مشكلتي أنه قبل أسبوع دريت أنه أمي حامل
ولما عرفت الخبر انصدمت كثير لأن لحين أنآ صرت كبيره وأخواني بعد
مع العلم إني اكبر وحده ف أخواني ومخطوبه ومستحيه كثير من ربيعاتي وخطيبي المفروض أمي تنتظر أحفادها
يا بنات مضايجه حييييييييييل لدرجة إني تركت البيت وامي وأبوي زعلوا مني ..
ساعدوووووني أبي فزعتكم !!!

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم

توقعت تقولين عمري 30 والا اكبر ؟؟؟

حبيبتي من حقها تحمل ..... وحقها الطبيعي بالحياه ... ترى توك صغيره ...
ربيعات (صديقاتك ) ماتوقع خواطرهم اهم عليك من خاطرها ؟؟؟؟؟؟؟؟
ليه منصدمه .. وش جريمتها اللي صدمتك عليها .... انها تبحث عن طفل يسليها .. ويونسها ..
ربتكم كبرتكم والان تحتاج تلتفت لنفسها ... كلكم طالعين من عندها وتاركين يمكن هالطفل يونسها بوحدتها لين يكبر ... اقسم بالله لاضرب الناس بالجدار كلهم ولا اكدر خاطرها .. من صديقاتك تستحين منهم ومن نظرتهم لامك ؟؟؟ ليه اصلا تسمحين لهم ينظرون لها هالنظره وين غيرتك على امك وحبها ...
وش بينظرون زوجة وحملت سنة الله في ارضه المال والبنون زينة الحياه الدنيا ...
حبيبتي ... افرحي لها وبوسي يدها وقولي اللي يسعدك يسعدنا والله يجيبه لعيونك على خير
طالع من بيتكم زعلانه ؟؟؟؟ ليه حسستيني انها عامله جريمه بحقكم .. انتي الان لك حياتك التفتي لها واتركيها بحياتها .. كل انسان مسؤل عن نفسه ..
كلامي قاسي لكن تحمليه ... مادخلت ارد الا عشان افيدك ... واعتبرك اخت .. جيبلها هديه لو ورده ..
وقولي عشان صحتك كنت خايفه عليك .. لكن بالاخر بيكون او تكون اختنا .. وتذكري كلام شماليه اول من يشيله انتي هذا اذا ماخذتيه معك لبيتك ..هههههههههههههههههههههه
تعوذي من ابليس ... واذكري ربك ... وتذكري خدوده وفمه وعيونه تنسين االدنيا ترى البيبي نعمه ويسلي الام عن هموم الحياه ...
اختك شماليه كفو ..........


__________________________________________________ __________

بصرااحهه مادري شقوول بس احمدي ربك ان بيجيك اخت او اخو لان في ناس ماعندهم هنعمة احمدي ربك واشكريه ..
وبصراحة شمالية كفو كفت ووفت


__________________________________________________ __________

على بالي عندك مشكله ايش فيها لو حملت لا انتي اول وحده ولا اخر وحده (عشنا وشفنا ) والله لو يكون عندك احفاد وامك حملت ولا فيها شي ...........كبريها بتكبر صغريها بتصغر.......... ناس عندها مشاكل يشيب فيها الراس وناس تدور المشاكل سبحان الله .......ايش رايك انه انا عمري 22 واريد امي تحمل والله بس هي رافضه من هم التربيه ............ اسمحيلي اذا كان ردي جارح بس والله انقهرت على بالي مشكله


__________________________________________________ __________

الاخت اللي سبت وتم حذف تعليقها

عيب عليكِ ليش هي مسويه جريمه

استغفر الله

ردي رد زي الناس او اسكتي


__________________________________________________ __________

وعلى فكره كلام الاخت شماليه حلو بس الاخت الي قبلي على ايش امها ما تستحي على انها حامل ليش حملت بالحرام هذا بدل ما تنصحيها انها تكون باره بامها وتقولين لها الله الله بامها