عنوان الموضوع : محتارة وااايد .. واحس بغصة من الي انا فيه الطبيب يجيب
مقدم من طرف منتديات نساء الجزائر

محتارة وااايد .. واحس بغصة من الي انا فيه



بسم الله الرحمن الرحيم

خواتي بلييييييييييييز ساعدوني ..
اني بنوتة عمري 22 سنة
جميلة ما شاءلله عليي وطيبة وحنونة وكل من عرفني بسرعة يرتاح ليي

بس ما جى نصيبي باقي لسة

مشكلتي انو
ان ولد عم بنت عمتي عرفني بالفيس بوك
عن طريق قروب وما صار بينا سوالف مرة يعني
بس هو اعجب بأدبي مع الي بالقروب وهيك
وكلم بنت عمتي انه ناوي يتقدم ليي
اني قلت لاهلي عن كلام بنت عمتي وهم بالبداية رحبوو

بس خافو لان عم الولد الا هو ابو بنت عمتي طلق امها ومرمر عيشتها وما صرف على بنته ولا هللة

بس الولد ماشاء الله عليه اخلاق وادب
لدرجة اني خليت اخو صديقتي يسأل عنه
يقول سمع كلام عنه يسر والله
يقول انا غرت منه صراحة

امي قالت سكري الموضوع يمكن ام الولد تجي
وما تعجبيها خاصة واني شوي دبدوبة

ام الولد جت اليوم حفلة ملكة اختي
وضمتني وسلمت عليي وهي فرحانة
وتتبسم لي
طبعاً بالبداية ماعرفتها

بس بعدين جت لي وقالت اني ام فلان

لما رجعت البيت وقلت لامي واختي
قالوو احنا مو مرتاحين ليهم ولا نبيكِ توافقي على الولد

اني تضايقت مرة
خاصة وان الولد شاريني وجاب امه وجاي من الباب
وسمعته بين ناس حلوة
وشغلته مرة حليوة
وعمره 24 مناسب لي حييييييل

شرايكم ؟؟

بليز نزلو موضوعي

>>>>> ردود الأعضـــــــــــــــــــاء على الموضوع <<<<<
==================================


الله يكتب لك اللي فيه الخير
انتي ادعي وتوجهي لربك ان يكتب لك مافيه الخير ويصرف عنك الشر ..
وان شاء الله باقي تفاصيل موضوعك يفيدونك البنات فيه ..



...


__________________________________________________ __________

طيب حبيبتي خليهم اول شي يتقدمون لك رسمي واستخيري وخلي كل شي بوقته
الله يوفقك يارب ويزوجك عاجلا غير اجل


__________________________________________________ __________

صلي صلاة استخاره واذا ارتحتي قولي لامك انك ارتحتي وانك موافقه وهذه حياتك وبس


__________________________________________________ __________

تسلموووون حبايبي
والله يسمع منكم ياااااااااااااااااااااااااااااااااااارب
ويكتب لي الي فيه الخير

بس اني خايفة يجي واهلي يوقفون بوجهي
طبعاً اني ماعمري سويت شي من غير شورهم وكل اقول البنت الي تتزوج غصب اهلها ماترتاح

اني استخرت الله
والحمدلله مرتااااااحة له وايد

وهو قال قريب بيتقدم

دعواتكم حبايبي


__________________________________________________ __________

طابما قريب بيخطبج انتي اقعدي لامج كل شوي جيبي معاها سيرة العرس وان فلانه تزوجت وعلانه انخطبت وحسسيها انج خاطرج تتزوجين ،، واقنعيها فيهم بالتدريج ،، واستخيري مره ومرتين وثلاث ،، اذا لج فيه نصيب وزواجج منه فيه خيره لج صدقيني بتتسهل امورج،، بقولج قصة وحده اعرفها معرفه شخصيه،، تقدملها شاب كفؤ وكانت البنت نفسها مو متقبله الفكره وابوها رافض رفض قاااطع زواجها كله بشكل عام بحجة صغيره وبتدرس ،، شاورتني ونصحتها تستخير ثلاث مرات على مدى ثلاث ايام متتاليه وتخلي التفكير بالموضوع وتخلي الامور مثل ماربي كاتب ،، فعلا الابو كل يوم يقول للام لايجون مالهم عندي مره والام ابد مخليته بكيفه ماتناقشه ،، الرجال شال عمره وجاب اهله واخوانه وجا خطب بشكل رسمي الابو سبحان الله بنفس اللحظه وافق ولا تردد لا وبعد سوالهم اللي مايتسوى سهل عليهم كل شي والبنت لما سألوها ردت وهي فرحانه وفعلا تمت الامور وانكتب كتابها وألحين طايره من الفرحه معاه وتحمد ربها ماطلوعت تفكيرها لان الولد فعلا كان ممتاز ويبي يسعدها بأي شكل من الاشكال .. وكلي امرج لله وبإذن الله ربي ماراح يخيب ظنج فيه واذا لج فيه نصيب وخيره بتاخذينه واذا جت على امج الحين تقول كلام بس لاصارت الصجيه بتراجع امورها بس انتي لاتخافين وتفكرين وايد ياغلاهم .. ربي يوفقج ويسخرلج عبيد ارضه وملايكة سماه اللهم امين..