عنوان الموضوع : انا وامي مانداني بعض -لصحتك
مقدم من طرف منتديات نساء الجزائر

انا وامي مانداني بعض



السلام عليكم
بقولكم مشكلة امي
امي شيء يقهررر مرررة
اكرهــــــآ واحس انها تبادلني الشعور
دايم اشوف امهات الناس واتمنى انهم امي
امي شيء مب طبيعي
صح اني اشوف ناس العن مني
بس امي الله يهديها يعني شيء يصيح
واحس انها تحب بنات الناس اكثر مننا
المهم انا اقولكم ليش اكره امي
اول شي امي تفررررق بينا مرررررررة وبشكل واضح جداً
يعني خواتي الصغار والكبيرة دايم مهتمة فيهم واذا طلبوو شي على طووول يجيهم
وانا واختي الثانية مزلبه علينا ماكننا بناتها
والله اطلبها شي من زماان اول شي تعصب بعدين ماتجيبه لي الا بالطقااق وخواتي والله بالراااحة تسوي لهم الشي او تصرفني تقول طيب بجيبه ولااا تجيبه عاد انا ماحب اطلب واجد
والله ينقصني اشياء واجد واقولها وانطر ياحمار عاد يمكني لاني منيب شاطرة في المدرسة والباقين ماشالله دوافير الا انا مرة كسلانه رايحة في رجلها عاد هذا الشي غصب عني مب بيدي
هذا شيء
الشي الثاني
تحطمنا بشكل ااخ بس والله ودي انها مب امي عشان اصفقها
تقول انتم زلايب العالم وهذي الكلمة متعودين عليها
المشكلة حتى هي زينا وتجامل
مثلا خالي دايم ينطل بناته علينا
مرة جاء بياخذهم قال لالا خلهم ويوم خلاهم عصبت ههههههههه
طيب انتي عارفه انهم مايتجاملون ليش تجاملينهم
ولو اننا مسوينها كان برطمت وقالت انتم زلايب العالم انتم تجاملونهم
وصح كل الناس يعني اكيد مب ذوووق مررة مع اخوانهم وحاطينهم في عيونهم
يعني اكيييد مب معامل الناس الغريبين مثل اخوانك طيب هم غريبين كيف اعاملهم معاملة اخواني
يعني مناقر خوان عادي مثلا مااعطيهم اشيائي كذا يعني مناقر اخوان عايدي تقول والله لوه احد غريب عطيتيه !! ياشيخه روقينا

وتكرة احد يزورها بشكل ينرحمم
والله ارحمها
مححد يزورها ابد لان نفسيتها جميله ماشالله

وماتروح لحد ولا شي بعدين تجي تقول انتم متوحدين !!
ولا والله اني اكرف عند رجليها كرف الحمار ولا اخليها تسوي شي
ووالله ماعلى لسانها الا اسمي على طول لو بغت شي
وماعمري كشرت في وجها ولا تصيقهت يعني والله شايلتها في عيوني شيل
فجاه تقول لخواني والله كلكم مافيكم نفع ولا واحد منكم ينفع ولا شي
والله يلعن من جمعكم والله يلعن ابوكم الي جابكم
الله يلعن شكلك الله يلعن اصلك يلعن خامسك يلعن امك طبعاً هذي اشياء متعودين عليها
اللعن شكلي من يومي صغيرة ملعونه بسبة امي الجميلة

وعاد وحده من خواتي حبيباتها جداً طبعا الصغيرات ماترضى عليهم اي شي
اللهم انه مب انا الي قايلته اختي الصغيرة قالت لامي يمه انتي (سامجة)
هههههه عاد قالت امي والله صرت سامجة منكم انتم سامجين صرت منكم سامجة
المشكلة والله ذا الكلام ياثر فينا
ماقدرت اضحك لان تحسون وهي تقوله شايله شي في قلبها علينا
والله احس تتفشل مننا وتقول انتم تخافون من الناس وزلايبهم
وانا والله كلن يشهد اني خفيفة دم ولانيب زلابة
وزيادة على كذا دايم ماتشبهني الا بناس شيون
مدري هي تغار مني ولا تكرهني ولايمكنها بعد مرت ابوي بس ماعلموني
ياليتها مرت ابوي ومهيب امي ياااارب والله انه احسن على الاقل ماانصدم ان امي كذا

والله احسها تكررررهني
بس اني احيانا اصير احبها ويضيق صدري اني كنت اكرها وطبعا هذي الحاله مب واجد تصير معي
بس احس هي تجيها بعد احيانا تحبني واحيانا تكرهني
الزبدة اني طفششت خلاص معد ابي اصير البنت العاااقله دامه مايملا عينها
وخلها تعرف ان مافشلتها عند الحريم ان ماابثرتهم ماكون بنتها
هاه وش رايكم ؟

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممم *.*
أول شي يا عزيزتي ما فيه أم تكره عيالها .
و هالاحساس تقريبا كلنا حسينا فيه يوم كنا صغار بس مب بالدرجة هذي (القصد نخدم أهلنا وما يبين معاهم ) ومهما سوت أو قالت بتظل أمج ما تقدرين تغيرينها .
لازم تراعينها وتخدمينها صح انتي من كلامج تقولين ما مقصرة معها بس اللي ابا اقوله لج سويلها الاشياء اللي تحبها وصارحيها انه هي تفرق فالمعاملة بينج وبين خوانج وخواتج
ربي يصلح حالكم ويريحكم.


__________________________________________________ __________

حالنا من بعععععضوو
انا بعد امي تكرهني ولا عمرها جاملتني وحتى بنت عمي وخالتي يدروون
ودايم بمجلس الحريم تفششلني كثير عشان جي صرت اعتزلهم ولا اجلس الا بسني
وانا وربي مو قصدي ازيدها عليج بس يعني اشاركج الهم لووول
ربي يفرج همووومنا كلنا يا رب …آميييين ،


__________________________________________________ __________

السلام عليكم ورحمة الله وبركاته

كان الله بعونكم الحياة اكيد كلها مو عسل

بقول لكم شغلة امهاتكم تتصرف معاكم مثل ما أمهاتهم تصرفوا معاهم

يعني أمهاتكم يشفونكم مثلهم أو أنتوا أكثار ناس تشبهونهم فيخافون عليكم ويذوقونكم نفس الكأس

لا تزعلون هذي حالة نفسيه صعبة التركيب ما الومكم اذا زعلتوا

بس احتسبوا الأجر في أحد يجي الأجر عنده ويرفضه

والا العنوان اللي حاطته صاحبه المشكلة الله يسامحك بس

يا بنات معقولة وصلنا لهذي الدرجة من الجراة على أمهاتنا ؟!!

اتقوا الله في أنفسكم مهما كان الأم لها مكانتها لو هي ما تعبت فيكم قد أنمله يكفيها تعب الحمل والولادة

الله يعينكم ويعينا معاكم ويهدينا ويهديكم يا رب

موفقات يا حلوات ولا تزعلون كثير الدنيا ما تسوى

وكلنا مودعين ومحاسبين ..


__________________________________________________ __________

عمر الام ماتكره اولادها


لكن مع الاحتكاك اليومي والمشاكل


الام تطلع عن طورها


انا مو معاها في مسئلت اللعان لانه يرجع لها


وتتعود لسانها عليه



واذا قست عليج فالسبب الدراسه


هي تشوف انج انتي ماتبين تدرسين وتجتهدين


فيصير عقابها لج دوم باشكال عدة


اتمنى تجتهدين في دراستج عشانج قبل امج


لا امج تكرهج ولا انتي تكرهينها

ولكن ضغط في البيت تراكم خففو عنها الطلبات


لان الام اذا زادت طلبات اولادها تحس ان همهم الوحيد مصلحتهم


وهذا الي يبونه منها


الله يصلح بينكم امين يارب العالمين


__________________________________________________ __________

لاحول ولاقوة الا بالله

اخواتي اللي يقالون ان امهاتهم يكرهونهم اقول لكم مافيه ام بالعالم تكره اولادها ابد ولو وحده منكم تجيها نخز ابره

ماراح يتألم الا الام

ثاني شئ اختي صاحبة المشكله كيف تقدرين تحبين امك وانتي تقولين في بداية رسالتك إنك تكريهينها ؟

اتابع حروفك واشوف فيها التريقه في امك وانتي تفكرين انها شطاره منك . عيب عليك اللي تقولينه وقبل العيب

حرام.. نصيحتي حبي نفسك وحبي اهلك وحبي امك اللي الجنة تحت اقدامها اخدميها بخاطر طيب سمعيها دعوه

طيبه ماراح تخسرين شئ ..

واللي باين من كلامك إن اهل البيت ناقصه التربيه الصحيحه حاولي تتساعدين مع اختك الثانيه في اصلح

اخوانك تعليمهم الحلال من الحرام تعليمهم احترام الكبير ورحمة الصغير تعاونوا على البر والتقوى

ياختي تذكري إن الله سوف يعاقبك باولاد يكرهونك