عنوان الموضوع : زوجي قتلني -تم الاجابة
مقدم من طرف منتديات نساء الجزائر

زوجي قتلني



السلام عليكم ورحمة الله وبركاته
انا عمري 28 متزوجه لي 6 سنوات وعندي 3 اطفال تربيت عند اهلي تربيه قاسيه ومحافظه كنت احلم مثل اي بنت ان يكون زوجي طيب حنون متفاهم متعلم متدين..زوجني ابوي الله يسامحه غصب عني لكن رضيت بنصيبي والحمد لله لكن هالنصيب عكس كل شي حلمت فيه كان اول سنه يجنن بعدين احسه طلع بوجه غريب طلع لي شخص عنيف قاسي عصبي يحب اهله ويعتمد عليهم ومهملني توفى ابوه وهو اكبر اخوانه وكل شوي عند اهله مع العلم ان اهله بعيد بمدينه ثانيه كنت اروح معه لكن اطفالي يتغير الجو عندهم ويمرضون وكل وقتي عندهم مستشفيات وعلاجات هذا غير عن اخوانه كل شوي يتهاوشون ويتضاربون حتى يطلع الدم منهم وعيالي يطالعون فيهم بخوف هذا غير عن الالفاظ اللي بينهم بشعه فصرت اقعد في بيتي مااروح لهم الا في المناسبات ..انا انسانه هاديه مسالمه وزوجي عصبي مايحب يقعد بالبيت كل شوي سهرات وطلعات مع اصحابه ولا يدري عني دخلت منتديات وقرأت افكار وجربت معه طول هالسنين كل حلول ممكن تفكرون فيها ومافيه فايده.. فقدته رحت ادور لاحد يحبني ويبيني رحت للشات وكلمت شباب لاني ابي اللي يدور عليه اللي يسأل عني اللي احس بانوثتي معه.. قعدت لحالي وبكيت كرهت نفسي واللي اسويه انا ام ماربيت نفسي كيف اربي عيالي وانا مو كذا ليه صرت بالحضيض.. فتركت الشات وصرت اقعد لوحدي..حاولت اضيع وقتي باطفالي لكنهم صغار انا ابي احد عاقل يسولف لي يحكيلي عن يومه عن اشياء تصير له. رحت اشوف لي هوايه فكنت عند اهلي اكتب خواطر فرجعت اكتب ولما أقرأ لزوجي كتاباتي يجلس يعلق ويقول وش هالكلام الفاضي ويحطمني فتركتها وسجلت بمعهد حاسب وصار يهاوش ويقول مافيني اوديك ومااقدر اخليكي تروحي مع سواق واجلس معه بالشحاته حتى يوديني.. حتى جيران ماعندي اروح لهم بيتنا بعيد عن المنطقه جنبي عمال ويمنيين عزاب وكل ليل عايشه اجواء رعب حتى يرجع زوجي من السهر احس بخوف مالقاه جنبي احس بحزن مالقاه يضمني احس بفرح مااشوفه يضحك معاي انا تعبت وربي تعبت اليوم ضربني حتى اغمى عليه يقول روحي معي لاهلي وانا تعبانه قلت باروح المستشفى ثم نروح لهم بالعصر فزعل يقول انتي تكذبين ماتبين تروحين لهم وهو دوم يمد يده عليه وانا ادور له العذر واسامحه ولما يجي يعتذر اضمه واسامحه لكن الى متى الى متى اظل اسامحه وانا اعرف في قرارة نفسي ان ماله عذر يضربني هالضرب المبرح ...بكيت اليوم وحسيت انه قتل فيني شي حلو وربي كان في قلبي شوي حب له ورحمه وعطف واليوم مات هالاحساس .ابي نصيحتكم مااقدر اقول لاهلي لانهم يكرهونه وصار له معهم مواقف بشعه ماابي اطول عليكم اكثر من كذا واحكيها ولو اقول لهم طلقوني منه واهله اكيد بيوقفون جنبه ....هو عمره 30 ومدخن وصلاته مو بوقتها ...ارجوكم قولوا لي شنو الحل انا لي شهر افكر بالطلاق لانه الحل الوحيد بنظري..انا امرأه كلمه تجرحني وورده تراضيني انا زوجي جرحني وموتني ..والضحيه اللي قطعت قلبي اطفالي هم الضحيه باللي يصير كله ...ارجوكم مالي غيركم بعد الله لاتهملون موضوعي............

>>>>> ردود الأعضـــــــــــــــــــاء على الموضوع <<<<<
==================================


والله ياعمري اغلب الازواج فيهم قساوه ولاهم مستوعبين مسئولياتهم صح ومثل ماهو مطلوب،،الشكوى لله الهادي الله سبحانه ،، طالما فيه اطفال التضحيه مطلوبه عشانهم ولازم تحاولين بكل الطرق لتقبل حياتج بعلاتها،، عشان الضرب ناقشيه او حتى هدديه ان فيه مؤسسات خاصه لحقوق الانسان وقوليله قصص عن كريق غير مباشر عن ازواج ضربوا زوجاتهم وشكوهم للمؤسسات هذي وانسجنوا وتبهذلوا عشان يخاف ترى بعض الرجال صنف يخاف مايستحي،، حاولي تبعدين عن الاشياء اللي ممكن تخليه يمد ايده.. مثل النقاش الحاد اذا شفتيه معصب وخري عن وجهه روحي سوي اي شغل بالبيت المهم لاتقابلينه،،ياعمري ادري انتي حاسه بوحده وتبين من يحتوي مشاعرج ويتفهم نفسيتج ويعطيج الحب اللي كل بنات حوا يبونه وبحاجته واللي اغلب ادم مو فاهمين مدى اهميته لنا،، مو بس بروحج تعانين اراهن ان ثلاث ارباع الحريم يعانون هالمشكله،،ياقلبي تحملي عشان عيالج الحين صغار بكره يكبرون ويعوضونج ،، اصلحي تربيتهم واحسني الظن بالله ولاهي نهاية الكون رجال وطريقته الغلط بالعيشه،، دوريله على ميييزه وحده وعيشي على اساس هالميزه .. طالما الشغله مقدور عليها تحملي وتأكدي ربي ماراح يضيع لج تعب يالغاليه،، ولعلمج محد مستانس بالدنيا كلن بقلبه شقى اللي له صدقيني،،الله يعينج على مابلاج وانا شايفه لو تروحين كم يوم عن بيتج لاهلج او اهله من باب تغيير الجو لان واضح الوحده وعدم اختلاطج بالناس مسويتلج ازمه،،اذا حابه اعتبريني صديقه لج وخلينا نتراسل هنيه او اضيفج بالمسن نسولف ونتساعد على هالدنيا يالغاليه ترا الناس للناس والكل بالله سبحانه .. وربي يوفقج ويسهل امرج ويسخرلج زوجج يارب اللهم امين.


__________________________________________________ __________

المشاركة الأصلية كتبت بواسطة « حـرgف من الرgحـ »
والله ياعمري اغلب الازواج فيهم قساوه ولاهم مستوعبين مسئولياتهم صح ومثل ماهو مطلوب،،الشكوى لله الهادي الله سبحانه ،، طالما فيه اطفال التضحيه مطلوبه عشانهم ولازم تحاولين بكل الطرق لتقبل حياتج بعلاتها،، عشان الضرب ناقشيه او حتى هدديه ان فيه مؤسسات خاصه لحقوق الانسان وقوليله قصص عن كريق غير مباشر عن ازواج ضربوا زوجاتهم وشكوهم للمؤسسات هذي وانسجنوا وتبهذلوا عشان يخاف ترى بعض الرجال صنف يخاف مايستحي،، حاولي تبعدين عن الاشياء اللي ممكن تخليه يمد ايده.. مثل النقاش الحاد اذا شفتيه معصب وخري عن وجهه روحي سوي اي شغل بالبيت المهم لاتقابلينه،،ياعمري ادري انتي حاسه بوحده وتبين من يحتوي مشاعرج ويتفهم نفسيتج ويعطيج الحب اللي كل بنات حوا يبونه وبحاجته واللي اغلب ادم مو فاهمين مدى اهميته لنا،، مو بس بروحج تعانين اراهن ان ثلاث ارباع الحريم يعانون هالمشكله،،ياقلبي تحملي عشان عيالج الحين صغار بكره يكبرون ويعوضونج ،، اصلحي تربيتهم واحسني الظن بالله ولاهي نهاية الكون رجال وطريقته الغلط بالعيشه،، دوريله على ميييزه وحده وعيشي على اساس هالميزه .. طالما الشغله مقدور عليها تحملي وتأكدي ربي ماراح يضيع لج تعب يالغاليه،، ولعلمج محد مستانس بالدنيا كلن بقلبه شقى اللي له صدقيني،،الله يعينج على مابلاج وانا شايفه لو تروحين كم يوم عن بيتج لاهلج او اهله من باب تغيير الجو لان واضح الوحده وعدم اختلاطج بالناس مسويتلج ازمه،،اذا حابه اعتبريني صديقه لج وخلينا نتراسل هنيه او اضيفج بالمسن نسولف ونتساعد على هالدنيا يالغاليه ترا الناس للناس والكل بالله سبحانه .. وربي يوفقج ويسهل امرج ويسخرلج زوجج يارب اللهم امين.

والله الاخت حروف من الروح ماقصرت وفت وكفت
اصبري عشان عيالك


__________________________________________________ __________

الله يفرجها عليك
مااقدر اقول اقول غير كذا
الله يصبرك


__________________________________________________ __________

اصبري عشان عيالك

وعيشي عشان تربينهم احسن تربيه

فيه كثير مثل وضعك
حاولي تتقربين من اهله يمكن اذا امه وخواته حبوكي يمدحوكي عنده
او يدافعو عنك اذا غلط عليك
اكسبي اهله بصفك حاولي

التزمي بركعتين اخر الليل وادعي فيهن
وادعي بكل صلاه وتوكلي على الله(من توكل على الله فهو حسبه)
توجهي للعلم الشرعي اقرأئي تعلمي
التحقي بدار تحفيض قران وخوذي اولادك معك
فيه حلقات للصغار
الاجواء ايمانيه رائعه والبنات يتسابقون في حفظ القران

اقرائي لناعمه الهاشمي رائعه وراح تستفيدين بأذن الله
وادعي واذا دعيتي كوني متي


__________________________________________________ __________

اختي صاحبة المشكله الله يكون بعونك اي والله اغلب الرجال كذا تصرفاتهم عدوانيه لزوجاتهم

انتي تقولي حياتك مع اهلك اول قاسيه يعني لو تطلقتي راح تعيشي حياة صعبه لكن استري نفسك واستري على زوجك وعيالك واصبري واحتسبي الاجر عند الله سبحانه والله اني متعاطفه معك لكن وش بيدنا نسوي إلا الدعاء لك ولزوجك ان الله يرجعكم لبعض وانا اختتك

مودتي لك