عنوان الموضوع : تهاوشت مع زوجي ساعدوني الطبيب يجيب
مقدم من طرف منتديات نساء الجزائر

تهاوشت مع زوجي ساعدوني



تكفوون يالغاليات ساعدوني
انا متزوجه ولي سنه مع زوجي هو كويس معي ومعطيني الحريه بكل شي مره وحنون وطيب ولو بغيت شي يجيبه لي من عيونه ولا مره قالي لا ولا مره صرخ او رفع صوته علي ويحترمني حيل ويحترم اهلي ويحبهم وانا نفس شي ارجمه واحبه وطيبه معاه حتى لو صار بينا اي مشكله مستحيل اقول لاحد ولو كانت كبيره اروح اضحك واسولف مع اهلي واهله عادي بس عندي مشكله اني ازعل بسرعه من اي شي واذا زعلت اجلس يومين ثلاثه مطنشته ما اكلمه ولا كلمه ساااكته طنش اسوي له اكله وكل شي وارتب اغراضه وانا ساكته مطنشته ولما يجي يكلمني اصارخ عليه واقوله اطلع برا البيت مابي اشوف وجهك واكرهك واذا حاول يمسكني عشان يكلمني ادفه بقوه وهو يكره هالشي ويتضايق منه ويقولي انتي طفله تزعلين ع طول واليوم تهاوشت معاه لاني زعلانه عليه من امس بسبب بسيط منه وجا يكلمني ما ارد عليه يحاول فيني وانا طنش ولما قمت من مكاني حاول يمسكني عشان يتفاهم معي ودفيته وقال لي انتي احاول اتفاهم معك بس انتي ( منطمه ) ويقلد حركة وجهي بوجهه زعلتني هالحركه زياده قلت انت قليل ادب ودخلت غرفتي جاني وقالي ليش ماتتفهمين مو عيب تضربين زوجك انا ما ضربته انا دفيته المهم قلت له اطلع برا حاولي فيني طفش وطلع قولولي وش اسوي ترى من النوع اللي يكتم اشياء كثيره وع ابسطها ممكن انفجررررر ويصير هالشي وش اسوي ساعدوني يالمتزوجات

>>>>> ردود الأعضـــــــــــــــــــاء على الموضوع <<<<<
==================================


اختي طولي روحك
مو حلو الزعل كتير
ومو حلو الزعل على امور بسيطه
ترى بيطفش منك
الرجل بيحب الزوجه الدلوعه يلي بتزعل وبترضى حتى من ابتسامه
ما بيحب النكد والمشاكل
وكل شي بيزيد عن حده بيقلب ضده
دربي حالك على عدم الزعل ودربي حالك على الرضى بسرعه
يعني والله بيتركك
ديري بالك


__________________________________________________ __________

الله يهديك ي قلبي انتي
هزيتي زوحك و هزيتي رجولته
عيب و الله تنهرين زوحك و تبعدينه عنك بعنف
كذا هو و الله طيب لو واحد ثاني كان رجع الدفه كفين على وجهك
الله يصلحك ي حبيبتي خلاص لاعاد تعيدين حركاتك زي الاطفال بعدين يتعود على زعلك
و يصير كلامك ماهو ذات اهميه و رايك ما يهمه و لو تكلمتي راح يطنشك و ما يدري هن هوا دارك
تدرين ليه لانك عوديه على السكوت و عوديه انك ما تكونين موجوده ,,,,,,,


__________________________________________________ __________

معليش ي اختي لو كنت قاسيه شوي معك

هذي قلة ادب منك رجال يبي تفاهم تدفينه

وين انا فيه

وين الرقه وين النعومه وين الدلع وين الدمعه

الرجل بيتحمل مره ثنتين ثلاث

وتالي بيعطيك مضاعفه

ترى يقدر يطقك ويصفقك ويوديك بيت اهلك

لكن هو ادمي طيب وحبيب

وحافظ لك احترامك

ضروررري تردين له احترامه اضعاف لانه يستحق

تأدبي مع رجلك واثبتي له طيب البيت الي طلعتي منه

انا معك اذا زعلتي طنشي (بس شوي مو واجد)

عجبتيني لمن قلتي اسويله كل شي وقايمه بواجبه

كذا حلو

باقي قصة الدف والدفيف ذي غيريها

بتصرفات تناسب الانثى الرقيقه

وتحملي على نفسك شوي

ترى الرجل عنده شنطه يلم فيها للمره

بيجي يوم وترتاعين من الكم المخزن عنك

وانتي على بالك تصرفات عاديه

انتبهي واحمدي ربك على رجلك الله لا يضرك

وترى زي ماتشاورين هو يشاور والله واعلم الي بينصحه وجه مبارك

والا اقشر يحوس رجلك عليك

سمي بالرحمن ولمي امورك وعدلي من نفسك

حتى تستمر حياتك وحياة اولادك مستقبلا رايقه ومريحه


__________________________________________________ __________

اسمحيلي اقووولك انتي يبيلك رجال يصبحك بكف ويمسيك بكف
الحين عندك النعمه زوجك الطيب الحنون الي لو بغيتي عيوونه عطاكياها
هاذا الزوج الي كل البنات طق عصي عندها
هاذي الموصفات الي البنات يحلمون فيها بزوجها بالمستقبل
والنعمه عندك وترفسينها الله يسامحك بسسس كبري عقلك وبلاشش حركات الوراعين
وتدرين لو انك متزوجه واحد من قبيلتنا ودفيته وشش بسوي فيك
بيدفنك وانتي حيه
من متى البنت تمد يدها ع رجال
اعتقد لو هو دفك اخذتي شناطك ورحتي لااهلك
حررريم اخررر زمان
حافظ ع النعمه الي عندك لاتروح من يدك
وتعيشين بنقمه


__________________________________________________ __________

عاملي زوجك باحترررام وادب ولاتسفهين
ولاترا يدور غيرك ويتزوج